Shelf-Life Ng Pagkain

Mahalagang paksa ng usapan ang shelf-life ng pagkain partikular sa panahon ngayon na ang food storage at food delivery ay laganap. Kapag laging sariwa at hindi panis ang pagkain, nananatili itong edible, masustansya, maganda sa paningin, at malasa. Ang lahat na ito ay mahalaga sa paghahahain ng pagkain.   

Pag-unawa sa Shelf-Life ng Pagkain: Kailan Itinuturing na Sira ang Pagkain?

Karaniwan, ang pagkain ay sira na kapag hindi na ito katanggap-tanggap sa mamimili. Ang pinakamasamang kaso ng pagkasira ay kapag food safety na ang isyu. Ito ay maaaring magdulot ng sakit o matinding kaso ng kamatayan.

Ang hindi gaanong seryosong kaso ng pagkasira ng pagkain ay makikita kapag ang kulay, lasa, texture, o aroma ng pagkain ay nag-deteriorate hanggang sa punto na hindi na ito katanggap-tanggap. Kapag nag-deteriorate na ang pagkain sa puntong kulang na ang nutritional value nito, ito ay sira na. Shelf-life ng produkto ang tawag sa oras na kinakailangan para sa isang food product na maabot ang isa sa mga kondisyon ng pagkasira.  

Lahat ng pagkain ay natural na naglalaman ng maliit na halaga ng bakterya. Kaya lang ang hindi tamang handling, pagluluto o storage ng pagkain ay maaaring magresulta sa pagdami ng bacteria. Ito ay sa puntong maaari silang magdulot ng mga sakit. Dagdag pa rito, ang karamdaman ay maaari ding sanhi ng mga parasite, virus, lason, at kemikal kapag na-contaminate nila ang pagkain.

Storage at refrigeration     

Ang ilang pagkain ay mas madaling kapitan ng mga pathogens. Tulad ng bacteria o toxins na maaaring makapagdulot sa iyo ng sakit. Dito pumapasok ang refrigeration. Ang refrigeration ay matagal nang naging wastong paraan upang makatulong sa pag-iimbak at pag-iingat ng pagkain. Ito ang dahilan kaya humahaba ang shelf-life ng pagkain. Ginagamit ang refrigeration sa lahat ng stages, mula sa pagproseso ng pagkain, hanggang sa pamamahagi, retail, at ang pagkonsumo sa mga tahanan.  

Ang global food industry ay gumagamit ng parehong mga proseso ng chilling at freezing. Pinalalamig ang pagkain mula sa kapaligiran hanggang sa mga temperaturang higit sa 0 °C sa chilling process. Samantala ang freezing ay nangangailangan ng mga temperatura sa pagitan ng −18 °C at −35 °C. Ginagawa ang mga ito upang mapabagal ang pisikal, microbiological, at kemikal na aktibidad na nagdudulot ng pagkasira ng pagkain.

Habang ang karamihan sa atin ay sanay kumain ng mga tira, ito ay kadalasang ginagawa sa pagkain na sa tingin natin ay ligtas pa ring kainin at nasa loob ng shelf-life ng pagkain. Ang dahilan kung bakit kinakain pa rin natin ang tira ay dahil sa ating kaalaman sa mga uri ng pagkain, wastong pag-iimbak, at paghahanda. Gayunpaman, karaniwang nakasanayan nang itapon ang mga natira sa loob ng tatlong araw. 

Shelf life ng pagkain para sa pag-iimbak

Mas mababang panganib na pagkain

• Prutas at gulay – Kapag ang prutas ay nahugasan at nilinis ng mabuti, maaari itong itabi sa loob ng 3-5 araw. Ang mga natirang gulay, kapag niluto at nakalagay sa airtight container, ay maaari sa refrigerator ng 3-7 araw.
• Tinapay – Ang homemade na tinapay ay maaaring tumagal ng tatlong araw sa room temperature. Samantala ang binili sa tindahan ay ligtas na kainin ng hanggang isang linggo maliban kung magkaroon ito ng amag. Ang paglalagay ng tinapay sa refrigerator ay maaaring magpahaba ng kanilang shelf-life ng 3-5 araw.

Mas mataas na panganib na pagkain

Alamin ang tungkol sa Iba Pang Mga Tip sa Malusog na Pagkain dito.