Paano ako mag-iskedyul ng mga pagbabakuna at pagsusuri sa bata sa panahon ng COVID-19?
Step 1: Makipag-ugnayan sa iyong pasilidad ng pangangalagang pangkalusugan
Ang mga klinika at ospital sa ngayon ay may mahigpit na appointments-only policy. Kahit na dati ka na sa isang partikular na klinika sa loob ng maraming taon, dapat ka pa ring tumawag sa opisina nang maaga para makakuha ng appointment at gawin ang anumang mga kinakailangan, tulad ng pagsusuri o mga clearance.
Kung mayroon kang direktang kontak sa pediatrician ng iyong anak, posible ring makipag-ugnayan sa kanila sa telepono, email, o sa pamamagitan ng iba pang mga channel.
Step 2: Sundin ang protocol
Pagkatapos mag-set up ng iskedyul para sa mga pediatric checkup o pagpapabakuna sa pandemya, tandaan ang mga kailangan ng pasilidad. Maaaring mag-iba ito depende sa dahilan ng appointment, ngunit maaaring kasama ang mga request para sa mga diagnostic tulad ng CBC, x-ray, at COVID swab test.
Maraming mga ospital at klinika sa Metro Manila ang humihingi na sumailalim sa pagsusuri sa COVID-19 ang mga pasyente bago pumasok sa pasilidad. Ito ay nagsisilbing pag-iingat sa kaligtasan para sa mga healthcare worker, mga frontliner sa opisina, at iba pang mga pasyente. Ang gastos ng PCR swab testing ay sasagutin ng pasyente, maliban kung saklaw ito ng insurance, HMO, o ng kanilang employer.
Step 3: Kunin ang mga kinakailangang clearance
Dahil sa travel restrictions at mga quarantine status ng iba’t ibang lugar sa bansa, ang mga taong wala pang 18 taong gulang at higit sa 65 taong gulang ay hindi pinapayagan na nasa labas ng kanilang mga tahanan maliban kung may mga kinakailangang clearance o may emergency. Samantala, maaaring kailanganin ang mga quarantine pass sa isang lugar habang hindi naman sa isa pa.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap