Maaaring nakabili ka na ng pagkain na walang cholesterol. Mga pagkaing kung saan ang label ay “zero cholesterol.” At dahil ang cholesterol ay nauugnay sa masamang resulta sa kalusugan, maaari mong isipin na ang pagkain ay malusog. Ngunit posible ba talaga para sa isang pagkain na hindi naglalaman ng kolesterol? Ano ang katotohanan sa pagkain na walang cholesterol?
Cholesterol, Isang Pangkalahatang-ideya
Simulan natin ang talakayan tungkol sa pagkain na walang cholesterol sa pag-alam din kung ano ang kolesterol.
Ang kolesterol ay isang mataba na sangkap na matatagpuan sa dugo at natural inilalabas ng atay. Habang ang labis na cholesterol sa dugo ay nauugnay sa maraming sakit. Mahalagang tandaan na sa malusog na antas, ang kolesterol ay maraming mahahalagang tungkulin.
Mayroong dalawang uri ng cholesterol:
- Low-Density Lipoprotein o bad cholesterol. Ang sobrang dami ng LDL ay maaaring magdulot ng pagkakaroon ng plaque sa mga arterya (atherosclerosis), na nagpapataas ng panganib ng sakit sa puso.
- High-Density Lipoprotein o magandang kolesterol. Ang mga HDL, ayon sa mga eksperto ay makatutulong na protektahan ka laban sa sakit sa puso.
Huwag lamang natin kalimutan ang tungkol sa dietary cholesterol o kolesterol na nakukuha natin sa pagkain.
Mayroon nga ba talagang mga Pagkain na Walang Cholesterol?
Marahil ay napapaisp ka: wala ba talagang mga pagkaing walang cholesterol?
Batay sa mga eksperto, mayroon.
Ayon sa kanila, ang dietary cholesterol ay nasa mga pagkaing nagmumula sa mga hayop. Hindi naglalaman ng cholesterol ang mga pagkaing halaman, tulad ng mga prutas at gulay. Kahit na ang mga uri ng mani at buto na may taba ay walang kolesterol.
Ngunit ano ang tungkol sa mga “cholesterol-free” na mga label sa ilang mga pagkain?
Ipinaliwanag ng isang kinatawan ng American Nutrition and Dietetics na ang ibig sabihin ng “cholesterol-free” ay ang pagkain ay may mas mababa sa 2 mg ng cholesterol at 2 gramo o mas mababa ng saturated fats.
Ngayon, narito ang isang katotohanan: Ang pagkonsumo ng pagkaing may mataas na kolesterol ay may maliit na epekto sa kolesterol sa dugo. Kung ang resulta sa iyong laboratoryo ay nagpapakita ng mataas na kolesterol sa dugo, sinasabi ng mga eksperto na marahil ay dahil sa mataas na paggamit ng saturated at trans fats at mababang pagkonsumo ng unsaturated fats.
Kailangan Mo Bang Limitahan ang Cholesterol Intake?
Dahil ang dietary cholesterol ay karaniwang hindi malaki ang epekto sa kolesterol ng dugo, karamihan sa mga tao ay hindi na kailangang pigilan ang pagkain ng mga pagkaing may mataas na cholesterol.
Ang mas inaalala ng mga eksperto ay ang intake ng saturated at trans fats. Maaaring makaimpluwensya ang mga ito sa kung paano pinangangasiwaan ng atay ang kolesterol, at maaari itong magpataas ng cholesterol sa dugo.
Gayunpaman, may ilang mga pagkakataon na ang pagkonsumo ng walang cholesterol na pagkain ay may katuturan. Kasama sa mga pagkakataong iyon ang pagkakaroon ng mataas na kolesterol sa dugo o mas mataas na panganib ng sakit na cardiovascular. Ang mga taong may familial hypercholesterolemia (FH) ay maaaring gusto ding isaalang-alang ang pagkonsumo ng walang cholesterol na mga pagkain. Isang minanang kondisyon ang FH na nagiging dahilan upang ang pasyente ay magkaroon ng labis na lebel ng kolesterol sa dugo.
Mga Rekomendasyon mula sa Mga Eksperto
Para sa mga eksperto, ang pag-moderate ay susi.
Ang isang malusog at balanseng diyeta ay binubuo ng iba’t ibang pagkain na walang cholesterol, tulad ng whole grains, prutas, gulay, mani, at buto. Para sa protina, isaalang-alang ang mga walang taba na mapagkukunan tulad ng isda at manok. At kahit ito ay mataas sa cholesterol, inirerekomenda pa rin ng mga eksperto ang sapat na paggamit ng mga itlog at shellfish.
Tungkol sa mga pagkaing maaaring gusto mong iwasan, isipin ang mga saturated at trans fats na matatagpuan sa mga baked goodies, mataba na karne, full-fat dairy, at mga processed food.
Panghuli, mag-ingat kahit na ang label ay nagsasabi na ito ay hindi naglalaman ng kolesterol. Dahil lamang sa hindi ito naglalaman ng kolesterol ay hindi nangangahulugan na wala itong mataas na masamang taba.
Key Takeaways
Dagdag pa rito, binigyang-diin ng mga eksperto na hindi mo kailangang limitahan ang iyong diyeta sa mga pagkaing walang cholesterol. Mas nag-aalala sila tungkol sa mataas na pagkonsumo ng saturated at trans fats.
Matuto pa tungkol sa Cholesterol dito.
