Mga Dapat Iwasan Pagkatapos Manganak, Pati Na Ang Mga Dapat Gawin

Ang average na pagbubuntis ay tumatagal humigit-kumulang 40 linggo o 9 na buwan. Pero, ito ay simula pa lang ng isang mas bago at panghabangbuhay na pagpapamilya. Bagama’t may malaking pagtutok sa pangangalaga sa prenatal, maaaring makaramdam ng kaunting pagkalito ang ilang kababaihan pagkatapos manganak. Alamin kung ano ang mga dapat iwasan pagkatapos manganak, pati na ang mga dapat gawin.

Bago At Sa Panahon Ng Panganganak

Sa pangkalahatan, ang pagbubuntis ay tumatagal ng ilang buwan. Maraming pisikal na pagbabago ang aasahan sa mga buwang ito ng pagbubuntis. Gayundin ang mga dapat iwasan pagkatapos ng panganganak. Kasama sa aasahan ang pagtaas ng timbang, mga stretch mark, at mga pagbabago sa mood. Sa buong pagbubuntis, dapat regular ang pagbisita sa iyong doktor para sa prenatal check-up. Tinitiyak nito na ikaw at ang iyong sanggol ay malusog hanggang sa panganganak. 

Pagkatapos ng mga buwan ng pagbubuntis, ang labor ay hudyat ng panganganak — na handa nang lumabas ang iyong sanggol. Ang panganganak ay medyo mabilis kumpara sa buong pagbubuntis. Maaari kang bigyan ng mga gamot at anesthesia sa oras ng delivery. Kailangan ang pahinga pagkatapos manganak, kaya malamang na hindi ka uuwi kaagad. Gayunpaman, maaari mong hawakan at pasusuhin ang iyong sanggol pagkatapos ng panganganak.

Pagkatapos Ng Panganganak

Pagkatapos manganak, o ang postpartum period, pwede ka nang maka hinga-hinga. Physically at mentally, maaaring nakakapagod ang panganganak. Ito ay lalo na kung nakaranas ka ng mahabang panganganak o mahirap na panganganak. Bukod sa pagod, narito ang ilang mga bagay na dapat asahan at mga dapat iwasan pagkatapos manganak:

Maternity Leave

Sa Pilipinas, ang maternity leave ay isang benepisyo ng lahat ng may trabahong ina. Ang mga nanay ay binibigyan ng hanggang 105 araw ng maternity leave. Maaari na nila itong ma-avail 45 days bago ang expected delivery date. Sa mga panahong ito, natatanggap ng mga ina ang buong sweldo at mga karagdagang benepisyo, na maaaring iba-iba depende sa employer.

Mahalaga ang maternity leave hindi lamang para makabawi mula sa pagbubuntis at panganganak kundi para matiyak din ang oras ng bonding ng ina at ng kanyang sanggol. Pagkatapos ng panganganak, ang pagpapasuso ay kinakailangan para sa sanggol. Kaya lang, ang ilang mga ina ay hindi sapat ang gatas at maaaring mangailangan ng donor milk, at kung minsan, formula milk.

Mga Pagbabago Sa Pagdumi

Sa panahon ng panganganak, maraming kababaihan ang nakakaranas ng kawalan ng kontrol sa pagdumi. Ito ay dahil sa paglabas ng sanggol at pag-urong ng mga kalamnan. Bagama’t maaaring awkward, hindi ito dapat ikabahala. Gayunpaman, pagkatapos manganak, maraming mga ina ang may posibilidad na magkaroon ng kabaligtaran na problema: hirap sa pagdumi.

Ang postpartum constipation o problema sa pagdumi pagkatapos ng kapanganakan ay maaaring tumagal ng isa hanggang ilang araw. Ang pag-inom ng mas maraming tubig at pagkain ng mga prutas, gulay, at whole grains ay hinihikayat. Kung tumatagal ng ilang araw ang constipation, maaaring irekomenda ng doktor ang pag-inom ng mga laxative o pampalambot ng dumi para makatulong.

Postpartum Bleeding

Sa buong pagbubuntis mo, hindi mo mararanasan ang iyong buwanang regla dahil hindi ka nag-o-ovulate. Pagkatapos manganak, maaaring hindi mo na maranasan ang iyong regla sa isa pang 1-6 na buwan. Kung eksklusibo mong pinapasuso ang iyong sanggol, maaaring maantala pa ang iyong regla. Ito ay kilala bilang lactational amenorrhea at isa ring paraan ng natural na birth control.

Malamang makaranas ka ng pagdurugo katulad ng iyong day 2 na regla ng ilang araw pagkatapos ng panganganak. Tandaan, hindi ito katulad ng iyong karaniwang regla. Ang ganitong uri ng pagdurugo ay lochia at maaaring mangyari pagkatapos ng parehong normal na panganganak sa vaginal at C-section. Sa unang dalawang araw, ang dugo ay matingkad na pula at nagiging mas maitim sa mga susunod na araw. Maaaring magpatuloy ang Lochia hanggang 6 na linggo. Sa panahong ito, maaari kang gumamit ng heavy-flow na sanitary pad o postpartum diaper.

After Pains

Napakabigat ng labor at panganganak sa katawan ng babae. Apatnapung linggo o higit pa na pagdadala ng sanggol ay umuunat at humihina ang mga kalamnan ng tiyan at pelvic area. Bukod pa rito, maraming kababaihan ang sumasailalim sa episiotomy sa panahon ng panganganak para maiwasan ang pagkapunit ng perineum. Ito ay isang maliit na operasyon na nangangailangan ng mga tahi pagkatapos manganak.

Sa panahon ng postpartum, maaari kang patuloy na makaranas ng mga contraction na maaaring hindi komportable. Ito ay dahil tumatagal ng humigit-kumulang apat na linggo bago makaunat ang matris at bumalik sa kanyang pre-pregnant na laki. Para makabalik sa sukat nito bago ang pagbubuntis, ang muscles ng matris ay kailangang mag contract para umikli. Bilang karagdagan, ang mga tahi sa episiotomy o C-section ay maaaring may pananakit o pangangati habang gumagaling ang balat at mga kalamnan. Ang wastong kalinisan at pangangalaga sa sugat ay kailangan para maiwasan ang pangangati at posibleng impeksyon.

Pagbaba Ng Timbang

Isang bagay na inaabangan ng karamihan sa mga kababaihan pagkatapos ng pagbubuntis ay ang pagbaba ng timbang. Karaniwan, ang pagkawala ng higit sa 10 pounds sa isang araw ay hindi magagawa sa diet, ehersisyo, o mga supplements. Gayunpaman, ang isang ina ay maaaring bumaba ng 10 hanggang 15 pounds kaagad pagkatapos manganak! Ang pagbaba ng timbang na ito ay ang kabuuang bigat, inunan, dugo, at amniotic fluid ng iyong sanggol. Makalipas ang mga araw hanggang linggo, maaari mong asahan na mawalan ng mas maraming tubig lalo na kung ikaw ay nagpapasuso.

Pagbabago Ng Mood

Panghuli, isa sa mga bagay na aasahan pagkatapos manganak ay ang pagbabago ng mood. Maraming mga ina (ngunit hindi lahat) ang nakakaranas ng baby blues. Ito ay karaniwang isang malungkot na pakiramdam na tumatagal ng ilang araw hanggang linggo pagkatapos manganak. Karamihan sa mga ina ay gumagaling mula sa baby blues nang walang anumang partikular na paggamot. Gayunpaman, halos 20% sa mga kababaihan ang nakakaranas ng postpartum depression. Ang postpartum depression ay isang uri ng sakit sa pag-iisip, na nangangailangan ng atensyon. Ito ay dahil maaari itong makaapekto sa ina at kanyang anak.

Matuto pa tungkol sa Panahon Pagkatapos Manganak dito.