Epekto ng Malnutrisyon: Ano Ang Nagagawa Nito sa Katawan?

Ang malnutrisyon ay ang kakulangan at hindi balanseng timbang, kahit na labis ang pag-intake ng enerhiya at nutrients. Karaniwang maiuuganay ang epekto ng malnutrisyon sa mga kondisyon ng sobrang pagiging underweight, labis na katabaan at kakulangan sa micronutrients sa malnutrisyon.

Ang kondisyong ito ay nakaaapekto sa malaking bahagi ng mga tao sa mundo, at 462 milyong matatanda ang kulang sa timbang, at 1.9 bilyong nasa hustong gulang ay sobra naman sa timbang. Habang 51.3 milyong ang mga batang wala pang 5 taong gulang ang may mababang timbang para sa kanilang taas, at nangyayari ito nang mas madalas sa mga low-to-middle-income communities. Kung saan ay mas kaunti lamang ang kanilang access sa masustansyang pagkain.

Mga Uri at Depinisyon

Bago natin pag-usapan ang epekto ng malnutrisyon ay mahalagang malaman natin kung anu-ano ang mga uri nito:

Kakulangan sa nutrisyon o Undernutrition

Ito ang hindi sapat na pag-intake ng enerhiya at nutrients para matugunan ang mga pangangailangan ng isang tao. Ito ang pinakakinokenekta ng karamihan sa malnutrisyon. Nahahati ito sa tatlong karagdagang kategorya:

Stunting. Ito’y tumutukoy sa pagiging maliit para sa’yong edad dahil sa undernutrition. Maaaring dahil ito sa poor socioeconomic condition, na isa sa pinagbabatayan na kondisyong medikal, o limitadong access sa pagkain.

Wasting. Ito’y kapag ang isang tao ay masyadong magaan (weight-wise) para sa kanilang taas dahil sa mga isyu sa nutrisyon. Ang wasting ay kadalasang kasama ng posibleng matinding pagbaba ng timbang. Dahil ito sa biglaang kakulangan sa pagkain o isang nakahahawang sakit.

Kulang sa timbang o underweight. Nangangahulugan ito ng pagiging masyadong magaan para sa edad ng isang tao. Ang pagiging kulang sa timbang ay maaari ring mangahulugan na ang tao ay nakararanas ng pagkabansot at/o wasting.

Micronutrient-Related Malnutrition

Ang pangalawang kondisyon ay ang micronutrient-related malnutrition, na kinabibilangan ng kakulangan sa mga bitamina at mineral. Ang mga pagkukulang na ito ay maaaring humantong sa mga posibleng komplikasyon sa kalusugan.

Obesity o Labis na Katabaan

Ang obesity, pagiging sobra sa timbang, at iba pang mga sakit na nauugnay sa diet-related diseases ay napapailalim sa malnutrisyon dahil madalas itong nagpapahiwatig ng kakulangan sa kalidad ng enerhiya. Ang mga sakit tulad ng kancer, diabetes, sakit sa puso, at stroke ay nasa ilalim din ng kategoryang ito.

Sa pangkabuuan, ang mga sintomas o epekto ng malnutrisyon ay madaling makita. Ang malnutrisyon ay kadalasang nagpapahiwatig nang hindi sinasadyang pagbaba ng timbang.

Madalas itong nagdudulot ng mababang timbang sa katawan at BMI na mas mababa sa 18.5. Dahil dito, ang malnutrisyon ay humahantong sa pakiramdam ng mga tao na patuloy na pagkapagod o panghihina. Ang kakulangan ng interes o kawalan ng kakayahang kumain at uminom ng sapat ay maaari ring humantong sa malnustrisyon. Ito ay maaaring magresulta sa pagkakaroon ng regular na pagkakasakit at nangangailangan ng mas maraming oras para gumaling.

Ang mga bata at kabataan na hindi sapat ang timbang o labis ang timbang para sa kanilang pangkat ng edad ay maaari ring magpahiwatig ng malnutrisyon.

Mga Sanhi at Risk Factors

Mga sanhi

Anumang bagay na nagiging dahilan ng pagkawala ng appetite, pagsusuka, at irregular bowel movement sa matagal na panahon ay maaaring magdulot ng malnutrisyon. Kabilang dito ang mga pangmatagalang kondisyon tulad ng kanser, mga sakit sa atay na nakaaapekto sa pag-absorb ng sustansya, at mga kondisyon sa baga na nagpapahirap sa paglunok. Ang mental health at psychiatric conditions ay maaaring maging sanhi din ng pagkawala ng appetite na nasa ilalim din ng kategoryang ito.

Ang ilang mga sakit at kondisyon na kilalang nakagagambala sa digestion process ay maaari ring maging sanhi ng malnutrisyon. Kabilang dito ang Crohn’s disease, eating disorder, at ang katawan na nangangailangan ng mas maraming enerhiya dahil sa mga bagay tulad ng pulikat o paggaling pagkatapos ng malubhang injury.

Mga Risk Factor

Maraming mga risk factor para sa epekto ng malnutrisyon dahil hindi lamang mga health conditions ang maaaring maging sanhi ng risk ng isang tao. Ang pang-araw-araw na sitwasyon ng pamumuhay ng isang tao ay may malaking papel din. Isa pa ang social/physical isolation, poor mobility, at/o mababang kita ay maaaring maging dahilan upang makaranas ng epekto ng malnutrisyon.

Ang physical factors na nagdudulot ng discomfort sa pagkain, tulad ng mahinang kalusugan ng ngipin at hindi maayos na pustiso ay maaari ring maging dahilan ng malnutrisyon. Bukod dito, ang alkohol at drug depency ay maaari ring maglagay sa isang tao sa risk ng epekto ng malnutrisyon.

Ang kawalan ng gana, lalo na sa childhood at formative years, ay maaaring humantong sa mas maraming problema sa kalusugan.

Treatment at Prevention

Treatment

Ang pagtugon sa mga sanhi ng malnutrisyon ay ang pinakamabisang paraan para gamutin ang kondisyon. Kadalasan, ito’y kinasasangkutan ng dietary changes sa pamamagitan ng isang mas mahusay na diyeta at paggamit ng pagkain na may mataas na caloric value. Maaari rin itong mangailangan ng suporta sa konteksto ng mobility o mga salik na sosyo-ekonomiko.

Ang kahirapan sa pag-ubos ng pagkain ay maaaring matugunan sa pamamagitan ng paggamit ng soft o liquid food. Ang isa pang solusyon na maaaring imungkahi ng mga doktor ay ang pag-inject ng nutrisyon o paggamit ng mga feeding tube.

Prevention

Ang isang healthy diet na may mga pangunahing grupo ng pagkain sa tamang proposyon ay ang pinakatiyak na paraan para maiwasan ang malnutrisyon. Ito ay ang pagsasama ng mga sariwang ani ng gulay, starchy na pagkain, mga dairy products o mga kahalili ng mga ito, at protina.