Malamang ikaw ay isa sa maraming tao na mayroong malinaw na memorya sa maliit na asul garapon sa inyong bahay. Noong ikaw ay bata pa, hinahagod ng iyong ina sa iyong dibdib ang vicks vaporub kung ikaw ay nakararamdam ng sama ng pakiramdam. At parang mahika itong nakapagpapagaan sa pakiramdam! Ano nga ba ang siyensya sa likod ng makaluma ngunit maaasahang bagay sa inyong tahanan? Paano nga ba gumagana ang Vicks Vaporub?
Maikling Kaalaman sa iyong Pinagkakatiwalaang Vicks Vaporub
Ang kahanga-hangang gamit ng Vicks Vaporub ay unang nasilayan sa market noong 1890s nang magpasya ang pharmacist na si Lunsford Richardson mula sa North Carolina na magbenta ng 21 patentadong gamot gamit ang pangalan nitong “Vicks.” Sa lahat ng mga gamit, tanging ang Vick Croup at Pneumonia Salve ang naging pinakakilala.
Ilang taon ang lumipas, dinagdagan ni Lunsford ng mentol at sangkap mula sa mga Hapon. Ang idinagdag na mga sangkap ay mas nagpaigi sa pang haplos at nagbibigay ng makabuluhang epekto matapos gamitin. Ang mentol ay sumisingaw sa pagkakataon na ilagay ito sa dibdib. Kung kaya’t naglalabas ito ng naka giginhawa at nakagagamot na singaw na maaaring tumagal ng ilang oras. Ang uri na ito ay ang mas kilala sa ngayon na Vicks Vaporub.
Mula noon, ang kumpanya ay humanap pa ng paraan upang mas mapabuti nito ang ginhawang mula sa sipon at lagnat na sintomas na produkto na makatutulong sa mas maraming tao.
Ang Vicks Vaporub
Nag-umpisa maging kilala ang Vicks Vaporub noong laganap din ang pandemya ng flu noong 1918, kung saan ito ay nagbibigay ginhawa sa mga tao. Mula noon, ito ay nanatiling popular na gamot na mabibili nang hindi kailangan ng reseta upang gamutin ang mga karamdaman sa paghinga. Kaya naman, hindi maikakaila ang tiwala ng mga Pilipino rito.
Ang mentol na pamahid na ito ay naglalaman ng mga aktibong sangkap:
- Camphor (4.8%)
- Menthol (2.6%)
- Eucalyptus oil (1.2%)
Ang tatlong mabisang mga sangkap na ito, ayon sa National Institute of Health (NIH), ay pumipigil sa ubo. Sa kabilang banda ang camphor at menthol ay parehong topical analgesics o pantanggal sakit na inilalagay ng tao sa kanilang balat.
Karagdagan, ito rin ay naglalaman ng hindi aktibong sangkap tulad ng langis ng cedarleaf, langis ng nutmeg, espesyal na petrolatum, thymol at langis ng turpentine.
Dahil sa mga sangkap na ito, ang pamahid ay nagbibigay ng panterautika na epekto, na nagpapahimbing ng pagtulog sa gabi
Maliban sa ginhawa mula sa ubo at baradong ilong, sinasabi rin na ito ay nagbibigay pa ng ibang ginhawa sa:
- Hirap na paghinga
- Pananakit ng ulo
- Paninigas ng kalamnan
- Sakit sa katawan
Ang paglalagay nito sa kalamnan at kasukasuan ay nagbibigay ng pansamantalang ginhawa mula sa katamtamang sakit. Iba pa, iminumungkahi rin ng ilang pag-aaral na ang bisa nito ay nakagagamot din ng iba pang kondisyon tulad ng fungus sa paa.
Paano Gamitin ang Vicks Vaporub
Ito ay topikal lamang na ointment na maaaring gamitin sa dalawang paraan:
Rub-on masahe
Ito ang pinaka karaniwang paraan sa paggamit nito. Malumanay na masahihin sa dibdib, leeg, at likod upang makatulong sa maginhawang tulog kung may sipon man. Gamitin ito ng naaayos; 3.5g para sa mga bata at 7.5g para sa matanda.
Suob
Ilang mga tao ang ginagamit ang Vicks Vaporub sa suob upang magbigay ng nakagiginhawang epekto. Lagyan ang isang mangkok ng umuusok na tubig at lagyan ng 2 kutsaritang Vicks Vaporub. Malumanay na langhapin ang singaw habang mayroong tuwalya sa ulo habang hawak ang mangkok. Ito ay nakatutulong sa baradong ilong at pagpapagaan ng hirap sa paghina. Maaari mong ulitin ang prosesong ito hanggang apat na beses kada araw.
Mahalagang isaisip na ito ay para lamang sa panlabas na gamit. Hindi mo dapat gamitin ito sa bibig, sa may masisikip na bendahe, butas ng ilong o maging sa sugat o nasirang balat.
Mahalagang Tandaan
Naniniwala ang mga tao sa dami ng benepisyong dala ng Vicks Vaporub. Ngunit, mabuti pa ring komunsulta sa doktor bago gamitin ang produktong ito, lalo na kung ikaw ay may medikal na kondisyon.
Matuto pa tungkol sa Pangkalahatang Kalusugan dito.
Ang Hello Health Group ay hindi nagbibigay ng medikal na payo, diagnosis o paggamot.
