Masama Bang Mag-Ehersisyo Kapag May Bronchitis?

Pag-ehersisyo kapag may bronchitis: Masama ba ito? 

Ang pag-eehersisyo araw-araw ay magandang habit para sa malusog na katawan at isip. Gayunpaman, ligtas bang magpatuloy sa pag-eehersisyo kapag tayo ay may sakit? Dapat bang ituloy ang normal at aktibong mga gawain habang may mga simpleng health conditions tulad ng lagnat o mas malubhang mga kondisyon? Alamin dito kung ligtas ba ang pag-ehersisyo kapag may bronchitis.

Pag-eehersisyo na may Bronchitis: Ang Mga Panuntunan sa Above-the-neck at Below-the-neck

Kadalasang inirerekomenda ng mga medical expert ang rules sa above-the-neck and below-the-neck. Ito ay para magpasya kung dapat ba ang workout session kung hindi maganda ang pakiramdam. Tingnan natin kung ano ang ibig sabihin ng mga panuntunang ito.  

Above-the-neck Rule

Sa rule na ito, ligtas na mag-ehersisyo na may health conditions na limitado sa mga bahagi ng katawan na nasa itaas ng leeg. Sa katunayan, maaaring mapabuti ng ehersisyo ang sirkulasyon ng dugo at maalis ang bara ng mga sinuses. At maramdaman  na ikaw ay flexible at rejuvenated– pangkalahatang pakiramdam ng kagalingan.

Nasa ibaba ang mga pinakakaraniwang sintomas ng above-the-neck health conditions:

• Problema sa sinus
• Sakit ng ulo
• Lagnat
• Sakit sa tenga
• Sakit sa lalamunan
• Sipon o barado ang ilong

Kaya lang, may ilang mga hindi kasali sa rule na ito. Naniniwala ang ilan na ang pag-ehersisyo kapag may runny nose, sipon, o pagbahing ay ligtas. Gayunpaman, ang iba ay naniniwala na pinakamainam na umiwas sa pag-eehersisyo kapag may mga ganitong sintomas, at gayundin kung lagnat. Ito ay lalo na kapag ang temperatura ng katawan ay higit sa 38 degrees C. Maaaring tumaas pa ang temperatura ng katawan mo sa pag-ehersisyo na may lagnat. Magpapalala ito sa health condition mo. 

Below-the-neck Rule

Sa kaso ng mga health condition na nauugnay sa mga bahagi ng katawan sa ibaba ng leeg, karaniwang pinapayuhan na ipagpaliban mo ang iyong fitness session. 

Ang mga sintomas na dapat bantayan na dapat hindi ka mag-ehersisyo ay:

• Lagnat na may panginginig
• Pagduduwal
• Pagsusuka
• Pagtatae
• Pakiramdam ng paninikip sa dibdib
• Pamamaga o iritasyon sa dibdib
• Hinihingal
• Sakit ng katawan
• Pagod na muscles

Pag-Ehersisyo Kapag May Bronchitis

Kailan ligtas bumalik sa pag-ehersisyo kapag may bronchitis?

Ang pag-eehersisyo na may bronchitis ay hindi dapat dahil ito ay kondisyon sa ibaba ng leeg. Ngunit kung gaano ka katagal hindi mag-eehersisyo ay depende kung gaano kalubha ang kondisyon mo. Karaniwan, ang mga sintomas ng bronchitis ay tumatagal ng hindi bababa sa 2 linggo upang gumaling. Ang mas seryosong kondisyon, o kulang sa paggamot ay pwedeng magpatagal ng mga sintomas nito. Ikaw ang pinakamahusay na makapagsasabi kung kailan ang tamang oras para bumalik sa pang-araw-araw na aktibong pamumuhay. Kapag bumuti na ang iyong pakiramdam, maaari kang unti-unting bumalik sa pag-eehersisyo sa halip na biglaan.

Pag-eehersisyo na may Bronchitis: Exercise-induced Bronchoconstriction

Ang pag-eehersisyo na may mga sintomas ng sakit sa ibaba ng leeg ay pwedeng magpalala sa kondisyon mo. Masasayang din ang ginagawang treatment. Ang iba pang bronchial diseases ay maaaring mangyari kung ginagawa mo ang pag-ehersisyo kapag may bronchitis o hika. 

Ang exercise-induced bronchoconstriction, o EIB, ay nangyayari kapag ang bronchial airways ay lumiit resulta ng mga pisikal na aktibidad. Exercise-induced asthma ang tawag sa kondisyong ito. Karamihan sa mga taong may hika ay mayroon ding EIB. Gayunpaman, hindi lahat ng may exercise-induced bronchoconstriction ay may hika. Kung sakaling gusto mo pa ring mag-ehersisyo na may bronchitis o EIB, maaaring magrekomenda ng diet at treatment plan ang isang medical expert. Upang makapag-ehersisyo ka nang hindi napipinsala sa iyong sarili.

Mga sanhi ng EIB

Ang EIB ay nangyayari kapag ang tubig o init, o pareho, ay na-drain mula sa bronchial airways habang nag-eehersisyo. Ang pag-inhale habang mag-eehersisyo na may EIB ay nagpapatuyo ng mga daanan ng hangin. Ito ay dahil ang hangin sa labas ay mas tuyo kaysa sa hangin sa iyong katawan. Ang mga sintomas ng EIB ay maaaring magsimula ng ilang minuto pagkatapos mong magsimulang mag-ehersisyo. Maaari itong magpatuloy nang hanggang 10-15 minuto pagkatapos ng session ng pag-ehersisyo.

Maaaring mag-trigger ng mga sintomas ng EIB ang ilang mga kondisyon sa oras ng ehersisyo at sports activities. Kabilang dito ang:

• Temperatura sa oras ng hot yoga
• Polusyon habang tumatakbo o habang nagbibisikleta
• Chlorinated na tubig habang lumalangoy
• Tuyong hangin habang naglalaro ng hockey o ice skating
• Mga carpet, bagong kagamitan, o air spray sa isang gym

Mga sintomas ng EIB

Ang mga sintomas na ito ay maaaring maranasan ng sinuman, kahit na ang mga walang EIB. Gayunpaman, ito ay magiging mas malinaw at malala  sa mga taong gumagawa ng pag-ehersisyo kapag may bronchitis o EIB.

Karaniwang sintomas ng EIB:

• Hirap sa paghinga o hinihingal
• Matinding ubo
• Wheezing o ang matalim na tunog kasabay ng paglanghap at pagbuga
• Pananakit ng lalamunan
• Pakiramdam ng paninikip sa dibdib
• Mahina o nakompromiso ang immunity
• Pagtatae

Ang EIB ay kadalasang nati-trigger o pinapalala ng tuyo, malamig na panahon at mga pisikal na aktibidad. May mga pisikal na aktibidad na hindi karaniwang nakati-trigger ng health condition. Kabilang dito ang paglalakad, field sports tulad ng baseball, volleyball, at iba pa. Gayunpaman, iba-iba  ito sa bawat tao. Humidity at init ng tubig ang tumutulong sa paghinga ng mga taong may EIB. 

Diagnosis ng EIB

Nasa ibaba ang karaniwang proseso ng diagnostic para sa health condition na ito:

• Susuriing mabuti ng iyong allergist ang personal medical history mo at family history ng mga health conditions na may kaugnayan sa paghinga.
• Magtatanong siya tungkol sa lokasyon ng iyong pag-ehersisyo. Dahil ang ilang lugar na may mga pollutant at tuyo,  malamig na hangin ay kadalasang mga trigger.
• Ang mga indoor na lugar na maraming allergens, tulad ng gym ay pwede ring magdulot ng flare-ups. Ang indoor air na may mataas na trichloramine na ginagamit sa pag-chlorinate ng mga swimming pool ay isa pang pinagmumulan ng allergen. 
• Maaaring tanungin ka tungkol sa iyong iskedyul at uri ng mga pisikal na aktibidad na iyong ginagawa.
• Maaari niyang suriin ang iyong paghinga bago, habang, at pagkatapos ng sesyon sa treadmill o exercise bike.

Matuto pa tungkol sa Bronchitis dito.

[embed-health-tool-bmr]