Summer is in the air! Naghahanap na ang mommies, daddies, at teens ng paraan kung paano kuminis ang balat. Para i-flaunt ang kanilang flawless skin sa beach! Handa ka na ba? Basahin ang artikulong ito para sa trendy ideas tungkol sa pag-achieve ng flawless skin!
Ang Ating Balat
Ayon sa mga eksperto, ang skin’s texture ng tao ay naiimpluwensyahan ng external at internal elements. Narito ang mga sumusunod:
External Elements
- Skin Care Products
- Polusyon
Internal Elements
- Kalusugan
- Diet
Huwag din kakalimutan na pwede ring magbigay ng impluwensya ang edad ng tao sa skin’s texture ng tao. Ito ay maituturing na mga natural na pagbabago sa ating balat.
Skin Care Tips
Maaari mong mapakinis ang iyong balat sa pamamagitan ng pagpapanatili ng healthy skin. Hindi mo naman kailangan lagi ng intensive skin care, para ma-achieve ang iyong goal para sa pagkakaroon ng glowing skin. Narito ang mga sumusunod na paraan para makuha ang makinis na balat.
Paano kuminis ang balat: Protektahan ang balat mula sa sikat at init ng araw
Isa sa mga dahilan ng tuyong balat ang matinding sun exposure. Bukod dito, pwede na maging sanhi ito ng wrinkles, age spots at iba pang skin problems. Nagpapataas din ito ng panganib ng kanser sa balat. Ang pagprotekta sa ating skin ay daan sa pagkakaroon ng makinis na balat. Narito ang ilang tips kung paano proteksyunan ito:
- Paggamit ng sunscreen
- Pagsusuot ng shades kapag sobrang tirik ang araw at mainit
- Pagsusuot ng protective clothing
Paano kuminis ang balat: Pananatiling hydrated
Ang pag-inom ng tubig ay nakakatulong sa elasticity ng balat. Nababawasan din nito ang mga sintomas ng pagkatuyo ng balat. Sanhi para maging mas malambot ang balat at makinis.
Paano kuminis ang balat: Pag-eehersisyo
Ayon sa animal at human studies ang regular na aerobic exercise ay pwedeng magpabuti ng komposisyon ng balat. Ito ay nagreresulta ng mas bata at makinis na balat.
Paano kuminis ang balat: Huwag Manigarilyo
Ang paninigarilyo ay dahilan para maging matanda ang iyong balat. Dahilan para magkaroon ng wrinkles at kulubot na skin. Sapagkat, dini-deplete o inuubos nito ang oxygen at nutrients para sa ating balat na mahalaga sa skin health. Pinapataas din ng paninigarilyo ang risk ng squamous cell skin.
Paano kuminis ang balat: Pag-take ng mga pagkain na mataas sa antioxidants
Sinasabi na ang mga antioxidant-rich foods ay may protective effect sa balat. Narito ang mga sumusunod na pagkain na mataas sa antioxidants:
- Madadahong gulay o leafy greens
- Dilaw at kahel na prutas at gulay
- Matatabang isda o fatty fish tulad ng salmon
Ang pagdaragdag din ng probiotics sa iyong diet ay nakakatulong na maiwasan ang skin conditions, tulad ng eczema at acne.
Paano kuminis ang balat: Tamang pamamahala ng stress
Huwag kakalimutan na ang uncontrolled stress ay pwedeng maging sanhi ng pagiging sensitibo ng balat — at mag-trigger ng acne breakouts. Para magkaroon ng makinis na balat, kinakailangan na matutunan ng tao na i-manage ang kanyang stress. Sikapin na makakuha ng wastong haba ng tulog. Dahil nakakatulong ito para mas maging klaro ang isip at i-manage ang stress.
Paano kuminis ang balat: Pag-iwas sa pag-inom ng alak
Ang pag-inom ay may kaugnayan sa skin photodamage skin aging at wrinkles. Dahil maaaring humantong sa dehydration ang labis na pag-inom ng alak. Ito ang sanhi ng tuyong balat at premature aging.
Iba pang paraan sa pagpapakinis ng balat
Mayroon tayong mga over-the-counter products na pwedeng gamitin sa pagpapakinis ng balat. Subalit, laging siguraduhin na ito ay inaprubahan ng iyong doktor o dumaan ka sa konsultasyon. Maaari kasing maging sanhi ito ng iritasyon sa iyong balat at allergy. Narito ang mga sumusunod na skin products na pwedeng gamitin:
- Skin exfoliators
- Alpha hydroxy acid
- Moisturizers
- Dry brushing
- Mild at gentle cleansers
Home Remedies para sa makinis na balat
Narito rin ang mga sumusunod na home remedies para sa malambot at flawless skin:
- Honey. Isa itong natural exfoliator na mayroong bioactive properties na may benepisyo sa pagbabawas ng wrinkles.
- Oatmeal baths. Ito ay makakatulong para sa pagpapanatili ng moisture ng balat. Mabisa rin ito sa paggamot sa skin conditions.
- Coconut oil. Maganda ito para sa pag-moisture ng balat dahil nagtataglay ito ng anti-inflammatory at antimicrobial properties.
- Essential oils. Ang ibang essential oils kapag tinunaw o dilute ay makakatulong sa pagbabawas ng wrinkles at skin issues.
- Humidifiers. Sinasabi na ang paggamit nito ay nakakatulong para maiwasan ang pagkatuyo ng balat.
