Narebyung medikal ni Mia Dacumos, MD · Nephrology · Makati Medical Center
Sa paghahanda ng pagkain at inumin, mahalagang manatiling malinis sapagkat anumang pagkain na hindi naihanda nang maayos ay maaaring maging sanhi ng kontaminasyon na magdudulot ng food poison. Ang food poison, na mas karaniwang tinatawag na food poisoning ay isang sakit na nakukuha sa mga sirang pagkain at inumin o kontaminadong pagkain at inumin na may bakterya, virus, parasites o toxins na ating nakain. Gayunpaman, tulad ng iba pang mga sakit, may ilang gamot sa food poison na maaari din natin gawin sa ating mga tahanan.
Bukod sa pag-alam kung ano ang food poison at gamot sa food poison, mahalagang malaman din ang mga sintomas nito.
Isa sa mga iniiwasang mangyari sa isang taong na-food poison ay dehydration o pagkawala ng likido sa katawan at iba pang mga nutrisyong kailangan nito. Habang hindi pa humuhupa ang pagsusuka at pagtatae, iwasan muna ang solid na pagkain at mga produktong dairy. Manumbalik lamang sa pagkain at pag-inom kapag bumuti na ang pakiramdam.
Maaaring subukang ang pag-inom ng oral rehydration powder na mabibili sa mga pharmacy. Kung wala man nito, puwede kang gumawa ng sarili mong timpla sa pamamagitan ng pagtunaw ng ½ kutsarita o 3 gramo ng asin, ½ kutsarita ng baking soda at 4 na kutsara ng asukal sa 4 ½ na tasa o isang litro ng tubig. Siguraduhin lamang na sa malinis na tubig gagawin ang mixture na ito upang hindi lumala ang food poisoning.
Isa pa sa maaaring makatulong na gamot sa food poisoning ay ang BRAT diet. Ito ay banayad lamang sa tiyan sapagkat binubuo lamang ito ng saging, kanin, applesauce at toast. Kainin mo ito hanggat hindi pa bumubuti ang iyong pakiramdam.
Ang mga pagkaing ito ay makatutulong upang muling manumbalik ang iyong lakas na nawala dulot ng food poisoning. Kung hindi mo man ito nais, siguraduhin lamang na ang kakainin mo ay mga pagkaing mababa lamang ang taba hanggang sa bumuti ang iyong pakiramdam.
Kapwa kilalang halamang gamot ang luya at mint. Batay sa ilang pag-aaral, ang luya ay nakatutulong sa pagpapawi ng pagduduwal habang ang mint naman ay nag-aayos ng tiyan. Makatutulong din ang pag-inom ng mga tsaa nito upang manatili kang hydrated habang ikaw ay may sakit.
Sa ibang sitwasyon, maaaring bumili ng mga gamot na over the counter tulad ng gamot sa pagtatae ngunit tandaan na hindi ito ipinapayo lalo na kung bata ang na-food poison.
Bagamat nabanggit ang ilan sa mga posibleng gamot sa food poison na magagawa sa inyong tahanan. Tandaan na kaagad pa rin kumonsulta sa doktor kung hindi nagkakaroon ng pagbabago sa nararamdaman o mas lumalala ito.
Upang maiwasan ang food poison, gawin ang sumusunod:
Disclaimer
Ang Hello Health Group ay hindi nagbibigay ng medikal na payo, diagnosis o paggamot.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap