Ano ang HMO na laging tinatanong ng mga nag-aaply ng trabaho? Ang Health Maintenance Organization na mas kilala bilang HMO ay isang sistema ng paghahatid ng pangangalaga ng kalusugan. Kadalasan ay bahagi to ng benepisyong binibigay ng kumpanya sa kanilang mga empleyado. Ito ay nagbibigay-daan upang makatanggap ang mga empleyado ng malawak na hanay ng tulong medikal sa mas mababang presyo.
Isa itong organisasyon na nagbibigay ng serbisyong pangkalusugan sa mga subscribers nito. Ang mga medikal na pasilidad at mga doktor na pumirma ng kontrata sa HMO ay binabayaran ng napagkasunduan bayad upang mag-alok ng hanay ng mga serbisyo sa mga subscribers. Nagpapahintulot ito sa isang HMO na mag-alok ng mas mababang mga premium o bayarin kaysa sa iba pang mga uri ng mga plano sa segurong pangkalusugan.
Ano ang HMO sa Pilipinas
Ang mga HMO sa bansa ay sumasaklaw sa humigit-kumulang apat na milyong Pilipino bilang mga miyembro. Humigit-kumulang 90 porsyento dito ay nakarehistro bilang miyembro sa ilalim ng mga corporate plan.
Sa ngayon mayroong 16 na HMO sa bansa, na kinabibilangan ng sumusunod:
- MEDIcard
- Intellicare
- MaxiCare
- Philcare
- Insularcare
- Valucare
- Fortunecare
Ang mga HMO na ito ay karaniwang sumasaklaw sa parehong mga pamamaraan ng outpatient at inpatient. Kasama na rito ang anumang mga pang-emerhensiya na paggamot na maaaring kailanganin mo. Gayunpaman, ang anumang tulong medikal ay dapat ihatid ng mga doktor, klinika, o ospital na naka-kontrata sa nasabing HMO.
Ano ang HMO at Philhealth
Maraming nalilito kung magkatulad ang serbisyong binibigay ng HMO at Philippine Health Insurance Corporation o PhilHealth. Kung kaya pinapayuhan ang mga miyembro na magkaiba ito. Maaari mong gamitin ang mga benepisyo ng iyong HMO kasama ng iyong PhilHealth plan. Kapag ikaw ay na-ospital, bahagyang sasakupin ng PhilHealth ang iyong mga bayarin mula sa 15 hanggang 30 porsyento. Babayaran naman ng HMO ang natitirang balanse.
Pinapayuhan ang karamihan sa mga HMO na patuloy na maging miyembro ng PhilHealth ang kanilang mga subscribers. Ngunit kahit na karaniwang benepisyo ng mga kumpanya ang HMO, maarin din namang maging subscriber ang isang freelancer. Mas mataas nga lamang ang iyong babayaran kumpara sa mga empleyado.
Paano gumagana ang HMO
Ang isang HMO plan ay nakabatay sa isang network ng mga ospital, doktor, at iba pang tagapagbigay ng pangangalaga ng pangkalusugan. Ayon sa kanilang kontrata, sumasang-ayon sila sa pag-uugnay ng pangangalaga sa loob ng isang network bilang kapalit ng isang tiyak na kabayaran para sa kanilang mga serbisyo. Karamihan sa mga tagapagbigay ng HMO ang binabayaran batay sa bawat miyembro, at hindi sa kung ilang beses nagpakonsulta ang miyembro.
Kapag sakop ka ng isang HMO, kakailanganin mong pumili ng doktor na nasa listahan o network ng nasabing organisasyon. Bagama’t maaari ka din naman i-refer sa mga espesyalista na hindi miyembro depende sa iyong pangangailangan.
Serbisyong makukuha sa HMO
Maliban sa konsultasyon na pinaka popular na gamit ng HMO, maaari ka ring maka-benepisyo sa mga sumusunod kung ikaw ay isang miyembro:
- Hospitalization
- Prescription Medicine
- Laboratory Services
- Emergency Services
Kung alam mo kung ano ang HMO, maaari kang makinabang sa isang malawak na organisasyon ng mga nagbibigay ng serbisyong pangkalusugan. Maaari kang kumunsulta sa ospital o klinika kahit saan mang lokasyon gamit ang iyong HMO card. Tandaan lamang na para makakuha ng mga benepisyong ito, kinakailangang miyembro ng network ng iyong HMO ang pasilidad o propesyonal na magbibigay ng serbisyo. Sa karagdagang halaga, maaaring isama sa iyong HMO plan ang iyong pamilya upang makakuha din sila ng mga benepisyong pangkalusugan.
Bagama’t masigasig ang pamahalaan na palawakin pa ang nasasakupan ng PhilHealth, mas mabuti pa rin kung mayroon kang HMO o pribadong health insurance. May karagdagang kaltas man ito sa iyong kinikita, magbibigay naman ito ng maaasahang pinansyal na kasiguraduhan sa panahon ng medikal na emerhensiya.
