Nawawala At Bumabalik Ba Ang Asthma? Bakit Ito Nangyayari?

Ang asthma ay maaaring maging nakadidismaya para sa mga bata at mga magulang. Maaari nitong malimitahan ang mga aktibidad na maaaring magawa ng mga bata, at maging mapanganib sa kanilang kalusugan. Walang tiyak na gamot para sa asthma, ngunit may ilang mga batang hindi ito nararanasan habang sila ay tumatanda. Nawawala at bumabalik ba ang asthma? Permanente ba itong nawawala sa katawan ng isang tao? Alamin sa artikulong ito.

Ano Ang Asthma?

Ang asthma ay isang kondisyon kung saan ang mga daanan ng hangin papunta at paalis ng baga ay humihigpit na nagiging dahilan ng kahirapang huminga. Ang pagdami ng produksyon ng mucus ay nakaaapekto rin sa kung paano nakagagalaw ang hangin sa mga namamagang daanan. May maraming mga salik na nakapagpapataas sa tyansa ng pagkakaroon ng asthma ng isang tao, kabilang ang mga sumusunod:

• Genetics. Ang pagkakaroon ng tiyak na gene ay nagiging dahilan upang ang isang tao ay magkaroon ng ganitong kondisyon.
• Pagiging lantad sa usok ng sigarilyo o tabako habang nasa loob ng sinapupunan at matapos maipanganak.
• Mababang birth rate at preterm birth ng bata
• History ng asthma sa pamilya, lalo na sa pamilya ng ina
• Ang mga lalaki ay may mas mataas na tyansang magkaroon ng kondisyong ito kumpara sa mga babae.
• Sa usapin ng lahi, ang African Americans at Puerto Ricans ay mas mas mataas na tyansang magkaroon nito.
• Madalas na pagkakaroon ng mga sakit na may kaugnayan sa paghinga sa panahon ng pagkabata

Ano Ang Asthma? Anu-Ano Ang Triggers Nito?

Ang pagtukoy sa triggers at sanhi ng asthma ay makatutulong na masagot ang tanong na “Nawawala at bumabalik ba ang asthma?”

Ang pagkakaroon ng kondisyong ito ay maaaring maging dahilan upang ang isang bata ay maging mas sensitibo sa iba’t ibang allergens na nasa hangin. Nakatutulong ito sa mga magulang na maging pamilyar sa mga potensyal na trigger, upang mapigilang malantad sa mga ito ang kanilang mga anak.

Ilan sa mga ito ay ang mga sumusunod:

• Pagbabago sa panahon lalo sa tuwing tag-ulan
• Matagal na pisikal na aktibidad
• Pagkakalantad sa usok ng sigarilyo o tabako, o polusyon sa hangin tulad ng usok ng sasakyan
• Mga hayop na naglalagas ng maraming balahibong hindi malinis
• Maliliit na particles tulad ng pollen, alikabok, at molds
• Ang acid reflux ay maaaring makapagpalubha ng mga sintomas
• Usok mula sa disinfectant at mga panlinis ng bahay

Ang pinakamainam na paraan upang maiwasan ang pag-atake ng asthma ay limitahan ang pagkakalantad sa triggers na ito. Nakatutulong din ito upang mahikayat ang mga bata na magkaroon ng malusog at aktibong paraan ng pamumuhay.

Nawawala At Bumabalik Ba Ang Asthma Sa Mga Bata?

Nawawala at bumabalik ba ang asthma? Ang sagot ay ang asthma ay hindi nagagamot. Gayunpaman, maaari itong makontrol sa pamamagitan ng pagsunod sa action plan na kinabibilangan ng mga gamot, pagpigil sa triggers, at pagsubaybay sa mga sintomas. Kung maging matagumpay, ang mga sintomas na ito ay maaaring humupa habang lumalaki ang isang bata. Maaaring magawa ng bata ang mga aktibidad na hindi niya nagagawa noon dulot ng mga sintomas.

Gayunpaman, may tyansang ang mga sintomas ay muling maranasan ulit kalaunan, sa pagitan ng edad 30 hanggang 40. Ito ay maaari ding maging mas mahirap kaysa sa asthma sa panahon ng pagkabata.

Ang tyansa ng pagkakaroon ng asthma sa unang pagkakataon sa mga nakatatanda ay mas mababa kaysa sa mga taong nagkaroon na nito noong sila ay bata pa. Mayroon ding mga kaso kung saan ang mga nakatatanda ay hindi nakararanas ng muling pagkakaroon nito habang sila ay tumatanda.

Matuto pa tungkol sa Hika dito.