Huwag inumin o gamitin kung lumampas na sa expiration date, sira ang selyo ng produkto, o may pagbabago sa kulay amoy, o itsura ng produkto.
Huwag itapon ang produkto sa agusan ng tubig, palikuran, o sa paligid. Itanong sa iyong pharmacist ang wastong lugar at pagtapon ng produkto.
Pag-iingat at mga Babala
Ano ang dapat mong malaman bago gumamit ng inoflox?
Ang fluoroquinolones, kabilang ang ofloxacin, ay may kaugnayan sa pagtaas ng panganib ng tendinitis at tendon rupture sa lahat ng edad. Sa mga matatandang pasyente (>60 taon), na umiinom ng corticosteroid na gamot, at mga nagpa-transplant ng kidney, puso, baga ay may mataas na panganib.
Maaari mapalala ng fluoroquinolones, kabilang ang ofloxacin ang panghihina ng kalamnan ng taong may myasthenia gravis. Iwasan ang paggamit ng ofloxacin sa mga pasyenteng may history ng myasthenia gravis.
Bago gamitin ang gamot na ito, ipaalam sa doktor kung ikaw ay may:
- May allergy sa ofloxacin o iba pang fluoroquinolones
- History ng allergy sa iba pang gamot, pagkain, at iba pang sangkap
- Umiinom ng iba pang gamot
- Mga kondisyon sa kalusugan
Ligtas ba ito sa pagbubuntis at pagpapadede?
Ang gamot na ito ay pregnancy category C. Walang sapat na pag-aaral sa paggamit ng ofloxacin sa buntis. Gayunpaman, ang pag-aaral ng fluoroquinolones sa hayop ay nagpakita na nagdudulot ito ng arthropathy (sakit sa kasukasuan) sa mga fetus. Samakatuwid, uminom lamang ng gamot na ito kung ipinayo ng doktor.
Lumalabas ang gamot na ito sa gatas ng ina na maaaring makaapekto sa sanggol. Kung kaya kumonsulta sa doktor o OB-GYN sa pagpapadede na may iniinom na gamot.
Iba pang epekto
Ano ang ibang epekto na maaaring mangyari sa paggamit ng Inoflox?
Lahat ng gamot ay may potensyal na maglabas ng iba pang epekto gamitin man ito sa normal na paraan. Ang ibang epekto ay karaniwang nakadepended sa doses, kung kaya ang pagbabawas ng doses o paghinto sa paggagamot ay nakababawas sa iba pang epekto nito.
Posibleng mga iba pang epekto sa pag-inom ng gamot ay:
- Pagduwal
- Insomnia
- Pananakit ng ulo
- Pagkahilo
- Pagtatae
- Pagsusuka
- Pantal at pangangati
- Pangangati ng external genital (sa babae)
- Vaginitis
- Pag-iiba ng panlasa
- Hypersensitivity reactions
Magpakonsulta nang medikal agad kung makaranas man ng malalang epekto ng gamot:
- Malalang hypersensitivity
- Lagnat
- Toxic necrolysis (TEN) o Steven-Johnson Syndrome (SJS)
- Vasculitis
- Serum sickness
- Pananakit ng litid (tendinitis)
- Pananakit ng kasukasuan (arthralgia)
- Hepatitis
- Abnormalidad ng hematologic
- Pananakit ng muscle (myalgia
- Anemia
- Thrombocytopenia
- Leukopenia
- Agranulocytosis
- Pancytopenia
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap