Isa pang halimbawa, ang ilang ebidensya ay nagpapakita na ang kakulangan sa potassium ay maaaring makapinsala sa produksyon ng insulin. Maaari itong magresulta sa mataas na blood sugar level. Dahil dito ay hindi gaanong nagagamit ang glucose na gumaganap bilang enerhiya para sa iyong mga selula.
Panghihina ng kalamnan at pulikat
Isang sintomas ng mababang potassium ang cramps. Ang potassium ay tumutulong sa pagsisimula at paghinto ng mga contraction ng kalamnan. Kapag mababa ang antas ng potassium sa dugo ay maaaring makaapekto sa balanseng ito. Nagiging sanhi ito ng hindi nakokontrol at matagal na mga contraction na kilala bilang cramps. Ang potassium ay tumutulong sa paghatid ng mga signal mula sa iyong utak patungo sa skeletal muscles upang pasiglahin ang mga contraction. Nakakatulong din itong tapusin ang mga contractions sa pamamagitan ng pag-alis sa mga selula ng kalamnan.
Kapag mababa ang antas ng potassium sa dugo, hindi maipahatid ng iyong utak ang mga signal na ito nang kasing epektibo. Nagreresulta ito sa mas matagal na mga contractions na nagpapalala sa muscle cramps. Maaring magkaroon ng cramps kapag may matinding hypokalemia na mas mababa sa 2.5 mmol/L ng potassium. Sa mga bihirang kaso, ang matinding hypokalemia ay maaari ding maging sanhi ng rhabdomyolysis. Ito ay isang mapanganib na kondisyong medikal. Kinasasangkutan ito ng pagkasira ng tissue ng kalamnan na naglalabas ng nakakapinsalang protina sa dugo. Posibleng humantong ito sa pagkasira ng organ.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap