Unang Taon Ng Development Ni Baby: Heto Ang Dapat Tandaan

Isang taon na ang iyong baby ngayon! Mahalaga na alam mo ang lahat tungkol sa unang taon ng development ni baby upang ma-monitor mo ang paglaki ng iyong anak. Basahin ang artikulong ito upang matuto pa tungkol sa development ng iyong baby sa yugtong ito ng kanyang paglaki.

Paano Lumalaki Ang Iyong Baby

Ang unang bagay na dapat mong malaman ay ang developmental milestone ng 1 taong gulang na baby. Sa yugtong ito ang iyong anak ay magde-develop mula sa sanggol na kailangan ng ganap na gabay papuntang mas independent na tao.

Kung ang pag-uusapan ay ang development ng isang taong sanggol, ang iyong baby ay nasa triple na ang timbang mula noong siya ay ipinanganak. Sa yugtong ito, inaasahan din sa iyong baby na lumaki nang 50%, na nasa 9 na pulgada hanggang 11 pulgada na laki. Isang mahalagang paglaki! Ang utak ng iyong sanggol ay inaasahan din na nasa 60% ng laki ng isang utak ng matanda sa yugtong ito.

Sa madaling salita, ang unang taon ng development ni baby ay ang yugto ng kahanga-hangang paglaki. Matapos ang yugtong ito, ang paglaki ng iyong anak ay babagal. Ito ay sa kadahilanan na ang kanilang aktibidad ay magsisimulang dumami.

Unang Taon Ng Developmental Milestones

Ano ang mga developmental milestone ng isang taong baby na maaaring nagagawa na ng iyong baby sa unang taon?

Motor Skills

Sa unang taon ng development ni baby, ang bulinggit mo ay dapat na nakatatayo na nang mag-isa na walang suporta. Posible rin na magawa niya na ang mga unang hakbang sa paglalakad na iyong kinasasabikan. Kailangan na ihanda mo ang iyong camera o smartphone dahil maaaring magawa nila ang mga unang paglalakad sa kahit na anong oras.

Maaari na ring makagawa ng ilang mga gawain ang iyong baby nang mag-isa. Makakakain na sila gamit ang sariling mga daliri halimbawa. Tutulong na rin sila kung sila ay dinadamitan o may kakayahan na ilipat ang pahina ng isang storybook nang kusa. Sa madaling salita, ang kanilang development sa motor skills ay mabilis.

Mapapansin mo rin na ang iyong baby ay nagsisimula nang makaintindi paano gumamit ng ibang mga bagay nang tama. Halimbawa, makahahawak na sila ng suklay, telepono, o kutsara sa tamang paraan. Maaaring hindi sila malay sa kabuuang gamit ng mga bagay na iyon ngunit nakukuha nila ang tamang ideya.

Komunikasyon Ng Baby

Ang komunikasyon ng iyong baby ay mabilis na lalawak sa unang taon ng yugto ng development. Ang kanilang bokabularyo ay mas lalago at regular mo nang maririnig ang pagsasabi ng “Mama.”

Sa yugtong ito, ang baby ay natuto gamit ang pagkopya ng pagsasalita. Gagayahin nila ang kanilang narinig galing sa iyo. Kaya’t magandang ideya na laging makipag-usap sa iyong baby hangga’t maaari upang mas marami pa silang matutuhang salita.

Susubukan nila ang mga bagong nalamang mga salita gamit ang abilidad sa pakikipagkomunikasyon. Gagamitin nila ang mga bagong salitang natutuhan nila upang kumuha ng atensyon ng ibang tao. Maaari na silang magmaktol upang makuha nila ang atensyon at makuha ang gusto nila.

Mahalaga na maging mahigpit ka sa pag-handle ng iyong anak sa mga ganitong pangyayari upang matutuhan nila na ang pagmamaktol ay hindi maganda. Kailangan na bigyan din sila ng gantimpala sa kanilang mabuting gawi.

Mamimili na rin ng mga taong gusto nila ang iyong baby sa panahon na ito. Mapapansin mo na sila ay mahiyain sa mga hindi nila kilala at magsisimulang yumakap sa iyo. Kung kailangan mong iwan ang iyong anak, siguraduhin sa kanila na ikaw ay babalik.

Pagpapakain At Nutrisyon

Sa unang taon ng development ng baby ay maaaring magsimula ang transition ng iyong anak sa gatas ng ina kung ikaw ay nagpapasuso o formula o gatas ng baka.

Maaari kang magsimula sa whole milk, na mayaman sa fat. Kailangan ng iyong baby ang fat para sa development ng utak. Huwag mag-transition sa low-fat na gatas dahil maaaring hindi lahat ng nutrisyon na kinakailangan ng iyong baby ay naroon.

Ang iyong baby ay mas kakain na ng solid food sa panahon na ito. Ngayon, dapat kang maging maingat na baka mabulunan ang iyong anak. Huwag mong pakinin ang iyong baby ng mga solid food na maaari silang mabulunan.

Huwag silang bigyan ng ubas, popcorn, o mga pagkain na madaling bumara sa kanilang lalamunan. Dapat na malapit ka sa kanya kung pinakakain mo siya ng mga solid food.

Tips Sa Pangangalaga Ng Baby

Pagtulog

Isang developmental milestone sa unang taon ng baby ay pagkakaroon ng pagbabago sa pattern ng pagtulog ng iyong sanggol. Dapat na matulog na sila nang mas mahaba tuwing gabi kaysa sa umaga. Kadalasan ng mga baby ay kailangang matulog sa hapon, ngunit ang magandang balita ay hindi na matutulog ang iyong baby tuwing umaga sa yugtong ito. Ang mga baby sa puntong ito ay normal na matutulog ng 11 hanggang 12 na mga oras sa gabi at matutulog nang dalawang beses sa hapon.

Anong Maaari Kong Gawin Upang Tulungan Ang Aking Baby Na Lumaki?

Narito ang ilang tips na maaari mong isaisip sa pag-aalaga ng iyong baby sa unang 12 mga buwan.

• Kung bibisitahin ang iyong pediatrician, siguraduhin na ang iyong baby ay mayroon nang mga kinakailangan niyang bakuna.
• Kung ikaw ay bumabyahe kasama ng iyong baby sa sasakyan, siguraduhin na sila ay nakaupo sa likurang bahagi ng upuan ng sasakyan.
• Asahan sa iyong sanggol ang pagiging sabik sa exploration, kaya’t kailangan na maging ligtas ng iyong bahay sa kanilang exploration hangga’t maaari. Tanggalin ang mga bagay na maaabot nila na masisira o maipapasok nila sa bibig.
• Maging mahigpit kung sinabing hindi. Magandang panahon ito upang magtakda ng boundaries at mga limitasyon.

Iyon lamang ay ilang mga kapakipakinabang na tips na maaari mong gamitin sa pag-aalaga ng iyong isang taong gulang na baby.

Mahalagang Tandaan

Ang unang 12 buwan na buhay ng iyong sanggol ay kahanga-hangang panahon ng paglaki at development. Ang kanilang unang taon ng development ay minarkahan na maraming mga masasayang parte at sorpresa para sa mga magulang.

Sa pag-transition ng iyong sanggol patungong toddlerhood, ihanda ang iyong sarili sa pamamagitan ng maraming impormasyon kung paano mas mabuting suportahan ang kanilang pangangailangan at paglaki.

Matuto pa tungkol sa Unang Taon ni Baby dito.