Alam ng mga teenager kung paano manipulahin ang kanilang mga magulang. Naniniwala ang mga eksperto sa kalusugan na natututong magmanipula ang mga bata bago pa man sila magsimulang matutong magsalita o maglakad. Mula sa sandaling iyon, nakagawa na sila ng maraming paraan upang maakit ang mga manonood sa kanilang paligid, lalo na ang kanilang mga magulang. Ngunit bakit ginagamit ng mga bata ang pagmamanipula bilang kanilang sandata? Ano ang mga epektibong paraan upang makitungo sa mga manipulative na teenager?
Bakit Minamanipula Ng Mga Teenager Ang Kanilang mga Magulang?
Ayon sa mga psychologist, maraming dahilan kung bakit minamanipula ng mga kabataan ang kanilang mga magulang. Kadalasan, sinisikap nilang agawin ang atensyon ng kanilang magulang at makakuha ng pagmamahal upang itago ang kanilang mga pagkakamali, upang makakuha ng isang bagay o maiwasan ang pagsaway mula sa kanilang mga magulang. At ang pinakamagandang bahagi ay, ito ay gumagana!
Naniniwala ang mga doktor na likas sa isang teenager na maunawaan ang mga kahihinatnan ng kanilang mga aksyon at subukan ang iba’t ibang paraan upang makuha ang kanilang nais na tugon.
Naniniwala din ang ilang eksperto sa kalusugan na ang mga magulang, kung minsan, ay walang kamalayan sa kanilang sariling mga aksyon na humahantong sa gayong pag-uugali sa kanilang mala bata na anak. Ito ay maaaring magresulta sa mga salungatan ng teen-parent.
Kaya, paano malalaman kung sinusubukan ng iyong anak na manipulahin? Nasa ibaba ang karaniwang mga pattern ng pagmamanipula na ginagamit ng mga bata sa kanilang mga magulang.
Manipulative Na Teenager: Ano Ang Karaniwang Ginagawa Nila
Pag-Ibig
Para naman sa mga bata na kadalasang mahirap lapitan o may problema sa pagkuha ng pag-apruba mula sa kanilang mga magulang, maaari nilang subukang palambutin ang puso ng kanilang ina at ama sa pamamagitan ng pagpapahayag ng labis na pagmamahal o kasiyahan patukoy sa kanilang magulang. Sa mga magulang na madalas na may problema sa paglapit sa kanilang mga anak, malamang na mahulog sila sa lansihin.
Galit
Kung ang mga bata ay tinanggihan ng kanilang mga magulang, maaari silang magpahayag ng damdaming nasaktan. Isa pa, maaari nilang iparamdam sa kanilang mga magulang na tila mali ang ginagawa nila sa kanilang mga anak.
Pagpuna
Maaaring samantalahin ito ng mga magulang na madalas na nag mamahal ng labis sa kanilang mga anak. Maaaring atakehin ng mga bata ang mahinang lugar na ito sa mga karakter ng kanilang mga magulang sa tuwing hindi nila makuha ang gusto nila. Ang mapagmahal na mga magulang na natatakot na ang kanilang mga anak ay maaaring ituring sila bilang isang kabiguan ay madaliang matutugunan tuloy ang kanilang mga hiling.
Pagdurusa
Ito ang kaso ng mga magulang na madalas na natatakot sa pagkakasala. Ang mga bata ay maaaring magpanggap na nasaktan, malungkot o hindi nasisiyahan upang gawing guilty ang kanilang mga magulang.
Kawalan Ng Magawa
Ang mga kabataan ay maaaring magpanggap na nagbitiw o desperado upang ang mga magulang ay maawa sa kanila.
Kawalang-Interes
Maaaring lokohin ng kanilang mga anak ang mga ina o tatay na natatakot sa pag-abandona sa mga relasyon. Ang mga kabataan ay maaaring kumilos na parang ang relasyon sa kanilang mga magulang ay hindi na mahalaga o parang wala silang kahulugan.
Pagkilos Ng Hindi Maayos Ang Pag-iisip
Ang mga manipulative na teenager ay maaaring magkunwaring nasisiraan ng bait o kumilos na para bang nagpapakita sila ng mga senyales ng hindi matatag na kondisyon ng pag-iisip upang maging maingat ang kanilang mga magulang na lumapit sa kanila at makipaglaro sa kanilang mga utos. Sa ilang mga kaso, maaari pa nga silang magpasimula ng mga mapaminsalang banta.
Paano Haharapin Ang Manipulative Na Teenager?
[embed-health-tool-child-growth-chart]
Upang itigil ang mga ganitong uri ng pagmamanipula, ang mga magulang ay dapat na pare-pareho at determinado. Ito’y nangangahulugang dapat silang tumanggi sa mga trick na ito at maging consistent. Pagkatapos ng lahat, hawak mo pa rin ang kontrol sa kanilang pag-uugali. Kaya kung malinaw mong sasabihin na hindi ka lalambot sa anumang pagkakataon, ititigil nila ang kanilang pagmamanipula.
Hindi ka dapat maging madaling kapitan sa mga damdaming kinasusuklaman o hayaan ang panlabas na damdamin na makaapekto sa iyong mga desisyon. Ang mga magulang na hindi sumusuko sa pagmamanipula ng kanilang mga anak ay hindi masama. Sila ay responsable at sapat na matalino upang isaalang-alang kung ano ang tama at mabuti para sa kanilang mga anak.
Key Takeaways
Bilang isang magulang, mahirap minsan na magsabi ng “hindi” lalo na kapag ang iyong anak ay nasa kanilang teenage years. Sa kabilang banda, ang mga teenager ay matalino at alam kung paano tapusin ang kanilang trabaho. Kaya, mahalaga na matukoy mo kapag sinusubukan ka ng iyong anak na manipulahin ka. Pigilan ang iyong sarili malinlang mula sa mga manipulative trick na iyon upang maiwasan ang mas malalaking isyu at komplikasyon.
Maaaring makipag-ugnayan sa iyong anak at lutasin ang kanilang mga problema. Ngunit, pagdating sa manipulative na teenager, kailangan mong maging medyo mahigpit. Gayunpaman, siguraduhing hindi ka masyadong mahirap lapitan at nakahanda parin tumulong sa kanila.
Matuto pa tungkol sa Adolescent Mental Health dito.
