Maraming dahilan ang pangangati ng mata ng bata. Bakit nakakaranas ng eye irritation at discomfort, at kailan dapat humingi ng tulong medikal? Alamin dito.
Narebyung medikal ni Victor Paulino, MD, DPBO · Ophthalmology · Makati Medical Center
Maraming dahilan ang pangangati ng mata ng bata. Bakit nakakaranas ng eye irritation at discomfort, at kailan dapat humingi ng tulong medikal? Alamin dito.
Ang pangangati sa mata ay hindi isang partikular na sakit. Ito ay isang general term na ginagamit kapag nakakaramdam tayo ng discomfort o nakakakita ng mga hindi maipaliwanag na sintomas sa ating mga mata o sa paligid nito.
Maaaring ang iyong anak ay nagrereklamo ng mainit na pakiramdam sa mga mata. Kung napansin mo ang pamumula sa sclera (puting bahagi ng mata) at pamamaga sa ibaba o itaas na talukap ng mata, nangangahulugan na may pangangati ng mata ng bata.
Ang iba pang mga karaniwang sintomas na nauugnay sa pangangati ng mata ay:
Tandaan na habang ang mga sintomas ay maaaring mukhang “generic,” ang mga sanhi ng pangangati ng mata ng bata ay maaaring magkaka-iba.
Nasa ibaba ang ilan sa mga karaniwang sanhi ng pangangati ng mata ng bata:
Kapag ang isang allergen (isang bagay na nagdudulot ng reaksiyong allergy) ay nadikit sa mga mata ng iyong anak, maaari silang makaranas ng pangangati sa mata o allergic conjunctivitis. Ang mga nagti-trigger para sa mga allergy sa mata ay kadalasang pollen, pet dander, at alikabok ng bahay.
Kung ang iyong anak ay nakakaranas ng allergic conjunctivitis, maaari siyang magreklamo ng mga sumusunod na sintomas ng mata:
Tandaan na ang mga allergy sa mata ay karaniwang hindi nagreresulta sa lagnat o eye discharge. Madalas, maaari mong gamutin ang mga allergy sa mata sa bahay. Ito ay sa pamamagitan ng dahan-dahang pagbabanlaw ng mga mata para alisin ang allergen. Maaari ka ring bigyan ng iyong doktor ng mga oral na anti-allergy na gamot o eye drops.
Ang mga kaso ng pangangati ng mata ng bata ay nangyayari rin dahil sa pagkakalantad sa mga irritant. Halimbawa, ang pagkakalantad sa usok, alikabok, o mga kemikal ay maaaring magdulot ng:
Karamihan ng mga kaso, maaari mong gamutin ang mild case ng irritant exposure sa bahay sa pamamagitan ng dahan-dahang pagbabanlaw ng iyong mga mata ng maligamgam na tubig sa loob ng ilang minuto. Kung ang iyong mga sintomas ay hindi nawala pagkatapos banlawan, pumunta sa doktor.
Ang isa pang karaniwang dahilan ng pangangati ng mata ng bata ay ang pagkakaroon ng isang foreign object sa mata. Ang tawag natin dito ay “puwing.”
Kapag ganito ang nangyari, obserbahan ang mga sumusunod na sintomas:
Tandaan na ang karamihan sa mga kaso ng puwing ay harmless. Kapag ang maliliit na butil tulad ng alikabok ay pumasok sa ating mga mata, nagluluha tayo para hugasan ang mga ito. Kung sakaling hindi maalis ng mga luha ang mga ito (mga pilikmata), maaaring kailanganin nating banlawan ang ating mga mata ng maligamgam na tubig sa loob ng ilang minuto.
Ang ilang mga foreign object sa mga mata ay maaaring makasugat sa cornea, ang transparent na film na tumatakip sa mga mata. Ito ay tinatawag na corneal abrasion; ang mga sintomas ay:
Kung pinaghihinalaan mo ang corneal abrasion sa iyong anak, sabihin na huwag kuskusin o kamutin ang mga mata. Huwag subukang alisin ang bagay, lalo na tulad ng sipit o cotton swab. Ang pinakamagandang gawin ay dalhin ang iyong anak sa doktor.
Ang matinding paggamit ng mga mata nang matagal, tulad ng paggamit ng mga gadget ng iyong anak, ay maaaring humantong sa pangangati.
Bukod dito, kapag ang mga bata ay masyadong nakatutok sa screen, sila ay hindi madalas na kumurap. Maaari itong magresulta sa pagkatuyo ng mata, kaya madaling kapitan ng pangangati at discomfort.
At syempre, kasama sa mga karaniwang sanhi ng pangangati ng mata ng bata ang mga impeksyon. Kung ang iyong anak ay may impeksyon sa mata, maaaring may:
Ang paggamot ay depende sa sanhi ng impeksiyon (fungal, viral, at bacterial); kaya’t kailangan ang paghingi ng tulong medikal. Ang impeksyon sa virus ay maaaring mawala sa loob ng dalawang linggo. Ngunit ang mga fungal at bacterial infection ay nangangailangan ng mga gamot na antifungal at antibiotic.
Kung ang iyong anak ay nakakaranas ng pangangati sa mata na hindi gumagaling sa mga home remedy, pumunta sa doktor. Ang matinding pangangati sa mata, tulad kung nagreklamo ng matagal at mainit na pakiramdam sa kanilang mga mata, ito ay kailangan din ng medikal na atensyon.
Humingi din ng medikal na tulong, kung mayroon silang discomfort at pamumula sa mata kasama ng:
Disclaimer
Ang Hello Health Group ay hindi nagbibigay ng medikal na payo, diagnosis o paggamot.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap