Narito ang isang breakdown kung paano nanganganak:
Malalaman mo na handa ka nang manganak kapag nagsimula na ang mga senyales ng labor. Karaniwang kinabibilangan ito ng mga rhythmic contraction na lumalakas, pati na rin ang pagputok ng iyong water bag o panubigan.
Ito na ang oras para pumunta sa ospital, at kapag naka-settle ka na, susuriin ka ng mga nurse bawat 1-4 na oras, depende sa kung gaano ka pa kalayo sa panganganak. Ang doktor o midwife ay gagawa ng baseline vaginal examination upang suriin kung gaano na kalaki ang iyong cervix. Ang panaka-nakang internal examination ay ginagawa upang matukoy kung gaano ka pa kalayo sa iyong panganganak, at kung malapit ka nang manganak.
Panganganak
Kapag malapit ka nang manganak, ibig sabihin ay malapit nang lumabas ang presenting part ng baby, tuturuan ka ng doktor o midwife. Hihilingin ka nilang humiga sa isang dorsal lithotomy na posisyon— na nakabaluktot ang iyong mga tuhod at nakabuka ang mga binti. Ikaw ay igu-guide sa bawat hakbang ng iyong panganganak.
Ito ang oras kung kailan ang mga kababaihan ay nagsisimulang dalhin pababa o “itulak” palabas ang sanggol, at ito ay maaaring maging lubhang pisikal na mahirap. Habang lumalabas ang sanggol sa iyong ari, maaari kang makaranas ng ilang pagpunit at pananakit habang sinusubukan nitong i-accommodate ang paglabas ng iyong sanggol.
Sa unang bahagi ng panganganak, kung sobrang sakit, maaari mong hilingin sa iyong doktor na bigyan ka ng epidural para sa “painless” na panganganak. Kung matitiis mo ang sakit, maaari itong laktawan pero sa oras ng pag-aayos ng ari, sisiguraduhing bibigyan ka ng local anesthesia upang mamanhid ang bahaging tinatahi.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap