Nakunan Dahil Sa Stress: Posible Nga Ba Itong Mangyari?

Ang stillbirth ay pwedeng mangyari dahil sa ilang factors sa panahon ng pagbubuntis. Ang madalas na tanong ay “ Maaaring bang ang isang buntis ay nakunan dahil sa stress?”

Alamin ang koneksyon sa pagitan ng stillbirths at stress. Mabuting malaman ng mga ina kung ano ang pwede nilang gawin para mapababa ang tyansa na nakunan dahil sa stress.

Ano ang stillbirth?

Ang stillbirth ay nangyayari kapag ang isang sanggol ay namatay pagkatapos ng ika-20 linggo o 4 1/2 na buwan sa pagbubuntis. Sa kabaligtaran, ang isang miscarriage  ay nangyayari bago ang ika-20 linggo. Sa ilang mga kaso, posible para sa sanggol na mamatay sa panahon ng panganganak, ngunit ang mga sitwasyong ito ay medyo bihira.

Kahit ngayon, hindi laging alam ng mga doktor kung bakit nangyayari ang stillbirth. Sa katunayan, ang tinatayang 1/3 ng mga stillbirth ay hindi maipaliwanag. Gayunpaman, may ilang posibleng dahilan, na kinabibilangan ng: 

• Preeclampsia o mataas na presyon ng dugo na nangyayari sa panahon ng pagbubuntis
• Kung ang ina ay may lupus
• Mga sakit na nakakaapekto sa pamumuo ng dugo
• Mga problema sa umbilical cord at inunan
• Birth defects
• Paninigarilyo, pag-inom ng alak, o paggamit ng mga recreational drugs
• Iba pang mga problema sa kalusugan tulad ng diabetes, sakit sa puso, at mga viral o bacterial infection

Gayunpaman, may isa pang posibleng dahilan na nakunan dahil sa stress. Ngunit paano ang stress ay maaaring maging sanhi ng stillbirth, at maiiwasan ba ito?

Paano maaaring maging sanhi ng stillbirth ang stress?

Ang stress ay isang bagay na nararanasan ng marami sa atin araw-araw. Kung minsan, ang stress ay maaaring sobra, kaya nagsisimula tayong mabahala. May iba’t ibang paraan, tulad ng pakiramdam na pagod, madaling magalit, o pagiging balisa sa lahat ng oras.

Kung ganito ang epekto sa atin ng stress, isipin mo na lang kung gaano kalaki ang epekto nito sa mga buntis. Humaharap sa maraming bagay ang buntis. Araw-araw maraming maaaring magdulot ng stress. Halimbawa na ang mga pagbabagong nangyayari sa kanilang katawan, pag-aalala sa kalusugan ng kanilang sanggol, o kahit na pag-aalala sa pagiging isang mabuting ina.

Ang mga pag-aaral na ginawa tungkol sa stress at stillbirth ay nagpakita na ang mga ina na dumaranas ng psychological stress sa panahon ng pagbubuntis ay mas prone sa stillbirth. Ang ilang halimbawa ng stress na nararanasan ng mga buntis ay ang mga problema sa trabaho, mga problema sa pera, pagkawala ng mahal sa buhay, o maging ang pagkakaroon ng hindi malusog na relasyon sa kanilang partner.

Hindi pa rin malinaw kung bakit ang stress ay may ganitong epekto, ngunit maaaring may kinalaman ito sa katotohanan na ang psychological state ng isang ina ay maaaring makaapekto sa fetus. Bukod dito, natuklasan din ng mga mananaliksik na ang psychological stress ay maaaring magpataas ng risk ng preterm birth at placental abruption.

Kaya’t patungkol sa tanong na “Maaari bang maging sanhi ng stillbirth ang stress?”, ang sagot ay oo, maaaring nakunan dahil sa stress at pwede itong maging isang contributing factor. Ito ang dahilan kung bakit mahalagang tumutok din ang mga buntis sa kanilang mental health, at hindi lamang sa kanilang physical health.

Ano ang maaaring gawin ng buntis sa stress?

Ang pagharap sa stress ay hindi laging madali. Tandaan na may ilang bagay na maaaring gawin ng mga buntis para mahusay na ma-handle ang kanilang stress. Narito ang ilang mga tip.

• Kumain ng masusustansyang pagkain, at subukang mag-ehersisyo araw-araw. Nakakatulong ang pag-eehersisyo na bawasan ang iyong stress levels. Ang pagkain ng masustansyang pagkain ay nagpapalakas sa iyong katawan at nakakatulong sa iyong mas mahusay na makayanan ang pagbubuntis.
• Kung nagtatrabaho ka rin habang buntis, subukan at tingnan kung maaari kang kumuha ng maagang maternity leave para makapag-focus ka sa iyong pagbubuntis.
• Ang yoga at meditation ay epektibo at napatunayang paraan ng pagtulong sa pagpapababa ng mga antas ng stress.
• Manatiling nakikipag-ugnayan sa iyong mga kaibigan at mahal sa buhay, upang mabigyan ka nila ng emosyonal na suporta.
• Kung sa tingin mo ay nababahala ka, o hindi mo kayang hawakan ang stress, huwag mag-atubiling humingi ng propesyonal na tulong.