Ang salitang “stress” ay nagkaroon na ng negatibong konotasyon sa paglipas ng panahon. Kapag sinabi ng mga tao na nai-stress sila, karaniwang ibig sabihin ay hindi maganda ang kanilang pakiramdam. Iba-iba ang mga dahilan–anxiety, pagod, sakit, burnout sa trabaho, o iba pang mga dahilan. Pero alam mo ba na ang stress ay hindi laging masama? Tama, may tinatawag na “good” stress. Basahin upang maunawaan ang pagkakaiba kung ano ang good at bad stress.
Isang mahalagang punto na dapat tandaan ay ang stress ay maaaring tungkol sa pang-unawa. Kung sa tingin mo na ang isang bagay ay masyadong mahirap para sa iyo, ang katawan mo ay mapupunta sa isang flight mode na hahantong sa stress. Gayunpaman, kung naniniwala ka na kaya mong harapin ang isang hamon, i-trigger mo ang fight mode ng iyong katawan at ang karanasan ay maaaring maging eustress.
Mahalaga ito dahil nangangahulugang maaari mong baguhin kung paano ka humaharap sa ilang partikular na nakababahalang sitwasyon.
Maaari mong subukan ang mga sumusunod na diskarte upang baguhin ang distress sa eustress:
- Maging aware sa kung ano ang iyong kailangan, gusto, at nararamdaman. Alamin kung nasaan ang iyong boundaries.
- I-manage ang iyong oras upang mapangalagaan mo ang iba’t ibang aspeto ng iyong buhay.
- Bigyang halaga ang pahinga.
- Makinig sa musikang gusto mo.
- Magpamasahe ka.
- Igalaw mo ang iyong katawan. Mag-ehersisyo, maglaro ng sports, o maglaan lang ng ilang minuto para mag-stretch.
- Ngumiti at huminga ng malalim.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap