Paano Malalaman Kung Emotionally Distressed Ka Na? Alamin Dito

Maaaring isipin ng mga tao na ang pagiging emotionally distressed ay sintomas lamang ng iba pang mga mental health disorders. Gayunpaman, sinuman ay maaaring makaranas nito. Maaari kang makaranas maging emotionally distressed kahit na hindi ka umabot sa pamantayan ng iba pang mga sikolohikal na kondisyon. Ngunit ang tanong ay paano malalaman kung emotionally distressed ka na?

Kapag nakararanas ka ng mahihirap na kalagayan o sitwasyon, maaari kang mapuno ng matinding emosyon. Kasunod nito, posibleng sumailalim kang maging emotionally distressed sa yugto na iyon ng iyong buhay. Matuto nang higit pa tungkol sa kung ano ang ibig sabihin ng pagiging emotionally distressed, kung paano mo malalaman ito sa iyong sarili, at kung paano mo ito gagamutin.

Mayroon bang paraan paano malalaman kung emotionally distressed ka o ang isang tao?

Maaaring mahirap matukoy ang emotional distress, lalo na sa mga taong likas na sensitibo.

Gayunpaman, may mga natatanging senyales na ang isang tao ay maaaring nakararanas ng emotional distress. Ang mga sintomas na ito ay maaaring humantong sa mas malalang mga sitwasyon para sa mga taong nagdurusa dahil dito. Kung napapansin mo ang mga senyales na mababanggit sa ibaba, maaaring kailanganin mo ng maghanap o hikayatin ang iba na humingi ng propesyonal na tulong:

Emotional symptoms

• Pakiramdam ng kawalan ng pag-asa at kawalan ng kakayahan
• Pagiging overwhelmed sa mga bagay-bagay

Cognitive symptoms

• Hirap sa konsenstrasyon
• Patuloy na pagkabalisa at pag-aalala sa mga bagay-bagay

Behavioral symptoms

• Isolation
• Mga makabuluhang pagbabago sa gana at diyeta
• Insomnia o sobrang pagtulog
• Pagdepende sa sa mga sangkap tulad ng droga o alkohol

Physical symptoms

• Biglaan at patuloy na fatigue

Paano malalaman kung emotionally distressed ka? Ilan lamang ito sa mga karaniwang sintomas na maaaring magpahiwatig na nakararanas ang isang tao ng emotional distress.

Kung sa tingin mo ay emosyonal kang nakararanas ng isang bagay na hindi karaniwan o tila mali, gumawa ng mga hakbang patungo sa pangangalaga sa sarili at humingi ng tulong sa isang propesyonal kung kinakailangan.

Paano malalaman kung emotionally distressed ang isang tao? Ano ang nangyayari sa kanya?

Normal ang makaranas ng emotional distress. Ang mga nakakainis na kaganapan tulad ng break-up, malaking pagkawala, o makabuluhang pagbabago sa buhay ay maaaring mag-trigger nito.

Hindi naman kailangan mangamba dahil posibleng mapamahalaan mo ang iyong emotional distress, mag-isa man, o may suporta ng mga taong malapit sa iyo. Gayunpaman, pinakamahusay na humingi ng tulong sa paggamot. Maaari itong humantong sa paglala ng pakiramdam kung hindi ito magamot. 

Ang nakararanas ng matinding emotional distress, o ang pagdanas ng mga sandali nito sa mahabang panahon ay maaaring magkaroon ng pangmatagalang epekto sa iyo at sa iyong kapaligiran. Maaari itong maging sanhi ng:

• Kawalan ng motibasyon
• Problema sa konsentrasyon
• Pagkapagod o fatigue

Ito ay maaaring makaapekto sa trabaho, pag-aaral, maging sa mga relasyon sa ibang tao.

Sa sandaling maramdaman mong may mali, humingi na agad ng tulong. Hindi kailanman mali na kailanganin o manghingi ng tulong. Sa katunayan, ito ay magiging mas kapaki-pakinabang sa iyo at sa lahat.

Paggamot at pamamahala

Depende ito sa kung anong mga sintomas ang iyong nararanasan at ang kalubhaan ng epekto sa iyong buhay at personal well-being. Maaaring kabilang sa paggamot at pamamahala ang:

• Intensive self-care
• Support groups
• Therapy at professional help
• Matatag at malakas na mga support system
• Wastong gamot at pag-inom
• Emotional regulation

Ang pagharap sa emotional distress at pamamahal ng iyong mga emosyon ay maaaring maging mahirap, ngunit ito ay makakamit. Sa wastong dami ng suporta – propesyonal man o ang mga mahal sa buhay – makakamit mo ang emotional regulation.

Kailangan mong tiyakin na alam mo kung paano malalaman kung emotionally distressed ka na, ano ang ibig sabihin nito, at kung ano ang nangyayari sa iyo. Nakatutulong na maunawaan na ito ay isang normal na bahagi ng buhay ng isang tao. Ang pagtanggap ay ang susi sa pagkakaroon ng kalmadong pakiramdam.

Alamin ang iba pa tungkol sa Mabuting Pag-iisip dito.

Ang Hello Health Group ay hindi nagbibigay ng medikal na payo, diagnosis o gamot.