Unang Sanggol Ipinanganak na Mayroong COVID-19 Antibodies

Isang sanggol sa Florida ang naiulat na unang sanggol ipinanganak na mayroong covid antibodies. Ano ang sinasabi ng mga awtoridad tungkol sa kaganapang ito? Alamin dito.

Maaaring maipasa ng mga ina ang COVID-19 antibodies sa kanilang bagong panganak

Ang antibodies ay mga protina na mahalaga para sa ating immunity. Makakaya nilang kilalanin at labanan ang pathogens, tulad ng bacteria at viruses. Mahalagang kung mayroon kang antibodies sa partikular na sakit, magkakaroon ka ng tiyak na antas ng proteksyon mula dito.

Ang mga taong nagkaroon ng impeksyon sa SARS-CoV2 ay nagkakaroon ng mga antibodies para dito. Ito ang dahilan kung bakit hinihimok sila ng mga health institution na mag-donate ng kanilang blood plasma sa mga pasyente na lumalaban sa impeksyon. Sa pagsisimula ng pagbabakuna, mas maraming tao ang inaasahang magkakaroon din ng antibodies.

Kapansin-pansin ang iba’t ibang ulat na ang mga inang nagkasakit ng COVID-19 ay nakapagsalin ng kanilang SARS-CoV2 antibodies sa kanilang mga bagong silang. Ngayon, mukhang ang mga sanggol ng mga nabakunahang ina ay maaari ding magkaroon ng immunity sa impeksyon sa COVID-19.   

Iniulat ng US ang unang sanggol ipinanganak na mayroong COVID antibodies

Isang healthcare worker mula sa Florida US ang nakatanggap ng unang dose ng Moderna vaccine sa ika-36 na linggo ng kanyang pagbubuntis. Makalipas ang tatlong linggo, nanganak siya ng isang malusog na batang babae. Namangha sila nang mapansin ng mga siyentipikong imbestigador na ang kanyang sanggol ay ipinanganak na may anti-antibodies laban sa impeksyon sa SARS-CoV 2.  

Positibo ang mga doktor na ito ang kauna-unahang naiulat na kaso ng isang sanggol na ipinanganak na mayroong COVID-19 antibodies.

Ipinaliwanag ng mga awtoridad na agad silang kumuha ng blood sample mula sa umbilical cord ng sanggol pagkatapos ng kanyang kapanganakan at bago ang paglabas ng inunan. 

Ibig sabihin na ang COVID-19 antibodies ay naroroon noong ipinanganak ang sanggol.

Implikasyon

Ang sanggol na ipinanganak na mayroong COVID-19 antibodies ay isang malaking kaganapan, ayon sa mga eksperto sa kalusugan.

Una, maaaring mangahulugan na ang mga sanggol na ipinanganak mula sa mga babaeng nakatanggap ng bakuna sa panahon ng kanilang pagbubuntis ay mapoprotektahan mula sa impeksyon sa COVID-19. Mahalaga ito dahil ang mga bagong silang na sanggol ay bahagi ng mga pinaka-mahina sa populasyon.

Pangalawa, sumusuporta ito na ligtas para sa mga buntis na mabakunahan. Gayunpaman, dahil ito ay maagang data, sumasang-ayon ang mga mananaliksik na kailangan ng higit pang mga pag-aaral.

Ang mga buntis ay nasa panganib ng matinding impeksyon

Ang US Center for Disease Control (CDC) ay patuloy na nagpapaalala sa mga buntis na sila ay kabilang sa mga nasa panganib na magkaroon ng matinding impeksyon sa COVID.

Ibig sabihin, kumpara sa hindi buntis, mas malamang na mangailangan sila ng intensive care confinement at paggamit ng mechanical ventilation. Bukod pa rito, ang pagkakaroon ng impeksyon habang nagbubuntis ay nagpapataas ng panganib para sa mga komplikasyon, tulad ng preterm na panganganak.    

Dahil dito, dapat iwasan ng mga buntis na magkaroon ng impeksyon sa SARS-CoV2. Ngunit maaari bang ligtas na matanggap ng mga buntis ang bakuna tulad ng ginawa ng healthcare worker mula sa Florida?

Ang alam natin tungkol sa bakuna sa COVID-19 para sa mga buntis 

Kahit na ito ay magandang balita para sa sanggol na ipinanganak na mayroong COVID-19 antibodies, kailangan pa rin natin ng higit pang mga pag-aaral. Ito ay upang kumpirmahin ang kaligtasan at pagiging epektibo ng bakuna sa COVID para sa mga buntis. 

Ang mga pagsisiyasat para sa mga ito, ayon sa CDC, ay “ginagawa o pinaplano.” Sa ngayon, ang mga manufacturer ay nangongolekta ng data mula sa mga nagpa-bakuna na pagtagal ay nabuntis. Higit pa rito, ang animal studies mula sa Moderna, Pfizer BioNTech, at Johnson & Johnson Janssen sa panahon ng pagbubuntis ay “hindi nagpapakita ng safety concern.”

Dapat ka bang magpabakuna?

Maaaring makatanggap ng bakuna laban sa COVID-19 ang mga buntis; sa katunayan, ang American College of Obstetricians and Gynecologists ay nagmumungkahi na ang mga bakunang SARS-CoV2 ay “hindi dapat pigilan sa mga buntis.”  

Gayunpaman, dapat sabihin ng isang babae sa kanyang doktor ay kanyang desisyon sa pagbabakuna. Ilan sa mga bagay na kailangan nilang isaalang-alang ay ang:

•   Antas ng aktibidad ng virus sa komunidad.
• Kaligtasan at potensyal na bisa ng bakuna na plano nilang tanggapin.
• Mga posibleng epekto ng pagkahawa ng COVID-19 ng ina at sanggol

• Key Takeaways

  • Iniulat ng US ang unang sanggol ipinanganak na mayroong COVID-19 antibodies; ang kanyang ina ay nakatanggap ng first dose ng Moderna vaccine habang nagbubuntis.
  • Ang mga buntis ay isa sa mga nasa panganib na magkaroon ng malalang impeksyon.
  • “Ginagawa na o pinaplano” ang mga pag-aaral tungkol sa COVID vaccine at pagbubuntis.
  • Ang mga buntis ay maaaring magpa-bakuna ngunit dapat itong talakaying mabuti sa kanilang doktor.

Alamin ang pinakabagong balita sa kalusugan dito.

[embed-health-tool-bmi]