Kapag hindi nakontrol ng isang taong may stage 1 hypertension ang kanyang blood pressure, maaaring lumala ang kanilang kondisyon. Ang stage 2 ay blood pressure na regular na nasa pagitan ng 140/90 mmHg at 180/120 mmHg. Sa kasamaang palad, kung ang iyong blood pressure ay 140/80 mmHg, sakop pa rin ito ng stage 2 hypertension. Batay sa mga alituntunin ng JNC 8, ang stage 2 ay reading ng 160/100 mmHg o mas mataas pa.
Sa stage na ito, maaari o maaaring hindi makaramdam ng anumang mga sintomas ng hypertension ang isang pasyente. Sa mas mataas na pressures, maaaring mangyari ang mga sintomas tulad ng pagkahilo, pananakit ng ulo, flushing, at pananakit ng dibdib.
Kumpara sa iba pang stages ng high blood, ang mga pagbabago sa diyeta at pamumuhay ay hindi sapat. Ang Stage 2 hypertension ay karaniwang nangangailangan ng isa o higit pang maintenance na gamutan. Madalas, para sa panghabambuhay na gamutan. Irereseta ang mga karagdagang gamot kung may iba pang mga panganib sa kalusugan.
Stages ng High Blood: Hypertensive crisis
Panghuli, ang mga pasyente na may sobrang high blood pressure na mataas sa 180/120 mmHg ay nasa isang hypertensive crisis. Ang stage na ito ay isang medical emergency dahil ang sobrang presyon ay maaaring maging sanhi ng malubhang pinsala sa mga daluyan ng dugo. Sa high pressures, maaaring sumabog ang manipis o matigas na mga daluyan ng dugo. Nagreresulta ito sa aneurysm, pagdurugo, at stroke. Kung makakita ka ng sobrang taas na blood pressure readings, mahalagang maghanap kaagad ng medikal na atensyon.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap