Narinig mo na siguro ang salitang “retinoids” sa mga skincare product. Sinasabing isa itong game-changer, lalo na pagdating sa mga breakout. Kaya naman, alamin dito kung ano ang retinoids at ano ang magagawa nito para sa iyo at iyong balat.
Pag-alam sa Iyong Retinoids
Ano ang retinoids? Retinoids ang tawag sa mga topical compounds na galing sa vitamin A, katulad ng karaniwang vitamin A na nakikita sa mga prutas at gulay. Nakatutulong ito sa mga sumusunod na paraan:
- Pagpigil sa proseso ng inflammation
- Keratinization (pag palit ng mga lumang skin cell, at pagsisimulang gumawa ng keratin dahil sa kakulangan ng sustansya) at pagbabago ng ibabaw ng cell
- Paglago at pagkakaiba-iba ng mga cell
- Immune modulation
Karaniwang nakikita ang retinoids sa mga gamot na ginagamit para sa acne, psoriasis, at iba pang mga sakit na nauugnay sa keratinization.
May iba’t ibang mga uri ng topical retinoid na mabibili na maaari mong pag-isipan, at makukuha ang mga ito ng may reseta ng doktor at over-the-counter:
- Retinol
- Tretinoin
- Adapalene
- Tazarotene
- Trifarotene
- Alitretinoin
- Bexarotene
May iba’t ibang formulation ang bawat uri, gaya ng gel, cream, lotion, emulsion, foam, spot treatment, at iba pang liquid product.
Sa lahat ng mga nabanggit na variant, ang tretinoin at retinol ang kilala bilang pinakakaraniwan, habang pinakamabisa naman sa lahat ang huling nabanggit.
Retinoids in Action: Ano ang Iba’t Ibang Gamit Nito?
Naglalagay ng retinoids ang mga tao dahil sa iba’t ibang dahilan, mula sa karaniwang mga problema sa acne hanggang sa paggamot sa iba pang mga kondisyon sa balat tulad ng psoriasis.
Treatment sa Acne
Maaaring narinig at nabasa mo na ang mga salitang isotretinoin, tretinoin (retinoic acid), trifarotene, at adapalene sa mga kahon ng iyong mga skincare product. Dahil ito sa mahahalagang papel ng mga partikular na uri ng retinoids na ito sa paggamot ng mga mild hanggang moderately severe na problema sa acne.
Tumutulong din ang retinoids sa pagtanggal ng baradong pores. Kumikilos ito katulong ng ibang mga topical antibiotic para makapasok sa pore at maalis ang mga bakteryang naipon sa loob na nagdudulot ng acne breakout. Malaki ang tulong ng synergistic effect na ito sa treatment ng acne.
Maaaring tumagal ng hanggang 12 na linggo o mas matagal pa bago makita ang anumang ganap na resulta. Ngunit makatutulong sa iyong breakout ang araw-araw na paglalagay nito bago matulog.
Treatment sa Photodamage at Photoaging
Bukod sa pagiging acne fix, natuklasan din ng mga researcher ang paggamit ng retinoids para bawasan ang mga sumusunod na problema sa balat:
- Mga fine line
- Mga wrinkle
- Solar comedones
- Melasma
- Actinic lentigines
- Actinic keratoses spot
- Pekas at iba pang pigmentation sa balat
Ang Vitamin A ang unang vitamin na inaprubahan ng Food and Drug Administration para sa anti-wrinkle at anti-aging benefits nito. Sa tulong ng pagpapasigla ng paggawa ng mga bagong blood vessel sa balat, pinapataas din ng retinoids ang produksyon ng collagen sa katawan. Kaya napapabuti nito ang kulay ng balat na kadalasang pinag-aalala ng mga taong may mga sunspot at iba pang hyperpigmentation.
Tumutulong din ang Tretinoin para maiwasan na lalong masira ang balat dahil sa pagkakalantad at pinsala sa UV.
Bukod dito, pinapalambot din nito ang magaspang na mga patch sa balat. Ngunit, maaaring kinakailangan din maghintay para makita ang resulta. Inaabot ng tatlo hanggang anim na buwan ang ilan, habang tumatagal naman ng isang taon o higit pa ang iba.
Paggamot ng Psoriasis
May paraan din ang retinoids para gamutin ang makati at tuyong balat sa iba’t ibang bahagi ng katawan. Nangyayari ang skin restoration kapag gumagana ang retinoids para bawasan ang inflammation at paglalagas.
Retinoids: Contraindications, Pag-iingat, at Higit Pa
Tulad ng iba pang treatment, may mga side effect, contraindication, at pag-iingat din ang retinoids na kinakailangan habang ginagamit ito.
Maaaring allergic (o hypersensitive) ang ilang tao dito, kaya maaaring hindi ito maging mabisa sa lahat, tulad na lang sa mga buntis na babae.
Iba pang mga karaniwang side effect:
- Sobrang pagkatuyo ng balat
- Pamumula ng balat
- Pagkaliskis ng balat (mas matindi sa mga may eczema)
- Pangangati (pruritus)
Dahil maaari ito maging sanhi ng pagkatuyo at pangangati ng balat, madalas na inirerekomenda ng mga doktor na gamitin ito nang laktaw-laktaw nang bawat isang araw sa simula. Pagkatapos nito, maaari itong dahan-dahanin gawing mas madalas at ilagay ito gabi-gabi.
Maaari din maging sensitibo ang iyong balat sa liwanag dahil sa retinoids. Ito ang dahilan kung bakit ipinapayo din ng mga dermatologist na magsuot ng sunscreen araw-araw para maging mabisa ito at tumagal ang mga benepisyo nito.
Key Takeaways
Ano ang retinoids? Bukod sa treatment para sa acne, nakatutulong din ang retinoids sa iba pang kondisyon ng balat. Siguraduhing kumonsulta sa doktor bago subukan ang mga ito, para malaman ang pinakamahusay na treatment para sa uri ng iyong balat at maiwasan ang mga masamang reaksyon mula sa mga gamot na ito.
Matuto pa tungkol sa Skincare at Cleansing dito.
