backup og meta
Matuklasan
Mga Health Tool
Magtanong sa Doktor
I-save

Para Saan Ang Horny Goat Weed? Alamin Dito

Narebyung medikal ni Stephanie Nera, RPh, PharmD · Pharmacology


Isinulat ni Niña Christina Lazaro-Zamora · a

    Para Saan Ang Horny Goat Weed? Alamin Dito

    Ang Horny goat weed (Epimedium grandiflorum L.) ay isang damong karaniwang ginagamit sa tradisyunal na gamot ng Tsino.

    Mga gamit

    Saan ginagamit ang horny goat weed?

    • Erectile Dysfunction
    • Cardiovascular health
    • Antiviral

    Paano ito gumagana?

    Kasalukuyang kulang ang impormasyon ng clinical trial, samakatuwid ang eksaktong mekanismo kung paano ito gumagana ay hindi pa natutukoy. Batay sa ilang mga pag-aaral sa hayop, ang mga aktibong sangkap ng horny goat weed ay kinabibilangan ng flavonoids at phytoestrogens. Tila nag-po-promote ito ng paglabas ng nitric oxide sa erectile tissue at mga daluyan ng dugo, na nag-aambag sa pagpapababa ng presyon ng dugo at pagpapabuti ng daloy ng dugo sa male genitalia at sa puso. Nagpapakita rin ito ng inhibitory action laban sa HIV virus at viral myocarditis.

    Mga pag-iingat at babala

    Ano ang dapat kong malaman bago gumamit ng horny goat weed?

    Bago gamitin ang damong ito, sabihin sa iyong doktor kung ikaw ay/may:

    • Buntis o nagpapasuso
    • Iniinom na iba pang mga gamot. Kabilang dito ang anumang nireseta, OTC, at herbal remedies
    • Allergy sa alinman sa mga sangkap ng produktong ito
    • Iba pang sakit, karamdaman, o kondisyong medikal

    Mga espesyal na pag-iingat at babala

    Sa kasamaang palad, walang sapat na impormasyon tungkol sa kaligtasan ng paggamit ng damong ito sa mga buntis at nagpapasuso. Gayunpaman, malamang na hindi ito ligtas na inumin dahil sa mas mataas na panganib ng pagdurugo at ang nilalamang phytoestrogen nito. Ipinapakiusap na palaging kumunsulta sa iyong doktor upang matimbang ang mga potensyal na benepisyo at panganib bago uminom ng anumang gamot.

    Mga side effect

    Anong uri ng mga side effect ang maaaring makuha ko mula sa horny goat weed?

    Tulad ng lahat ng gamot, maaaring may mga side effect ang produktong ito. Kung nangyari ang mga ito, ang mga side effect ay karaniwang mild at nawawala kapag natapos na ang gamutan o binabaan ang dosage. Ang ilang naiulat na mga side effect ay kinabibilangan ng:

    • Allergic reaction
    • Pantal sa balat
    • Pagduduwal
    • Pagsusuka
    • Pagtatae o paninigas ng dumi
    • Mababang presyon ng dugo
    • Mabilis na tibok ng puso
    • Arrhythmias
    • Pinagpapawisan

    Gayunpaman, hindi lahat ay nakakaranas ng mga side effect na ito. Bilang karagdagan, ang ilang mga tao ay maaaring makaranas ng iba pang mga epekto. Kaya, kung mayroon kang anumang mga alalahanin tungkol sa side effect, mangyaring kumonsulta sa iyong doktor o pharmacist.

    Alamin ang mga interaction

    Anong mga gamot ang maaaring mag-interact sa horny goat weed?

    Maaaring mag-interact ang gamot na ito sa iba pang mga gamot na kasalukuyang iniinom. Maaari nitong mapabago ang epekto ng gamot o mapataas ang tsansa ng pagkakaroon ng mga seryosong side effect.

    Upang maiwasan ang anumang maaaring drug interaction, marapat na magtabi ng listahan ng lahat ng ginagamit na gamot (kabilang na ang prescription drug, nonprescription drug, at herbal product) at ipagbigay-alam ito sa doktor o pharmacist. 

    Mga gamot na may posibleng interaction:

    • Antihypertensive agents
    • Mga gamot sa fertility

    Kung nakakaranas ka ng masamang interactions sa gamot, ipagbigay-alam kaagad sa iyong doktor upang muling suriin ang iyong treatment plan. Kasama sa mga diskarte ang pagsasaayos ng dosage, pagpapalit ng gamot, o paghinto ng therapy.

    Dosage

    Hindi pamalit sa anumang medical advice ang mga ibinibigay na impormasyon. Kaya parating kumonsulta sa doktor o pharmacist bago gumamit ng anumang gamot.

    Ano ang dose para sa adult?

    Sa ngayon, wala pang naitatakdang dose para sa horny goat weed. Ang mga available na supplements sa merkado ay karaniwang may dosage strength na 250 hanggang 500 mg. Dapat itong inumin isang beses o dalawang beses sa isang araw, kasama ng pagkain.

    Ano ang dose para sa isang bata?

    wala pang naitatakdang dose para sa pediatric. Maaaring hindi ito ligtas para sa iyong anak. Mahalaga palagi na maunawaan nang lubos ang kaligtasan ng gamot bago gamitin. Mangyaring kumonsulta sa iyong doktor o pharmacist para sa karagdagang impormasyon.

    Sa anong form available ang horny goat weed?

    Ang horny goat weed ay available sa mga sumusunod na dosage forms:

    • Mga tableta
    • Mga kapsula
    • Food supplement powder

    Ano ang dapat kong gawin sakaling magkaroon ng emergency o overdose?

    Bihirang makaranas ng toxicity mula sa mataas na dosage ng mga vitamin supplements. Gayunpaman, sakaling magkaroon ng emergency o overdose, tumawag sa local emergency services o magtungo sa pinakamalapit na emergency room.

    Ano ang dapat kong gawin kung makaligtaan ko ang isang dose?

    Kung makalimot ng dose, uminom nito sa lalong madaling panahon. Kung malapit na sa oras ng sunod na dose, laktawan na ang nalimutang dose. Ipagpatuloy ang regular na dose ayon sa nakaiskedyul. Huwag uminom ng dobleng dose.

    Matuto nang higit pa tungkol sa Drugs at Supplements dito.

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Narebyung medikal ni

    Stephanie Nera, RPh, PharmD

    Pharmacology


    Isinulat ni Niña Christina Lazaro-Zamora · a

    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement