Ang gatas ng ina ay ang pinakamahusay para sa mga sanggol. Marami sa atin ang lumaki na nakarinig ng mensaheng ito at marahil naisip natin: kapag ako ay naging isang ina, tiyak na magpapadede ako sa aking sanggol. Pero hindi lahat ay ayon sa plano. Kung minsan, kahit gaano mo gusto, ay hindi kayang magpadede. Narito ang ilang mga tip para makayanan ang hindi makapagpapadede.
1. Mayroong ilang mga contraindications sa pagpapasuso
Ang pagharap sa hindi kayang magpadede ay nangangahulugan na kailangan mong maunawaan kung bakit hindi mo maibibigay ang iyong sanggol ang gatas ng ina.
Ayon sa US Center for Disease Control, hindi maaaring padedehin ng mga mommy ang kanilang sanggol kung mayroon o pinaghihinalaang may ilang partikular na viral infections, tulad ng Ebola virus, HIV, at T-cell lymphotropic virus type I at II.
Hindi rin maaaring magpasuso ang mga mommy kung ang kanilang sanggol ay may galactosemia. Isa itong genetic disorder na nagdudulot ng mga problema sa pag-convert ng galactose (asukal mula sa gatas) sa glucose, isa pang uri ng asukal.
Ang bottomline ay, may mga sitwasyon talaga na ang breastfeeding ay hindi okay para sa iyo ng baby mo. Kausapin ang iyong doktor para sa iba pang option. Marahil, ang kontraindikasyon ay pansamantala lamang o maaari mong bigyan ang iyong sanggol ng expressed breast milk.
2. May iba pang mga paraan upang makakuha ng gatas ng ina para sa iyong sanggol
Kung ikaw ay hindi kayang magpadede ng sanggol o mabigyan ng expressed milk, tanungin ang iyong doktor tungkol sa posibilidad na bigyan sila ng donor na gatas ng ina.
Ang ilang mga pasilidad ay nag-aalok ng gatas ng ina mula sa masusing na-screen na mga donor mommies. At huwag mag-alala tungkol sa kalidad. Ayon sa Human Milk Bank Philippines, ang donor milk ay:
Safe. Sinusuri ng bangko ang gatas para sa bakterya. Upang patayin ang anumang natitirang bacteria o virus, pinapasturize din ng bangko ang gatas.
Naglalaman din ng mga immunoglobulin, na nagpoprotekta sa mga sanggol mula sa mga sakit.
May sapat na calorie. Hinihikayat ng bangko ang mga nanay ng donor na aktibong magpalabas ng gatas na naglalaman ng sapat na calorie. Hindi sila nangongolekta ng drip milk, na may mas kaunting mga calorie.
Mahalaga. Maraming pamilya ang nakakakuha ng gatas ng ina mula sa isang kaibigan o kapitbahay na donor nang libre, habang ang iba ay bumibili nito online dahil mas mura ito. Manatiling maingat. Ang nanay ng donor ay dapat na malusog at ang gatas ay dapat na maayos na nailabas at nakaimbak, kung hindi, ang gatas ay maaaring kontaminado.
3. Ang formula milk ay hindi masama
Minsan, ang pagharap sa hindi kayang magpadede ay nangangailangan ng pagtanggap na ang iyong sanggol ay kailangang umasa sa formula milk.
Papaalalahanan ang iyong sarili na kahit na ang formula milk ay hindi ang una at pinakamahusay na opsyon, ito ay hindi masama. Ang formula milk ay magbibigay din sa iyong sanggol ng mga nutrients na kailangan niya para umunlad at manatiling malusog.
4. Tandaan na ang pagpapasuso ay isang bahagi lamang ng pagiging ina
Nahihirapan ka bang makayanan ang hindi makapag-breastfeed? Kung gayon, tandaan na ang pagpapasuso ay isang bahagi lamang ng pagiging isang ina.
Maaaring hindi kayang magpadede, ngunit marami ka pa ring magagawa para sa iyong anak. Maaari mo pa rin siyang kargahin, kantahan, at makipaglaro sa kanya. Puede mong panatilihing malusog ang baby mo sa pamamagitan ng regular na check-up at naka-iskedyul na pagbabakuna. Kapag umabot na sa 6 na buwan, maaari mo ring simulan ang nang paunti-unti sa mga masusustansyang solid food.
Huwag hayaang pigilan ka ng iyong guilt sa paggawa ng iba pang mga bagay para sa iyong sanggol at sa pagtamasa ng iyong tungkulin bilang isang ina.
