Sa panahon ng mga emergency at natural na sakuna, mabilis na tumutugon ang bawat indibidwal sa pangangailangan ng isang biktima. Sila ay nag-do-donate ng pagkain, tubig, gamot, at mga gamit sa banyo. Minsan, namamahagi sila ng gatas na formula. Ngunit ang pagbibigay ng formula milk — kahit na may malinis na intensyon — ay ipinagbabawal ng code ng gatas? Narito kung ano ang milk code ng Pilipinas at kahulugan nito para sa mga magulang at mga anak.
Milk Code ng Pilipinas
Ang Milk Code o Executive Order 51 (EO 51), na kilala rin bilang National Code of Marketing of Breastmilk Substitutes, Breastmilk Supplements, at Iba Pang Mga Kaugnay na Produkto, ay naglalayong isulong at protektahan ang pagpapasuso. Nais din nitong makatanggap ang mga pamilya ng sapat at tumpak na impormasyon, upang maayos nilang magamit ang mga pamalit at pandagdag sa gatas ng ina.
Dahil dito, hindi lang kinokontrol ng Milk Code ang kalidad ng mga pamalit at suplemento sa gatas ng ina. Kinokontrol din ang marketing strategy at ginagamit ng mga kompanya.
Ang “mga pamalit at suplemento ng gatas ng ina” ay mga produkto na nagsisilbing bahagyang o kabuoang kapalit ng gatas ng ina. Kabilang dito ang formula ng sanggol, mga bote ng pagpapakain, at mga utong.
Kinokontrol din ng Milk Code ang iba pang mga produktong gatas, pagkain at inumin, at pantulong na pagkain — kapag ibinebenta o kinakatawan na angkop bilang bahagyan o kabuoang mga pamalit sa gatas ng ina, mayroon man o walang pagbabago.
Bakit Mahalaga ang Milk Code
Ang gatas ng ina ay pinakamainam para sa mga sanggol. Sinusuportahan ng Milk Code ang katotohanang ito. Sa pamamagitan ng pagsasaayos ng gawi ng mga kompanyang sangkot sa mga pamalit at suplemento ng gatas ng ina. Nakatutulong upang ang ina ay babalik sa pagpapasuso. At manatili sa pagpapasuso sa mga mahalagang unang buwan ng buhay ng isang bata.
Mahalaga rin ito dahil pinapanagot nito ang mga tao at kompanya sa pamamahagi ng produkto at impormasyong nauugnay rito. Halimbawa, ang mga gumagawa ng gatas ay madalas na ipinagmamalaki ang kanilang gatas na may mahalagang sustansya para sa pag-unlad ng utak, ngunit maaaring hindi ipaalam sa iyo na ang pulbos ay hindi isang sterile na produkto at nauugnay sa bacterial contamination.
Ang isa pang hindi napapansing impormasyon ay ang temperatura ng tubig para sa paghahanda ng formula ng gatas. Karamihan sa mga magulang at tagapag-alaga ay gumagamit ng pinakuluang tubig, ngunit pinalamig nila ito nang labis, natatakot na masaktan ang kanilang mga sanggol. Gayunpaman, sinasabi ng mga eksperto na ang tubig ay hindi dapat mas malamig kaysa sa 70°C upang patayin ang mga nakakapinsalang bakterya na maaaring nasa pulbos.
Mga Paglabag sa Ilalim ng Milk Code of the Philippines
Nasa ibaba ang ilan sa mga paglabag sa ilalim ng E0 51:
1. Mapanlinlang at Maling Nutritional Claim
Halimbawa, ipinagbabawal ng batas na sabihin na ang formula milk ay ang “pinakamahusay na paraan” upang simulan ang buhay. Tandaan, ang gatas ng ina ang pinakamainam para sa mga sanggol.
2. Mga Advertisement na Naglalaman ng mga Larawan ng Bata o Mga Sanggol na may mga Kamag-anak
Ang mga ad ay kinokontrol upang hindi mahikayat ang mga pamilya na bumili ng mga pamalit at pandagdag sa gatas ng ina.
3. Mga regalo
Sa ilalim ng Milk Code, ang mga kompanya, tagagawa, kinatawan, at distributor ng mga produktong saklaw ng batas ay hindi maaaring magbigay ng anumang uri ng regalo. Kasama sa mga regalong ito ang mga pampinansyal, personal, o komersyal na gantimpala, mga insentibo, at mga pabor na ibinibigay nang direkta o hindi direkta, mayroon man o walang logo, pangalan ng kompanya, o pangalan ng tatak.
Halimbawa, ipinagbabawal ang pagbibigay ng mga sample ng mga produkto na sakop ng EO 51, dahil ang libreng pagsubok ng isang produkto ay maaaring makaimpluwensya sa mga ina na huminto sa pagpapasuso.
4. Promosyon ng mga Manggagawa o Pasilidad sa Pangangalagang Pangkalusugan
Ang mga kompanya ay hindi dapat gumamit ng mga pasilidad sa pangangalagang pangkalusugan upang ipamahagi, ipakalat, o i-promote ang mga pamalit at suplemento ng gatas ng ina.
Halimbawa, dapat na walang mga poster o anumang anyo ng patalastas sa mga klinika o ospital.
5. Mga donasyon
Hindi rin pinapayagan sa ilalim ng Milk Code ay ang pagbibigay ng mga pamalit at suplemento ng gatas ng ina sa panahon ng mga donation drive. Ang mga kompanya o kinatawan ay hindi dapat gamitin ang emergency upang i-promote o ipamahagi ang kanilang mga produkto.
Ito ay naglalagay sa panganib sa mga sanggol. Lalo na kung ang mga lugar na sinalanta ay karaniwang walang access sa malinis na tubig. Gayundin, ang pagtanggap ng mga donasyon ng gatas ay maaaring makapagpabago sa isip ng ina.
Ang mga paglabag sa EO 51 ay mapaparusahan ng batas. Bawat indibidwal ay maaaring maharap ng hanggang isang taon na pagkakulong o hanggang PHP30,000 na multa. Maaaring mapawalang-bisa ang lisensya ng mga healthcare worker. Siyempre, mayroon ding mga makabuluhang epekto para sa mga kompanyang lumalabag sa batas na ito.
Key Takeaways
Matuto pa tungkol sa pagpapasuso rito.
