Mahigpit Na Magulang: Ano Ang Tiger Parenting? Alamin Dito!

Ang pagiging strict o mahigpit na magulang ay pwedeng makaapekto sa paglaki ng isang anak. Kaya naman mahalagang malaman mo ang mga posibleng epekto ng “tiger parenting” sa mga bata upang maiwasan din ang pagkapariwa nila at pagtatanim ng sama ng loob sa kanilang mga magulang. 

Dagdag pa rito, ang pagkakaroon ng kamalayan kung nagiging masyadong mahigpit na tayo sa ating mga anak ay makakatulong para mabawasan ang ating pressure sa pagpapalaki ng bata. Dahil ang pagiging mulat sa’ting paraan ng pagpapalaki sa mga anak ay nakakatulong upang maging mas klaro ang ating pag-iisip sa pag-aalaga sa kanila.

Dapat mo ring tandaan na hindi pa huli ang lahat upang ayusin at i-improve ang ating parenting style, sapagkat ang bawat araw ay isang oportunidad para matuto rin tayo bilang magulang.

Kaya naman basahin ang artikulong ito upang malaman kung ano ang tiger parenting at kung bakit hindi tayo dapat maging sobrang mahigpit na magulang.

Ano Ang Tiger Parenting?

Tumutukoy ang tiger parenting sa isang “authoritative method” ng isang magulang na may layuning ingatan at palakihin ang mga anak bilang “high-achieving children.” Kung saan pumapasok dito ang paghihigpit ng magulang sa kanyang mga anak sa ilang mga gawain na sa palagay nila ay hindi maganda ang magiging epekto sa mga anak.

Kagaya ng mga sumusunod na pagbabawal sa:

• Sleepovers
• Parties
• Pagbo-boyfriend o girlfriend

Bukod sa mga nabanggit na ipinagbabawal ng magulang marami pa ang mga bagay na pwede nilang ipagbawal depende sa sitwasyon at kondisyon ng pamilya at ng bata. Maraming pagkakataon na nagiging tiger parenting ang paraan ng pagpapalaki ng mga magulang sa anak dahil nais nilang magpokus sa pag-aaral ang kanilang mga anak at maging ligtas sa kapahamakan.

Nakakasama Ba Ang Tiger Parenting Para Sa Mga Anak?

Sa kabuuan hindi naman nakakasama ang tiger parenting sa mga bata, lalo na kung magiging wasto at angkop ang paggamit ng mga magulang sa parenting style na ito. Tandaan na dapat mo munang makita ang pangangailangan ng iyong anak sa paggamit ng tiger parenting. Alam mo dapat kung kailan, saan, paano, at bakit mo dapat paghigpitan ang iyong anak upang maging maayos at balanse pa rin ang inyong relasyon at koneksyon.

Narito ang mga benepisyo na pwedeng makuha ng bata sa tiger parenting:

• Nagkakaroon ng malakas na work ethics ang anak
• Nadedebelop ang self-discipline ng mga bata sa murang edad pa lamang
• Natuto ang mga anak na magsumikap
• Nararamdaman ng bata ang malakas na encouragement ng kanilang mga magulang para makuha ang goals na itinala nila sa sarili at buhay.

Subalit, huwag mong kakalimutan na kapag naging sobra ang paggamit ng tiger parenting at paghihigpit sa mga anak, pwedeng maging dahilan ito ng pagkasira ng relasyon sa pagitan ng magulang at anak. Lalo na kung nararamdaman ng bata na parang kontrolado na ang kanyang buhay, at nawawalan na siya ng kalayaan para sa pagtupad ng kanilang mga pangarap.

Narito ang mga posibleng hindi magandang epekto ng tiger parenting:

• Pagkakaroon ng takot ng mga anak sa mga bagay na hindi nila ma-aachieve at makukuha
• Pagkabalisa at takot sa failure o pagkabigo
• Pagkakaroon ng self-esteem issues dahil sa mga paulit-ulit at maraming demand na hinihingi sa kanila
• Nagkakaroon ang mga bata ng takot sa pagkakamali
• Matinding pressure na hindi matuwa ang kanilang mga magulang at ma-disappoint

Matuto pa tungkol sa Pagiging Magulang dito.

[embed-health-tool-vaccination-tool]