Naaalala mo pa ba ang lagundi noong bata ka pa? O baka maalala mo ang oregano bilang isa pang alternatibo. Para sa anumang karamdaman na mayroon ka, binigyan ka ng iyong mga lolo’t lola ng ilan sa mga karaniwang halamang gamot na kanilang pinaniniwalaan na makagagaling sa iyong sakit. Ang mga ito ay dalawa lamang sa ilang mga kahanga-hangang lunas sa iba’t ibang listahan ng halamang gamot. Magbasa para matuto pa.
Kilalanin Ang Mga Herbal Alternatives: Isang Listahan ng Karaniwang Halamang Gamot
Maaaring nagtataka ka tungkol sa ilan sa mga kilalang gamit at benepisyo ng mga natural na halamang gamot na mainam na gamitin.
Panahon na upang makilala ang mga karaniwang halamang gamot sa pamamagitan ng listahan ito na inaprubahan ng Kagawaran ng Kalusugan.
Lagundi (Vitex negundo)
Kapag naiisip mo ang tungkol sa mga karaniwang halamang gamot, sigurado ang lagundi ay nangunguna sa iyong listahan. Sa kapasidad nito bilang paggamot sa ubo, walang alinlangan na ito ay isang pangunahing gamot upang maibsan ang mga sintomas ng kahirapan sa paghinga. Bilang karagdagan, mayroon din itong mga aktibong sangkap na nagbibigay ng sumusunod na katangian at epekto:
- Anti-asthmatic
- Relaxant ng mga daanan ng hangin sa baga
- Antihistamine
- Pang-alis ng pamamaga
Ang lahat ng ito ay nakakatulong na magbigay ng malakas na epekto sa pagsugpo sa ubo nang walang anumang masamang epekto.
Ginagamit din ng ilang tao ang dahon nito para sa sumusunod na dahilan:
- Sipon at lagnat
- Pharyngitis
- Rayuma
- Dyspepsia
- Mga pigsa
- Pagtatae
Bawang (Allium sativum)
Walang kusinang Pilipino ang hindi makikitaan ng bawang. Ngunit higit pa sa pagiging karaniwang sangkap, ang bawang ay mayroon ding cardiovascular, anti-neoplastic, antimicrobial, na mga katangian na kapaki-pakinabang sa mga pagsasaalang-alang para sa paggamot.
Ayon sa pananaliksik, ang pagkonsumo ng bawang ay nag-aalok ng mga paborableng epekto sa iyong mga daluyan at presyon ng dugo. Sinasabi ng mga siyentipiko na ang mga pulang selula ng dugo ay nag papayaman ng nitric oxide at hydrogen sulfide gas–na nag papa relax sa mga daluyan ng dugo, kaya ginagawang mas madaling kontrolin ang presyon ng dugo.
Higit pa rito, ang bawang ay maaaring makatulong sa pagtugon sa iba pang mga sakit o kahit na mga hiwa o impeksyon sa sugat dahil sa mga katangian nitong anti-bacterial at anti-inflammatory. Dagdag pa: ang halamang ito ay nagtataglay din ng mga anti-cancer at anti-hypertensive properties.
Ampalaya (Momordica charantia)
Ang isa pang pamilyar na halaman ay isa ring gulay na kilala sa mapait na lasa nito. Gayunpaman, ang ampalaya ay hindi lamang tungkol sa lasa nito. Nagdudulot ito ng higit pa, tulad ng pagsuporta sa mga may diabetes na gustong panatilihing kontrolado ang kanilang asukal sa dugo.
Ang ampalaya, o “bitter melon”, ay kilala sa mga katangian nitong anti-diabetic na tumutulong sa pagbabawas ng mga antas ng asukal sa dugo. Ginagamit din ito ng ilan upang gamutin ang almoranas, ubo, paso, at scalds dahil sa sapat na masustansyang nilalaman nito.
Bukod dito, sinusubukan ng mga mananaliksik at siyentipiko na pag-aralan ang kaugnayan at epekto nito sa larangan ng paggamot sa kanser.
Akapulko (Cassia alata)
Gaya ng ipinahihiwatig ng pangalan, ang susunod sa listahan ng karaniwang halamang gamot na maaari mong gamitin kung ang iyong alalahanin ay nagsasangkot ng ilang mga impeksyon sa balat.
Ang ringworm bush o akapulko ay may fungicide na tinatawag na chrysophanic acid, na nag-aambag sa mga katangian nitong antifungal at antibacterial upang gamutin ang mga impeksyon tulad ng:
Ang katas ng halaman na ito ay kadalasang ginagamit bilang isang sangkap sa mga lotion, sabon, at shampoo.
Bayabas (Psidium guajava)
Ang listahan ng karaniwang halamang gamot na ito ay hindi kumpleto kung walang prutas na maaari mong palaguin nang mag-isa at makakain kahit kailan at saan man.
Ang bayabas ay kilala sa iba’t ibang gamit nito bilang prutas at bilang katutubong gamot para sa iba’t ibang sakit. Maraming tao ang gumagamit nito dahil sa mga katangian nito. Ang bayabas ay anti-inflammatory, anti-allergy, antiseptic, antimicrobial, antioxidant hepato-protective, anti-spasmodic, anti-plasmodial, anti-diabetic, antigenotoxic, at anti-cough.
Napatunayan ng ilang siyentipikong pag-aaral na halos lahat ng bahagi ng halaman na ito ay may mga halagang panggagamot. Dahil dito ang bayabas ay isa sa pinakasikat na therapeutic herbs sa Pilipinas.
Key Takeaways
Ilan lamang ito sa mga karaniwang halamang gamot na maaari mong gamitin sa napakaraming paraan.
Simulan ang pagtatanim ng mga halamang gamot ngayon, at muling alamin kung bakit binigyang-halaga ng ating mga lolo’t lola ang natural na mga lunas para sa sakit.
Para sa anumang mga katanungan o alalahanin, mangyaring kumonsulta sa iyong doktor o tagapagbigay ng pangangalaga ng kalusugan.
Matuto nang higit pa tungkol sa mga Halamang Gamot dito.
