backup og meta
Matuklasan
Mga Health Tool
Magtanong sa Doktor
I-save

Energy Drink Para Hindi Antukin Sa Exercise: Safe Ba Ang Pag-Inom Nito?

Narebyu ng Eksperto Chris Icamen · Dietetics and Nutrition


Isinulat ni Daniel de Guzman · a

    Energy Drink Para Hindi Antukin Sa Exercise: Safe Ba Ang Pag-Inom Nito?

    Sadyang sobrang nakapapagod para sa iyong isip at katawan ang ilang araw, linggo, o buwang training at pag-eehersisyo. Mahalaga ang pagpapanatili ng mataas na energy sa mga sesyon ng laro at training upang manatiling competitive. Ang pagkakape bago mag-ehersisyo ay isang paraan upang magkaroon ng karagdagang lakas. Isa pang popular na alternatibong inumin ay ang mga energy drink. Ngunit nakabubuti ba o nakasasama ang pag-inom ng energy drink para hindi antukin sa sports at pag-eehersisyo?

    Mga Sangkap Na Taglay Ng Energy Drinks

    Alamin muna natin kung ano ang meron sa mga energy drink. Karaniwang sangkap nito ang tubig, real o artificial fruit juices, caffeine, at asukal. Ang isang lata nito ay puwedeng maglaman ng kulang-kulang 100 hanggang 200 mg ng caffeine at humigit 40 grams ng asukal — mas marami kumpara sa mga soda at coffee drink. 

    Dagdag pa, marami sa mga energy drink ay may taglay na bitamina, minerals, at natural na mga sangkap gaya ng ginseng, green tea, at guarana. Bagaman madalas itong ibenta bilang healthy drinks na nagpapaganda ng iyong performance, hindi pa rin puwedeng iisantabi ang mga negatibong dulot sa katawan ng mataas na caffeine at asukal na matatagpuan sa ganitong mga inumin. 

    Mabuti Ba Sa Kalusugan Ang Mga Sports Energy Drink? 

    Ano ang mga epekto ng pag-inom ng energy drink para hindi antukin sa exercise?

    Bagaman nakapagbibigay ng lakas ang asukal at nakatutulong naman ang caffeine upang mag-burn ng extra calories sa katawan, may mas mainam pa ring puwedeng pagkunan ng mga ito kaysa sa energy drinks. Maaaring mauwi sa insulin resistance at diabetes mellitus ang sobrang pagkonsumo ng asukal. Hindi pa kasama dyan ang pagtaas ng timbang na hindi akma para sa mga taong nais na mapantili ang kanilang maayos na pangangatawan.

    Maaaring hindi naman makasira ng iyong long-term goal at performance ang minsang pag-inom nito. Ngunit maaari kang makaranas ng biglaang pagbagsak ng sugar o caffeine level. Kung hindi na kasama sa diet mo ang matatamis at soft drinks, mas mainam kung iiwasan mo ang pag-inom ng energy drink para hindi antukin sa exercise.

    Ang mga taong may type 2 diabetes, sakit sa puso, at may mga problema sa pagtulog ay kailangang kumonsulta muna sa doktor bago uminom ng energy drinks.

    energy drink para hindi antukin

    Mainam Na Pamalit Sa Energy Drinks

    Hindi dapat maipagkamali ang energy drink sa mga sports drink na may lamang electrolytes. Bukod dyan, hindi matutumbasan ng anumang dami ng caffeine ang pagkakaroon ng maayos na tulog sa gabi. Kung ikaw ay nag-te-training o nag-eehersisyo at naghahanap ng puwedeng magbigay sa iyo ng dagdag na lakas, narito ang mga puwedeng pagpilian:

    • Infused water (lemon, at cucumber ang sikat na mga sangkap nito)
    • Natural fruit juice
    • Sariwang prutas (maganda ang pakwan bilang halimbawa)
    • Sports drinks
    • Kape
    • Tsaa
    • Skim o low-fat milk

    Bilang paalala, uminom ng tubig bago, habang, at pagkatapos ng anumang physical activity. Kumonsulta sa doktor kung nakararanas ng mga senyales ng dehydration gaya ng sobrang pagkauhaw, panghihina, pagkatuyot ng bibig, o kawalan ng malay. 

    Key Takeaways

    Sa madaling salita, palaging naghahanap ang mga atleta ng mga bagay na makapagpapalakas sa kanila tuwing may laro. Ang pag-inom ng energy drink para hindi antukin ay hindi ang best option para dito. Sa halip, dapat na magtuon ang mga may active lifestyle sa tamang nutrisyon, pag-inom ng tubig, at sapat na pahinga. Makipag-usap sa inyong doktor o dietician para sa iba pang kaalaman tungkol dito.

    Matuto ng higit pa tungkol sa Healthy Eating dito. 

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Narebyu ng Eksperto

    Chris Icamen

    Dietetics and Nutrition


    Isinulat ni Daniel de Guzman · a

    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement