Ang ating katawan ay binubuo ng 60% na tubig, at nawawala ito sa katawan sa pamamagitan ng paghinga, pagpapawis, at pagtunaw. Ang pag-inom ng sapat na tubig bawat araw ay malaking tulong sa hydration para sa mabuting kalusugan.
Narebyung medikal ni Mike Kenneth Go Doratan, MD · General Surgery · The Medical City Ortigas
Ang ating katawan ay binubuo ng 60% na tubig, at nawawala ito sa katawan sa pamamagitan ng paghinga, pagpapawis, at pagtunaw. Ang pag-inom ng sapat na tubig bawat araw ay malaking tulong sa hydration para sa mabuting kalusugan.
Ayon sa National Academies of Sciences, Engineering, and Medicine na ang pag-inom ng humigit-kumulang 2.7 liters (91 ounces) of fluids araw-araw para sa mga kababaihan; at mga 3.7 liters (125 ounces) of fluids naman para sa mga kalalakihan, alinman mula sa mga inumin o pagkain na naglalaman ng tubig, ay isang sapat na halaga upang manatiling hydrated.
Bagama’t parang madaling uminom ng isang galon ng tubig sa isang araw, medyo mahirap para sa iba na may busy lifestyle. Mainam na malaman mo ang kahalagahan ng hydration para matulungan ka na magkaroon ng habit ng palaging hydrated.
Tubig ang pangunahing pinagmumulan ng hydration. Maliban sa pag-inom ng isang basong tubig, ang prutas at gulay ay source din ng tubig. Kailangan ng ating katawan ng tubig para tulungan ang mga cell, tissue, at organ na gumana ng maayos.
Heto ang ilang dahilan kung bakit kinakailangan maging hydrated:
Dahil sa mga kakaibang katangian ng tubig, nakakatulong ito sa pag-regulate ng temperatura ng katawan.
Ang synovial fluid na matatagpuan sa mga cavity ng synovial joints ay naglalaman ng tubig. Ang fluid na ito ang nag papadulas sa mga kasukasuan at nakakatulong na maiwasan ang friction sa pagitan ng mga buto tuwing tayo ay gumagalaw.
Sa pamamagitan ng pag-inom ng mas maraming likido, hindi mahihirapan ang iyong katawan sa pag-flush ng mga irritant tulad ng bacteria na pwedeng maging sakit tulad ng urinary tract infection.
Kapag sinisipsip ng katawan ang tubig na iniinom natin, nagdadala ito ng mga sustansya sa mga cells. Naghahatid din ito ng oxygen sa utak sa anyo ng bodily fluids, tulad ng dugo. Ang pag-inom ng tubig ay nagpapabuti ng pangkalahatang kalusugan ng bituka.
Kapag hydrated, nakakatulong na protektahan at mapanatili ang moisture sa mga pinaka sensitibong bahagi ng katawan, gaya ng mga buto, utak, at spinal cord.
Ang pag-inom ng tubig habang o pagkatapos kumain ay nakakatulong sa digestion process dahil sa paghahati-hati ng pagkain sa mga nutrients, nama absorb ng ng katawan. Ang pagpapanatiling hydrated ay pumipigil sa constipation, dahil pinalalambot din ng tubig ang dumi.
Kapag kulang ang katawan sa tubig, mapapansin na ang balat ay mukhang tuyo.
Kapag hydrated, natutulungan ang puso sa pag bomba ng dugo nang mahusay sa buong katawan. Nakakarating din ang oxygen sa muscles upang sila ay gumana nang mabuti. Ang kakulangan sa hydration ay nagiging sanhi ng pagkapal ng iyong dugo dahil sa pagpapanatili ng sodium, na humahadlang sa sirkulasyon ng dugo.
Pero may mga pagkakataon na nakakalimutan nating mag-hydrate dahil sa busy schedules. Kung hindi mapapalitan ng husto ang fluids sa katawan, mauuwi ito sa dehydration.
Ang sobrang pagkawala ng tubig sa katawan ay nauuwi sa dehydration. Madalas itong mangyari kung hindi ka umiinom ng tubig kahit uhaw na, o kapag may sakit, lalo na kung nagsusuka o nagtatae.
Kailangan ng sapat na hydration para sa mabuting kalusugan!
Kung nararanasan mo ang mga sign, kaagad na i-hydrate ang iyong katawan sa pamamagitan ng pag-inom ng fluids.
Ang tubig ang pinaka inirerekomenda. Kung lumala ang mga sintomas ng dehydration, agad na humingi ng medikal na atensyon.
Alamin ang tungkol sa Healthy Eating dito.
Isinalin sa Filipino ni Corazon Marpuri
Disclaimer
Ang Hello Health Group ay hindi nagbibigay ng medikal na payo, diagnosis o paggamot.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap