Weight Loss Apps: Epektibo Ba Ang Mga Ito Pagdating Sa Pagpayat?

Ang isang bagong pag-aaral na pinangunahan ng mga mananaliksik sa Stanford University School of Medicine ay nagpapakita na kahit na anong taktika sa weight loss ang pipiliin mo, magiging mas matagumpay kapag sinusubaybayan ang iyong progress gamit ang isang digital health tool. At habang mas malapit ka na sa iyong sinusundan na weight loss gamit ang smartwatches, digital scales, o weight loss apps, mas lalo kang pumapayat.

Makakatulong ba ang Apps sa Pagbaba ng Timbang? 

Sinabi ni Dr. Michele Patel, isang postdoctoral fellow sa Stanford Prevention Research Center, “Nakita namin ang pagtaas ng mga digital na tool sa kalusugan sa nakalipas na dekada, at nagbibigay sila ng isang mahusay na paraan para ma-access ng mga tao ang mga interbensyon upang mapabuti ang kanilang kalusugan.”

Si Dr. Patel ay isa sa mga mananaliksik sa mga postdoc ng Stanford University na kasali sa pag-aaral. “Hindi lahat ay gusto o may oras para sa isang high-intensity weight-loss treatment,” sabi ni Patel. “Kaya mahalagang lumikha ng mga alternatibong estratehiya na maaaring tumanggap sa mga taong ito. Ang mga digital na diskarte sa kalusugan ay may potensyal na punan ang pangangailangang ito.”

Mga Resulta ng Mga Pag-aaral sa Mga Weight Loss Tracker

Ayon sa pag-aaral, ng mga mananaliksik mula sa San Francisco VA Health Care System at Duke University, ang mga taong sobra sa timbang na hindi sumunod sa isang partikular na diet ay nabawasan pa rin ng timbang. Ito ay sa pamamagitan lamang ng pagsubaybay sa pang-araw-araw na pagkonsumo ng pagkain gamit ang free smartphone weight loss apps.

Sa pag-aaral, gumamit ang mga mananaliksik ng isang app na nagbibigay-daan sa mga nutrisyunista na subaybayan ang pagkain at timbang. Sumunod, 105 kalahok sa pagitan ng edad na 21 at 65 ay hinatii sa tatlong grupo ng mga randomized na kinokontrol na mga pagsubok. Ang mga kalahok ay hindi inutusan na sundin ang isang partikular na diet, ngunit binigyan ng malawak na payo sa malusog na mga gawi sa pagkain at hiniling lamang na subaybayan kung ano ang kanilang kinakain.

Sinusubaybayan ng unang grupo ang pagkain na kanilang kinain sa loob ng tatlong buwan. Sinusubaybayan ng pangalawang grupo ang timbang sa loob ng isang buwan at pagkatapos ay nagsimulang magrekord ng food intake. Nakatanggap din sila ng email na may mga personal na komento. Kasama din ang lingguhang mga aralin sa nutrisyon at mga pagbabago sa pag-uugali. At isang action plan kung saan isinagawa ang lingguhang mga aralin.

Ginamit ng ikatlong grupo ang weight loss tracker tulad ng unang dalawang grupo upang itala ang kanilang timbang at pagkain sa loob ng tatlong buwan. Kasama rin sa pag-aaral ang pagbibigay ng lingguhang mga aralin, action plans at feedback sa mga kalahok. Kabilang dito ang mga tip sa mga paksa tulad ng kung paano bawasan ang pagkain ng matatamis.

Mga Teknolohiya sa Pagsubaybay sa Digital na Aktibidad

Bukod sa mga weight loss apps, ang mga digital activity trackers ay tila may mga benepisyo sa pagbabawas ng timbang. Ang mga activity trackers, na kadalasang isinusuot sa wrists at hips, ay idinisenyo upang mapadali ang paggalaw sa araw. Ang mga taong madalas na gumagamit ng mga device na ito ay ang mga pisikal na aktibo. Gayunpaman, ang mga taong ito ay hindi palaging nababawasan ng timbang kaysa sa iba.

Isang pangkat ng mga siyentipiko ang nagdisenyo ng isang pag-aaral para subukan kung ang activity trackers ay makakatulong sa mga tao na mabawasan ng timbang. Ang mga kalahok sa pag-aaral ay nakatanggap ng pagpapayo sa pamamahala ng timbang na diet at ehersisyo. Nakatanggap din sila ng pagpapayo sa telepono, mga text message, at access sa online na impormasyon sa pagbaba ng timbang. Sa loob lamang ng 6 na buwan, lahat sila ay nabawasan ng katulad na dami ng timbang.

Nakatanggap din ang ilang kalahok ng access sa mga portable na device at mga nauugnay na website para subaybayan ang kanilang pisikal na aktibidad at diet. Ginamit nila ang mga device na ito sa loob ng 24 na buwan. Ang mga gumagamit ng portable na teknolohiya ay nabawasan din ng 2-3% ng kanilang timbang sa panahon ng pag-aaral.

May isang posibleng paliwanag para sa pagkakaibang ito. Ang mga gumagamit ng weight loss trackers ay binigyan ng reward ang kanilang sarili para sa pagkamit ng mga layunin sa ehersisyo. Iyon ay, kung sinabi ng tracker na nagsunog sila ng 400 calories o nakakumpleto ng isang ehersisyo. Dito maaari nilang piliing kumain ng dessert. Ito ay maaaring humantong sa mas mabagal na pagbaba o pagtaas ng timbang.