Lalaking May Cancer Sa Dila At Ketong Disease, Isa Ng UP Degree Holder!

Matagumpay na nakapagtapos si Charles Aguinaldo sa University of the Philippines Los Banos (UPLB), matapos ang pakikipaglaban ng 36-year old student sa ketong disease at stage 4b tongue cancer.

Ang pagkakaroon ng degree ay isa sa mga matagal na pangako ni Charles sa kanyang ina. Kaya naman nagpatuloy siya ng pag-aaral kahit hindi nila napag-uusapan ng kanyang pamilya ang pagkakaroon niya ng diploma. 

“Yung mga panahong mahina ako, talagang nag lalakas-lakasan siya… kinakaya ni mama na kahit na alam kong may sakit din siya,” pahayag ni Charles.

Malaki ang pasasalamat ni Charles sa kanyang ina dahil sa mga sakripisyo at pag-aalaga na ibinigay sa kanya sa panahon ng recovery mula sa cancer treatment, at sa pagkakaroon niya ng mood swings dahil sa kanyang medications.

Bumalik si Charles sa kanyang academic journey noong June 2021, 19 years matapos siyang unang pumasok sa universidad. Nagpasa siya ng appeal para sa paghingi ng pagkakataon na ipagpatuloy ang kanyang pag-aaral at matapos ang natitira pa niyang 9 units. 

“I am deciding to finish my degree now, because I have already achieved my goal of being able to provide for my family… More importantly, I want to be able to spend the rest of my life without the regret of not being able to present a UP Diploma to my mother,” paglalahad ni Charles.

Naka-enroll si Charles sa BS Biology noong 2022, pero dahil sa discomfort at sakit na dulot ng ketong disease ay nahirapan siya sa pagpokus sa pag-aaral.

“I must admit na mahirap din talaga kahit nakakapasok ka, mahirap din na makapasa ka kasi uunahin isipin ng katawan mo yung pagpapagaling, yung mga masakit sayo, versus matandaan yung mga lessons,”  pahayag ni Charles.

Dagdag pa rito, kinakailangan ni Charles na magtrabaho bilang full-time call center agent para makatulong sa finances ng kanyang academics at health. Gayunpaman mas lalong lumala ang kanyang kondisyon noong magsimula na magbago ang kanyang kulay ng balat dahil sa karamdaman.

“Kaya rin siguro ako nag strive talaga na i-build yung career [ko] para kahit na makita nilang may diperensya yung katawan ko, or makita nilang ang pangit pangit ng itsura ko, they would not dare ask anong problema sayo, or they would not dare judge you kasi mas mataas ka sa kanila or mas may achievement ka sa kanila,” paglalahad ni Charles.

Ang kanyang pagpapagamot sa ketong disease ay dapat tatagal lamang ng 6 na buwan subalit ang kanyang kondisyon ay hindi bumuti kaya tumagal ng 5 taon ang gamutan bago ma-declare na magaling na siya mula sa sakit.

Ano Ang Ketong Disease?

Ang ketong ay pwedeng makapinsala sa’yong balat, ilong, muka, mata at nerves ng iyong katawan. Kilala rin ang ketong sa tawag na “leprosy” sa Ingles, at sa larangan naman ng medisina tinatawag itong “Hansen’s disease”. 

Isang mabagal na sakit ngunit progresibo ang ketong na bunga ng bakterya na tinatawag na Mycobacterium leprae. At kapag naapektuhan ka nito kadalasang nagsisimula ang mga sintomas sa’yong balat na maaaring magdulot ng discomfort sa iyo.

Maaari kang makaranas ng mga sumusunod:

• Pagkakaroon ng mga pantal o an-an na tila hindi gumagaling
• Pagkakaroon ng mga bukol-bukol na balat
• Pagiging mapula o kulay abo ng iyong balat
• Panghihina ng kalamnan
• Paglalagas ng iyong buhok
• Pagkawala ng kakayahan ng balat na magpawis
• Pamamanhid ng mga braso, binti, kamay, mukha, at paa

Pakikipaglaban Ni Aguinaldo Sa Cancer Sa Dila

Matapos gumaling ni Charles sa ketong noong 2009 ay nagpatuloy siya sa pagtatrabaho sa mga panahon na huminto siya ng pag-aaral. Kaya naman hindi niya inaasahan na sa 2018 ay may bago siyang sakit na kakaharapin — ito ang stage 4b tongue cancer.

Ayon sa interbyu kay Charles, noong nagka-cancer siya mas lalong naging mahirap dahil sa treatment papatayin mo muna ang iyong sarili bago ka magpatuloy mabuhay.

Mas naging mahirap para sa kanya ang paghahanap ng pera lalo na noong nagkaroon ng pandemic. Gayunpaman, nakatanggap pa rin siya ng tulong mula sa kanyang mga kaibigan at kamag-anak

“In times like this pala, may mga tutulong kahit hindi nila siguro feel na meron silang makukuha in return. “Maiisip mo din na dapat sa mga susunod na panahon, hindi mo man maalala kung sino dapat mong mapasalamatan… hindi mo man yun maalalaalala, ang maaalala mo, ikaw naman siguro yung pwedeng maging support ng ibang tao in the future,” pahayag ni Charles.

Sinikap at nanatiling positibo sa Charles sa kanyang pagpapagaling, kung saan ito rin ang naging payo ng kanyang former boss na cancer survivor.

“At this point in my life, na achieve ko yung mga gusto kong i-achieve, most especially makalabas sa UP kaya sobrang nakaka-proud. Pero hindi pa ako pwede mamatay. And as they say, cancer really changes everything—especially one’s appreciation of life. Now that I am in remission, I want to make sure that all the remaining time I have in this world is put to good use,” pagwawakas ni Charles.

Ano Ang Tongue Cancer?

Karaniwang uri ng oral cancer ang kanser sa dila na nakakaapekto sa iba’t ibang bahagi ng dila ng tao, partikular sa harap at likod nito. Ayon sa mga eksperto, kung ang kanser ay nasa harap ng bahagi ng iyong dila, tinatawag na oral cancer ang karamdaman. Kapag naman nasa base o kaya’y ibabang bahagi ng dila ang kanser, ito ay tinatawag na oropharyngeal cancer. Ang base ng dila ay malapit sa ating lalamunan na may pinakamalaking tyansa na makapagdebelop ng cancer.

Matuto pa tungkol sa Balitang Pangkalusugan dito.