backup og meta
Matuklasan
Mga Health Tool
Magtanong sa Doktor
I-save

Merienda For Diabetics, Anu-Ano Ang Mga Puwede Mong Subukan?

Narebyung medikal ni Dexter Macalintal, MD · Lifestyle Medicine, Registered Nutritionist Dietitian


Isinulat ni Lornalyn Austria · a

Merienda For Diabetics, Anu-Ano Ang Mga Puwede Mong Subukan?

Ang pagkain ng light mid-morning at afternoon snacks ay bahagi ng araw-araw na routine ng maraming tao. Gayunpaman, ang mga indibidwal na na-diagnose ng diabetes ay kailangang maging maingat sa pagkain na kanilang tine-take upang maiwasan ang anumang medikal na komplikasyon. Kaugnay nito, hindi na nakapagtataka kung marami ang naghahanap sa online ng merienda for diabetics, dahil malaki ang pwedeng itulong nito sa pagpapabuti ng blood sugar levels at diet ng isang tao.

Gumawa kami ng maikling listahan para sa mga merienda na pwedeng subukan ng mga taong diabetic. Gayunpaman, ang lahat ng mga mababasa sa artikulong ito ay hindi kapalit ng anumang medikal na payo, diagnosis, at treatment na nagmumula sa doktor at ospital.

Merienda For Diabetics: Nilagang Itlog o Hard-Boiled Egg

Ang nilagang itlog ay pwede mong isahog sa maraming putaheng pagkain gaya ng lugaw, at kilala rin ito bilang mabilisang pamatid ng gutom. Dagdag pa, pwedeng kainin ang nilagang itlog sa merienda, dahil mabilis itong lutuin at abot-kaya ang presyo nito. Ang pagkain ng 1 o 2 itlog ay mahusay na pampawi ng gutom na nararamdaman ng mga diabetic. 

Mahalaga kasi na hindi dapat makaramdam ng madalas na pagkagutom ang mga diabetic. Nagiging sanhi ito para mas gustuhin nilang kumain pa nang mas madami. At kapag nakaramdaman sila ng sobrang pagkagutom na humantong sa hindi na nila kayang makontrol ang kanilang pagkain, pwedeng maging dahilan ito ng pagkasira ng kanilang diyeta. At sa oras na masira ang kanilang diet maaari itong humantong sa mga sumusunod:

Merienda For Diabetics: Popcorn

Ang popcorn ay madalas na kinakain ng mga tao sa oras ng panonood ng sine at midnight snacks. Bukod dito, maganda rin ang popcorn bilang merienda para sa mga taong diabetic dahil may fiber ito na makakatulong para mapabuti ang kalusugan ng isang tao.

Merienda For Diabetics: Seaweed Snacks

Puwede rin na maging merienda ng diabetic ang seaweed dahil ito ay gluten-free, mababa sa sodium, at nagtataglay ng iodine na maganda para sa kalusugan ng mga taong may diabetes. Dagdag pa rito, nagtataglay rin ng vital trace mineral ang seaweed na maganda rin sa ating thyroid health.

merienda for diabetics

Merienda For Diabetics: Avocado

Maganda na isama sa’yong merienda ang avocado dahil isa ito sa pinakamagandang sources ng heart-healthy monounsaturated fats. Naglalaman din ito ng fiber at kilala bilang low-sugar option na mabuti para sa mga diabetic na tao. Madaling hanapin sa supermarket ang avocado kaya naman madali mo itong magagamit bilang isang merienda.

Mahalagang Paalala

Kapag ang isang tao ay may diabetes mahalaga na dapat isaisip ang quantity at quality ng carbs na iyong ikokonsumo, dahil ang sobrang pag-take ng carbohydrates ay maaaring magdulot ng pagtaas ng blood sugar. Kung saan pwede itong maging sanhi ng pagpapataas ng panganib sa mga komplikasyon sa diabetes gaya ng mga sumusunod:

Kung ikaw ay may diabetes hindi mo naman kailangan tuluyang itigil ang pagkonsumo ng carbohydrates, dahil pwede mo naman ito kontrolin sa pamamagitan ng mga sumusunod:

  • Pagkakaroon ng diet na kontrolado ang iyong carbohydrate intake
  • Pagkain ng mga prutas, gulay, fat-free o low-fat dairy, at whole grains

Para malaman ang wastong dami ng carbohydrates na dapat mong i-take, pwede kang magpakonsulta sa isang eksperto at doktor.

Key Takeaways

Kung ikaw ay may diabetes mas mainam na magpakonsulta ka sa doktor o eksperto para makakuha ng mga tip kung paano puwedeng ihanda o gawin ang iyong merienda. Mahalaga na malaman mo ang angkop na diet para sa’yo. Sa paraang ito, mas mapapamahalaan ang iyong kondisyon at makakaiwas sa mga komplikasyon.

Matuto pa tungkol sa Diabetes dito.

Disclaimer

Ang Hello Health Group ay hindi nagbibigay ng medikal na payo, diagnosis o paggamot.

Narebyung medikal ni

Dexter Macalintal, MD

Lifestyle Medicine, Registered Nutritionist Dietitian


Isinulat ni Lornalyn Austria · a

ad iconadvertisement

Nakatulong ba ang artikulong ito?

ad iconadvertisement
ad iconadvertisement