Ang isa pang bentahe ay ang real-time na resulta. Sa sandaling ipasok mo ang strip, kailangan mo lamang ng ilang sandali para malaman ang iyong sugar level. Kaya naman magandang device ang fingertip glucometer sa bahay, lalo na para sa mga may history of acute hypoglycemia. Sa pamamagitan ng pagsuri sa device na ito, maaari magsimula ng mga simpleng interbensyon sa bahay. At ito ay kapag nakumpirma mo na ang iyong blood sugar ay nasa mababang antas.
Para sa mga disadvantages, maraming mga tao ang hindi gusto ang paulit-ulit na pagtusok para malaman kung mataas ang sugar. Ang isa pa ay ang pagbebenta ng mga pekeng test strips. Ang kalidad ng mga test strip na ginamit ay maaaring makaapekto sa resulta ng pagbabasa. Kaya kailangan mong mag-ingat at bumili ng mga test strip mula sa isang trusted source.
Continuous Glucose Monitoring
Ang continuous glucose monitor (CGM) ay isa pang blood sugar checking device. Gayunpaman, hindi tulad ng mga non-invasive methods, kabilang dito ang paglalagay ng sensing device sa ilalim ng iyong balat. Mayroon itong data transmitter na konektado sa isang receiver. Ito ay maaaring isang hiwalay na aparato o bahagi ng isang insulin pump.
Ito ay pinakamainam para sa mga umaasa sa insulin pump. Karaniwang kailangang palitan ang sensor sa loob ng 1 hanggang 2 linggo.
Maaaring matukoy ng mga CGM ang glucose sa dugo anumang oras na kailangan mo ito. At kadalasan ay may malaking memory capabilities upang iimbak ang mga sukat na ginawa.
Ang ilan sa mga ito ay maaaring konektado sa mga online services na naa-access mo. At sa iyong doktor para ma-review din nila ang mga sukat. Ang iba ay mayroon ding mga alerto na lumalabas kapag ang trend ay nagpapakita ng predicted blood glucose na magiging napakataas o mababa.
Ang mga CGM ay mayroon ding bentahe ng mas kakaunting mga prick sa pangkalahatan kumpara sa araw-araw na pagtusok gamit ang fingertip glucometers. Gayunpaman, ang mga device na ito ay mas mahal at mas mahirap makuha. Kung mayroon kang mahusay na sugar control at hindi nag-i-insulin, ang extensive blood sugar measurements na ginagawa ng mga CGM ay malamang na hindi mo kailangan.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap