Narebyung medikal ni John Paul Abrina, MD · Oncology · Davao Doctors Hospital
Ang fallopian tube cancer, tinatawag minsang tubal cancer, ay isang bihirang uri ng cancer na nagsisimula sa fallopian tubes. Pinag-uugnay ng fallopian tubes ang ovaries papunta sa uterus. At sa ovulation, dadaan ang itlog ng babae sa mga tube na ito upang makarating sa uterus. Paano malaman kung may fallopian tube cancer?
Nagkakaroon ng fallopian tube cancer kapag hindi makontrol ang pagtubo ng mga cell sa ducts at naging tumor. Nababatak at nadidiinan ng tumor ang tube na dahilan upang makaramdam ng sakit ang isang tao habang lumalaki ang tumor na ito. Dagdag pa, pwedeng kumalat ang tumor sa mga tube papunta sa abdomen at pelvis.
Bihirang-bihirang sakit ang fallopian tube cancer. Mas karaniwan para sa mga cancer cell na makarating sa fallopian tube mula sa iba pang bahagi ng katawan tulad ng ovaries o suso kaysa sa cancer na nagsimula mismo sa mga tube.
Itinuturing na isang entity na may aggressive ovarian cancer at peritoneal cancer (isang uri ng cancer sa abdominopelvic cavity) ang fallopian tube cancer.
Paano malaman kung may fallopian tube cancer? Magbasa pa upang malaman.
Ang 0.39 na insidente sa kada 100,000 babae ay naiulat sa Estados Unidos (Gynecol Oncol. 2018 May; 149(2): 318-323. doi: 10.1016/j.ygyno.2018.01.030). Naitala ng UCSF (University of California San Francisco) na nasa 1,500 hanggang 2,000 kaso ang naiulat sa buong mundo. Lumalabas sa mga bilang na ito na sobrang bihira na mangyari ang fallopian tube cancer.
Sa pangkalahatan, mas karaniwan ang secondary fallopian tube cancer kumpara sa cancer na nagsimula sa fallopian tubes. Ginagamit ang terminong secondary fallopian tube cancer kapag ang mga cancer cell mula sa ibang bahagi ng katawan (tulad ng lining ng uterus, suso, o ovaries) ay kumalat sa fallopian tube at naging sanhi ng pagtubo rin dito.
Maaaring lumitaw ang fallopian tube cancer nang mabagal. Mas karaniwan ang dahan-dahang paglitaw ng mga sintomas. Ang karaniwang mga sintomas ng fallopian tube cancer ay:
Mahalagang tandaang ang pagkakaroon ng mga sintomas na ito ay hindi nangangahulugang may fallopian tube cancer ka na. Maaaring dulot ang mga ito ng iba pang problema. May mga sintomas ang fallopian tube cancer na kapareho ng iba pang mga sakit. Ito ang dahilan kung bakit mahirap ma-diagnose ang fallopian tube cancer. Paano malaman kung may fallopian tube cancer ka? Kumonsulta sa iyong doktor.
Kung may mapansin kang alinman sa mga sintomas na nabanggit sa itaas, tumawag sa iyong doktor. Kapag nakaranas ka ng mga sintomas tulad ng abnormal vaginal bleeding, tuloy-tuloy at/o matinding pagsakit ng pelvis at abdomen, at/o abnormal vaginal discharge, kumonsulta sa iyong doktor. Kung kasisimula mo pa lang sa menopause at napansin mong dinudugo ka o may pinkish discharge, agad na kontakin ang iyong doktor. Ang mga sintomas na kamakailan lang lumitaw o lumabas kasabay ng iba pang sintomas ay maaaring mangailangan ng karagdagang pagsusuri lalo na kung halos araw-araw ito kung mangyari at mas matindi kaysa sa karaniwan.
Dahil bihira itong klase ng sakit, hindi pa rin tiyak ang mga doktor kung ano ang direktang sanhi ng fallopian tube cancer. Mas karaniwan ang cancer na kumakalat mula sa ibang bahagi ng katawan papunta sa mga tube at maging sanhi ng fallopian tube cancer.
Maaaring mapataas ng inherited gene mutation ang panganib na magkaroon ng fallopian tube cancer ang mga babae.
Hinala ng mga doktor na ang mga risk factor o panganib na ito ay may kaugnayan sa fallopian tube cancer:
Mas karaniwan ang fallopian tube cancer sa mga babaeng nasa edad 60-66 na may kaunti o walang anak. Tumataas kasabay ng pagtanda ang insidente ng fallopian tube cancer, batay sa Nurses’ Health Study. Sa isa pang pag-aaral, napag-alaman ng mga mananaliksik na ang median age ng diagnosis nito ay 63. Mayroon lamang 1.3% ng mga babae na wala pang 20 taong gulang kumpara sa 55 hanggang 64 na age group, na bumubuo sa 24.7% ng kabuoang mga kaso.
Hindi pamalit sa kahit na anong medikal na payo ang mga impormasyong ibinigay dito. PALAGING kumonsulta sa iyong doktor para sa karagdagang impormasyon.
Paano malaman kung may fallopian tube cancer? Dahil isang bihirang sakit ang fallopian tube cancer, maaaring maghinala ang iyong doktor ng iba pang kondisyon. Pwedeng magsagawa ng mga tiyak na mga test na kayang sumagot sa tanong na, “paano malaman kung may fallopian tube cancer?”
Narito ang ilan:
Kasama dito ang pagsusuri sa uterus, vagina, ovaries, fallopian tubes, pantog, at rectum. Titingnan ng doktor ang anumang abnormalidad.
Isa itong blood test upang matukoy ang mga level ng tiyak na blood protein na tinatawag na CA125. Isang tumor marker ang CA125 para sa mga gynecological disease tulad ng fallopian tube cancer. Gayunpaman, mahalagang tandaan na ang tumaas na level ng CA125 ay hindi direktang nangangahulugan ng cancer. Naobserbahan din ng mga doktor ang tumaas na level sa mga buntis o may reglang mga babae.
Sa katunayan, tinatayang nasa 80% ng mga pasyente ang may mataas na CA125. Kapaki-pakinabang din ang test na ito sa pagmomonitor ng gamutan at maging sa pagbabantay sa muling paglitaw ng sakit.
Makatutulong ang abdominopelvic imaging upang masuri ang presensya ng fluid sa abdominal cavity, na pwedeng lumitaw sa ganitong uri ng cancer.
Pwede ring hilingin ng iyong doktor ang iba pang imaging studies tulad ng chest x-ray o CT scan upang i-check kung may cancer na kumalat o may metastasis.
Nakadepende sa mga sumusunod na salik ang gamutan sa fallopian tube cancer:
Matapos ang assessment sa mga salik na ito, saka pipili ang iyong doktor ng pinakaakmang treatment option. Narito ang ilan sa mga posibleng gamutan:
Depende sa lawak ng sakit, dagdag na gamutan ang chemotherapy upang lubusin ang survival. Sa ilang mga kaso, maaaring hindi akma ang surgery bilang unang hakbang ng gamutan dulot ng tindi ng sakit at maaaring magbigay muna ang iyong doktor ng chemotherapy.
Sa ilang mga kaso, pwedeng maging option ang radiotherapy bilang palliative management ng mga sintomas, kabilang ang pagdurugo, pain, at mga problema sa pag-ihi at pagdumi.
Pangunahing alalahanin ng taong may cancer ang pagpapahupa ng mga sintomas.
Narito ang ilan sa mga inirerekomendang pagbabago sa pamumuhay kung sumailalim ka sa chemotherapy:
Kung may tanong ka, kumonsulta sa iyong doktor upang lubos pang maunawaan ang pinakamainam na solusyon para sa iyo.
Matuto pa tungkol sa cancer, dito.
Disclaimer
Ang Hello Health Group ay hindi nagbibigay ng medikal na payo, diagnosis o paggamot.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap