backup og meta
Matuklasan
Mga Health Tool
Magtanong sa Doktor
I-save

Pag-Inom ng Slimming Pills, Ligtas Nga Bang Gawain?

Narebyung medikal ni Stephanie Nera, RPh, PharmD · Pharmacology


    Pag-Inom ng Slimming Pills, Ligtas Nga Bang Gawain?

    Sa mundo ngayon, ang layunin ay magkaroon ng anumang bagay sa isang iglap. Mula sa pagpapadala ng mensahe hanggang sa paghahatid ng pagkain, kung  mas mabilis ay palaging mas mahusay. Sa kasamaang palad, ang pagbibigay-diin sa bilis at kaginhawahan ay nagiging sanhi ng hindi pagiging aktibo ng  maraming tao. Ang obesity, sakit sa puso, at diabetes ay mas laganap ngayon kumpara sa isang dekadang nakalipas. Ang masama pa nito, patuloy na pinipilit ng social media at mga patalastas sa  mga tao na maging payat at fit. Kaya’t sumisikat ang pag-inom ng slimming pills. 

    Ano ang mga slimming pills?

    Ang slimming  pills at mga supplement ay karaniwang makukuha bilang mga kapsula. Kasama sa iba pang mga pantulong sa pagkain ang mga drink mix powders at  bottled liquids. Dapat itong inumin sa pamamagitan ng bibig, alinman habang wala o may pagkain. Dahil ito ay isang food supplement, ang pag-inom ng slimming pills ay hindi palaging inaaprubahan ng FDA.

    Mga sikat na sangkap sa mga hindi iniresetang slimming  pills:

  • Black pepper extract (piperine)
  • Cayenne pepper (capsaicin)
  • Caffeine
  • Green tea extract
  • Green coffee bean extract
  • Ginseng
  • Yohimbine
  • Maca root
  • Enzymes
  • Berry ketones
  • Zero-calorie sweeteners
  • Laxatives
  • Diuretics
  • Ligtas ba ang pag-inom ng slimming pills ?

    Sa pangkalahatan, ang mga food supplement ay ligtas kung ito ay gagamitin ng  katamtaman lamang.   Depende sa pormulasyon, makatutulong ang isang slimming pills na palakasin ang iyong metabolism at mas mabilis na mabawasan ng timbang. Gayunpaman, mahalagang tandaan na ang slimming pills  ay sinadya upang maging isang add-on sa isang malusog na diet at programa ng ehersisyo.

    Una, maraming slimming pills ang may proprietary formula. Ito ay mga pinaghalong sangkap na walang katumbas na halaga. Maaaring naka-highlight sa mga  label ang mga sangkap na nakasusunog ng taba tulad ng green tea extract, ngunit ito ay kakaunti lamang. 

    Pangalawa, ang bigat na nababawas  ay karaniwang water weight lamang.  Sa una, ang pagkawala ng ilang bigat  sa unang ilang linggo ay maaaring maging pangganyak. Gayunpaman, ito ay pansamantala lamang. Ang pagkawala ng fat  at muscle tone ay maaaring  magmula  lamang sa diet at ehersisyo. Bilang resulta, ang mga tao ay hindi nasisiyahan sa slimming pillls dahil ang mga ito ay hindi epektibo, at hindi ligtas.

    Bukod sa maraming slimming pills na walang pag-apruba ng FDA, may mga potensyal na mapanganib na sangkap na makikita sa ilang mga produkto ng diet at pampababa ng timbang. Kasama sa ilang kilalang halimbawa ang

    • Sibutramine at desmethylsibutramine
    • Ephedra at ephedrine (ma huang)
    • Phenolphthalein
    • Methylhexanamine o DMAA
    • Paynantheine at mitragynine

    Sa kasamaang palad, malamang sa higit  na hindi isinasama  sa  label ng gamot ang mga sangkap na ito. Samakatuwid, ginagawa nitong potensyal na mapanganib at ilegal ang mga hindi rehistradong produkto. Pinakamainam na magtiwala lamang sa mga produktong rehistrado sa FDA mula sa mga kilalang tatak.

    pag-inom ng slimming pills

    Paano ang  mga iniresetang slimming pills?

    Mayroong mga iniresetang tabletas sa pagbaba ng timbang. Kapag hindi sapat ang diet at ehersisyo, makatutulong ang pag-inom ng slimming pills. Ang mga gamot na ito sa pagbaba ng timbang ay hindi naglalaman ng parehong mga sangkap tulad ng karaniwang slimming pills.  Ang pangunahing paraan na gumagana ang mga gamot na ito ay sa pamamagitan ng pagharang at  pagsipsip ng fat  sa digestive tract.

    Samakatuwid, tanging isang lisensyadong doktor lamang ang makatutukoy kung ikaw ay angkop para sa mga resetang slimming pills. Tulad ng lahat ng gamot, mayroon pa ring mga potensyal na epekto ang mga ito.

    Key Takeaways

    Bilang konklusyon, ang pag-inom ng slimming pills ay ligtas lamang kapag ininom ayon sa direksyon. Huwag maniwala sa mga maling patalastas na nagsasabing maaari ka lamang magbawas ng timbang gamit ang isang partikular na produkto nang walang diet o ehersisyo. Bilang karagdagan, mahalagang uminom ng maraming tubig habang gumagamit ng mga supplement at mag-ehersisyo. Kung nais ang   pagbabawas ng timbang, makipag-usap sa isang doktor at lisensyadong dietician upang lumikha ng tamang plano para sa iyo.

    Isinalin sa Filipino ni Dr. Nina Christina Zamora

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Narebyung medikal ni

    Stephanie Nera, RPh, PharmD

    Pharmacology


    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement