Ano Ang Diabetic Dermopathy? Lahat Ng Dapat Malaman Sa Komplikasyong Ito

Ano ang diabetic dermopathy? Ang diabetic dermopathy, na tinatawag ding “pigmented pretibial patches” o “shin spots,” ay isang kondisyon ng balat na lumilitaw sa harap na bahagi ng alinman o parehong ibabang binti. Ito ay kadalasang may kulay na pula, kayumanggi, o rosas at may hugis na pabilog o hugis-itlog. Ang kondisyon ay hindi masakit, ngunit kung minsan ito ay nagiging sanhi ng pangangati o mahapding pakiramdam, sa ilang mga lugar.

Ano Ang Diabetic Dermopathy? Sino Ang Nasa Panganib?

Ano ang diabetic dermopathy at sino ang nasa panganib?

Ang diabetic dermopathy ay isang kondisyon ng balat na nauugnay sa diabetes at maaari itong lumitaw sa mga pasyente ng anumang edad, kasarian, at lahi. Ito ay karaniwan sa mga matatanda o sa mga may diabetes sa napakatagal na panahon. Sa ilang mga kaso, ang diabetic dermopathy ay isa sa mga unang palatandaan ng diabetes.

Ipinakita ng mga pag-aaral na ang kondisyon ng balat na ito ay maaaring lumitaw sa mga matatanda sa loob lamang ng maikling panahon pagkatapos ma-diagnose na may diabetes. Para sa mga bata o young adult na wala pang 20 taong gulang, tumagal ng humigit-kumulang sampung taon bago lumitaw.

Ang mga diabetic ay karaniwang nagkakaroon ng diabetic dermopathy dahil ang mataas na antas ng asukal sa dugo ay nagdudulot ng pagkawala ng mga likido sa kanilang katawan. Ang pagkawala ng likido na ito ay nakakaapekto sa balat, na nagiging sanhi ng pagiging magaspang at tuyo nito. Maaaring pumutok ang balat at maaaring lumitaw ang mga bukas na sugat. At sa kadahilanang ito, ang mga nagdurusa sa diabetic dermopathy ay madaling kapitan ng iba pang impeksyon sa balat.

Ang trauma sa shin area ay isa pang sanhi ng diabetic dermopathy. Ang pinsala ay maaaring makapinsala sa mga daluyan ng dugo at ugat na nagiging sanhi ng pagdami ng mga batik na ito.

Mga Palatandaan At Sintomas

Ang pinaka-malinaw na senyales ng diabetic dermopathy ay ang bilog o hugis-itlog, kupas na mga patch. Kinabibilangan ng sumusunod ang iba pang mga palatandaan at sintomas:

• Ang mga patch ay bahagyang pumusyaw sa paglipas ng panahon.
• May posibilidad na sumasakop sa isang malaking lugar ang mga spot. Higit sa apat na patches ang madalas na lumilitaw sa mga pasyente ng diabetes.
• Bukod sa shins, maaaring lumitaw ang diabetic dermopathy sa mga hita at paa.

Samantala, ito ang mga bihirang sintomas:

• Ang mga tagpi o batik ay nagiging makati o maaaring magsimulang maging mahapdi.
• Maaaring bumuka ang mga batik at magsimulang sumakit.
• Maaaring lumitaw ang mga spot sa bisig.

Mga Sanhi

Sa pangkalahatan, ang diabetic dermopathy ay sanhi ng pinsala sa mga daluyan ng dugo sa shin area. Kapag nasira ang mga daluyan ng dugo, nagbabago ang suplay ng dugo sa apektadong balat, na nagiging sanhi ng paglitaw ng mga batik. Gayunpaman, ang pangunahing dahilan kung bakit lumilitaw ang mga ito, lalo na sa shins, ay hindi alam.

Dahil ang kondisyon ay karaniwang nauugnay sa diabetes, naniniwala ang mga eksperto na mayroon din itong koneksyon sa iba pang mga kondisyon ng diabetes, tulad ng diabetic nephropathy, diabetic neuropathy, at diabetic retinopathy.

Sa ilang pag-aaral, napagmasdan ng mga mananaliksik ang paglitaw ng mga shin spot dahil sa trauma na kinasasangkutan ng pagkakalantad sa init, lamig, o pisikal na pinsala. Ang ilang mga patch ay maaaring dumugo sa ilalim ng balat habang ang mga nasirang selula ay naghihiwalay ng iron at hemoglobin. Ito ay lumilitaw na bilang kawalan ng kulay o pamumutla, kapag ang katawan ay hindi maaaring pagalingin ang pinsala sa mga daluyan ng dugo.

Paggamot

Walang tiyak na paggamot para sa diabetic dermopathy. Sa ilang mga kaso, ito ay gumagaling at bumubuti sa paglipas ng panahon. Gayunpaman, kung nabigo ang katawan na pagalingin ang pinsala, ang mga kupas na batik ay maaaring maging permanente. Dahil dito, kung mayroon kang diabetes, maaaring gusto mong iwasan ang mga aksidente na maaaring makapinsala sa iyong mga buto upang maiwasan ang pinsala sa mga daluyan ng dugo.

Ang pamamahala sa mga antas ng asukal sa dugo ay isang paraan upang maiwasan ang diabetic dermopathy. Ang mataas na antas ng asukal sa dugo ay sumisira sa mga daluyan ng dugo, at sa paglipas ng panahon, ito ay nagiging sanhi ng ilang mga komplikasyon sa kalusugan, kabilang ang mga problema sa balat. Sa ganitong mga kaso, ang pag-moisturize sa balat ay maaaring makatulong upang maiwasan ang mga bitak at pagkatuyo. Ang mga pasyenteng may diabetes ay kailangang patuloy na subaybayan ang kanilang mga antas ng asukal sa dugo. Makakatulong ito sa maayos na pamamahala ng kanilang kondisyon at upang manatiling malusog.

Kung naghahanap ka ng mga remedyo sa bahay o mga tip sa pag-iwas, ang isang malusog na diyeta at ehersisyo ay maaaring makatulong sa pag-iwas sa mga batik o patak na ito.

Gaya ng nakasanayan, tapat na inumin ang iyong mga gamot upang matiyak na maayos na pinangangasiwaan ang iyong diabetes. Ang pagkontrol sa mga antas ng asukal sa dugo at pag-iwas sa mga aksidente ay may mga benepisyo sa kalusugan na higit pa sa pag-iwas sa diabetic dermopathy. Ang parehong mga hakbang sa pag-iwas ay maaari ding maiwasan ang iba pang mga komplikasyon sa diabetes.

Key Takeaways

Ang diabetic dermopathy ay lumilitaw sa mga patch o spot na may mapusyaw na kulay. Sa ilang mga kaso, ang mga batik na ito ay maaaring gumaling sa ilang oras. Ngunit sa ibang mga pasyente, maaaring hindi. Ang paggamot para sa kondisyon ng balat na ito ay tungkol sa pag-aalaga sa iyong sarili. Importante ang pagkontrol sa mga antas ng asukal sa dugo hanggang sa pag-iwas sa pinsala. Kung napansin mo ang mga sintomas ng diabetic dermopathy sa iyong balat, kumunsulta sa doktor. Ang maagang treatment ay makakatulong upang maiwasan ang karagdagang mga panganib at komplikasyon.

Matuto pa tungkol sa Komplikasyon sa Diabetes dito.