Nawawala Ba Ang Stretch Marks? Alamin Dito

Isa sa mga mas nakababahalang bagay tungkol sa pagbubuntis ay ang pagkakaroon ng stretch marks sa tiyan ng ina. Pinakamadalas itong nakikita sa huling trimestre ng pagbubuntis. Ang reddish-brown markings na ito ay hindi kadalasang nangangailangang ma-diagnose. Dahil ang mga ito ay nag-iiwan ng marka sa katawan ng babae, marami ang nagtatanong kung nawawala ba ang stretch marks at kung paano. Alamin sa artikulong ito.

Mga Sanhi At Sintomas Ng Stretch Marks

Ang stretch marks ay karaniwan sa mga buntis kung sila ay malapit nang manganak. Hindi ito masakit at mapanganib. Tinatawag din itong striae. Ang mga ito ay indented na guhit na maaaring lumabas sa tiyan, suso, balakang, puwitan, o ibang mga bahagi ng katawan.

Hindi magkakatulad ang itsura ng stretch marks. Nangyayari ang pagkakaibaiba ng mga ito depende kung gaano na ito katagal sa katawan ng babae, sa sanhi nito, sa bahagi ng katawan kung saan ito makikita, at sa uri ng balat.

Sa simpleng usapin, ang stretch marks ay sanhi ng pagkabanat ng balat.

Ang mga salik tulad ng genetics at lebel ng stress sa balat ay tumutukoy sa maaaring kalubhaan ng stretch marks. Isa pang salik na maaaring makaapekto ay ang lebel ng cortisol na pinoprodyus ng katawan. Ang cortisol ay isang hormone na pinoprodyus ng adrenal glands at nakapagpapahina ng elastic fibers sa balat.

Nawawala Ba Ang Stretch Marks?

Ang stretch marks ay kadalasang lumalabas kasabay ng iba pang mga gasgas sa balat tulad ng peklat at keloids. Subalit nawawala ba ang stretch marks? Tulad ng natuklasan sa isang pag-aaral noong 2010, kinakailangang magsagawa ng controlled studies upang lubusang masuri ang mga kasalukuyang laser modalities at protocols ng gamutan. Ginagamit na ang lasers upang tanggalin ang mga peklat kaya’t maaari itong mangahulugangang maaari din itong gamitin upang tanggalin ang stretch marks.

Noong Pebrero 2020, isang pag-aaral ang gumamit ng silanols na may boron na sangkap at fractional-ablative laser upang tanggalin ang parehong stretch marks at wrinkles.

Ang pagiging epektibo ng pagtanggal ng wrinkles ay mas mainam kung isasagawa ang kombinasyong therapy sa anyo ng transdermal delivery ng methylsilanetriol at ng laser therapy. Ang pagtanggal sa stretch marks sa pamamagitan ng kombinasyong therapy ay kahalintulad ng dalawang laser treatment at mas epektibo kaysa sa isang laser therapy.

Isang Online Na Pag-Aaral Sa Pamamagitan Ng Amazon

Nilayon ng isa pang pag-aaral noong 2020 na alamin ang mga produktong gusto ng mga tao sa paggamot ng stretch marks batay sa product vehicle at sa mga sangkap ng produkto.

Sa pamamagitan ng internet retailer na Amazon, natuklasan ng pag-aaral na sa 10,000 mga produkto, 184 ang napili bilang pinakamabuti batay sa reviews at rating criteria. Ang oil ay ang pinakakaraniwang produkto habang ang bitamina E ay ang pinakakaraniwang sangkap.

Naging konklusyon ng pag-aaral na tunay na may mga produktong nagsasabing nakaiiwas at nakagagamot ng stretch marks. May mga tiyak na sangkap sa mga produktong ito na gusto ng mga tao sa paggamot ng kanilang stretch marks.

Gayunpaman, kinakailangang magsagawa ng marami pang mga pag-aaral upang matukoy ang pagiging epektibo ng remedies na ito.

Matuto pa tungkol sa Pagbubuntis dito.