Mga Sanhi At Risk Factors
Ang mga karamdaman sa digestive system ay maaaring sanhi ng maraming bagay, tulad ng mga sumusunod:
Diet
May malaking papel ang mga pagkain na kinakain natin sa kung gaano kalusog ang ating digestive system, maging ang ating katawan. Ang pagkain ng mga processed food, fatty food, pati na rin ang mga pagkaing mataas sa asukal at sodium ay maaaring magdulot ng mga digestive problems.
Ang pagkakaroon ng masyadong kaunting fiber sa diyeta ay maaari ring maging sanhi ng mga problema tulad ng paninigas ng dumi o maging ang appendicitis.
Posible rin para sa mga pagkain na maging mga trigger para sa iba pang mga kondisyon tulad ng Crohn’s disease o celiac disease. Mahalagang bantayan kung ano ang iyong kinakain, at bigyang pansin kung paano nakaaapekto ang iba’t ibang pagkain sa iyong katawan.
Lifestyle
Ang pamumuhay ng isang tao ay maaari ring makaapekto sa kanilang kalusugan sa digestive. Ang pagiging sedentary, pag-inom ng labis na alak, at paninigarilyo ay ilan lamang sa mga bagay na maaaring makaapekto sa digestive system. Samakatuwid, ang pagkakaroon ng isang malusog na pamumuhay ay direktang nauugnay sa isang mas malusog na digestive system.
Family History
Para sa ilang partikular na karamdaman, tulad ng inflammatory bowel disease, ang pagkakaroon ng family history ay maaaring magpataas ng panganib ng isang tao. Pinakamainam na malaman kung anong mga karamdaman ang karaniwan sa iyong pamilya. Gumawa ng mga hakbang upang mapababa ang iyong panganib para sa mga problemang iyon sa lalong madaling panahon.
Mental Health
Panghuli, ang kalusugan ng isip ng isang tao ay maaari ring makaapekto sa digestive system. Kung magiging partikular, ang irritable bowel syndrome ay maaaring ma-trigger ng depression, anxiety, at stress. Dahil dito, mahalagang hindi pabayaan ang iyong mental health at humingi ng medical intervention.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap