Para Saan Ang Ibuprofen? Heto Ang Dapat Mong Tandaan

Ang Ibuprofen ay isang generic na gamot na maraming brand name. Ito ay isang nonsteroidal anti-inflammatory drug (NSAID) na gumagana sa pamamagitan ng pagharang sa cyclooxygenase enzymes na nag-aambag sa pananakit at pamamaga. Basahin ang mga dapat tandaan kung para saan ang ibuprofen.

Mga pangunahing kaalaman

Para saan ang ibuprofen? 

Ginagamit ang ibuprofen upang mapawi ang pananakit mula sa iba’t ibang kondisyon tulad ng pananakit ng ulo, pananakit ng ngipin, menstrual cramps, pananakit ng kalamnan, o arthritis. Ginagamit din ito upang mabawasan ang lagnat at maibsan ang minor aches at pananakit dahil sa karaniwang sipon o trangkaso. Ang Ibuprofen ay isang nonsteroidal anti-inflammatory drug (NSAID).

Paano ko iinumin ang ibuprofen?

Basahin ang mga direksyon sa packaging para sa kumpletong impormasyon kung para saan ang ibuprofen. Suriin ang label at petsa ng expiration.

Uminom ng ibuprofen, tuwing 4 hanggang 6 na oras na may isang basong tubig ( 8 ounces/ 24o mililitro) maliban kung may payo ang doktor mo. Huwag humiga nang hindi bababa sa 10 minuto pagkatapos inumin ang gamot na ito. Kung mayroon kang discomfort sa tiyan habang umiinom ng gamot na ito, inumin ito kasama ng pagkain, gatas, o isang antacid.

Para sa bata, ang ibuprofen ay ang ibuprofen ay nakabatay sa kanyang timbang. Basahin ang mga direksyon sa pakete upang mahanap ang tamang dose para sa timbang ng iyong anak. Kumonsulta sa pharmacist o doktor kung may mga tanong o kung kailangan mo ng tulong sa pagpili ng produktong hindi inireseta.

Para sa ilang partikular na kondisyon (tulad ng arthritis), maaaring tumagal ng hanggang dalawang linggo ng regular na pag-inom ng gamot na ito hanggang makuha mo ang buong benepisyo.

Kung iniinom mo ang gamot na ito “kung kinakailangan” (hindi sa isang regular na iskedyul), tandaan na ang mga gamot sa pananakit ay pinakamahusay na gumagana kung ginagamit sa unang sign ng pananakit. Huwag maghintay hanggang lumala ang pananakit, dahil maaaring hindi gaanong epektibo ang gamot.

Ihinto ang paggamit ng ibuprofen kung ang mga sintomas ng lagnat ay hindi nawala pagkatapos ng 3 araw o kung lumalala ang pananakit pagkatapos ng 10 araw na paggamit.

Paano ang storage ng ibuprofen? 

Ang produktong ito ay pinakamahusay na nakatabi sa room temperature na malayo sa direktang liwanag at moisture.  Upang maiwasan ang pagkasira ng gamot huwag itago sa banyo o sa freezer.

Maaaring may iba’t ibang tatak ng gamot na ito na maaaring may iba’t ibang pangangailangan sa storage. Kaya, mahalagang palaging suriin ang pakete ng produkto para sa mga tagubilin sa pag-iimbak, o tanungin ang iyong pharmacist. For safety, dapat mong ilayo ang lahat ng gamot sa mga bata at alagang hayop.

Hindi mo dapat i-flush ang produktong ito sa banyo o itapon sa drain maliban kung inutusang gawin ito. Bukod pa rito, mahalagang itapon ng maayos ang produktong ito kapag nag-expire na o hindi na kailangan. Kumonsulta sa iyong pharmacist para sa mga detalye tungkol sa kung para saan ang ibuprofen o paano ligtas na itapon ang produkto.

Alamin ang mga pag-iingat at babala

Ano ang dapat kong malaman bago gamitin ang ibuprofen?

Bago gamitin ang gamot na ito, sabihin sa iyong doktor kung ikaw ay: 

• Buntis o nagpapasuso. 
• Umiinom ng anumang iba pang mga gamot. Kabilang dito ang anumang reseta, OTC, at mga herbal na remedyo. 
• Isang allergy sa alinman sa mga sangkap ng produktong ito.
• Anumang iba pang sakit, karamdaman, o kondisyong medikal, lalo na: 

• Sakit sa atay 
• Dengue fever
• Mga sakit sa pagdurugo 

Ligtas bang uminom ng ibuprofen sa panahon ng pagbubuntis o pagpapasuso?

Mangyaring palaging kumunsulta sa iyong doktor upang tingnan ang mga potensyal na benepisyo at panganib bago inumin ang gamot na ito. Ang gamot na ito ay pregnancy risk category C para sa unang 6 na buwan at D para sa huling 3 buwan ayon sa US Food and Drug Administration (FDA). Gumamit ng alternatibong gamot na mas ligtas gamitin sa panahon ng pagbubuntis. 

FDA pregnancy risk category:

A=Walang panganib,

B=Walang panganib sa ilang pag-aaral,

C=Maaaring may ilang panganib,

D=Positibong ebidensya ng panganib,

X=Kontraindikado 

Alamin ang mga side effect

Ano ang mga side effect ng ibuprofen? 

Tulad ng lahat ng gamot, ang produktong ito ay maaaring may mga side effect. 

Tulad ng lahat ng gamot, maaaring may mga side effect ang produktong ito. Kung nangyari ang mga ito, ang mga side effect ay karaniwang banayad at malulutas kapag natapos na ang paggamot o binabaan ang dose. Ang ilang naiulat na epekto ay:

• GI discomfort 
• Pagduduwal
• Pagsusuka
• Pagtatae
• Kabag o bloating
• Pagkahilo
• Sakit ng ulo
• Pangangati o pantal 
• Malabong paningin
• Tinnitus

Itigil ang pag-inom ng ibuprofen at humingi ng medikal na atensyon o tawagan kaagad ang iyong doktor kung mayroon kang alinman sa mga seryosong epektong ito:

• pananakit ng dibdib, panghihina, kinakapos sa paghinga, malabo na pagsasalita, mga problema sa paningin o balanse; 
• itim, may dugong dumi, pag-ubo ng dugo o suka na mukhang butil ng kape;
• pamamaga o mabilis na pagtaas ng timbang;
• mas mababa ang pag-ihi kaysa karaniwan o wala;
• pagduduwal, sakit sa itaas na tiyan, pangangati, pagkawala ng gana, maitim na ihi, clay-colored na dumi, jaundice (pagdidilaw ng balat o mata);
• lagnat, namamagang lalamunan, at sakit ng ulo na may matinding paltos, pagbabalat, at pulang pantal sa balat;
• bruising, matinding tingling, pamamanhid, sakit, kahinaan ng kalamnan;
• matinding pananakit ng ulo, paninigas ng leeg, panginginig, pagtaas ng sensitivity sa liwanag, at/o seizure (kombulsyon).

Gayunpaman, hindi lahat ay nakakaranas ng mga side effect na ito. Kaya, kung mayroon kang anumang mga alalahanin tungkol sa isang side effect, mangyaring kumonsulta sa iyong doktor o pharmacist.

Alamin ang mga interaction

Anong mga gamot ang maaaring may interaction sa ibuprofen?

Ang gamot na ito ay maaaring may epekto sa iba pang mga gamot na kasalukuyan mong iniinom, na maaaring magbago kung paano gumagana ang iyong gamot o dagdagan ang iyong risk para sa malubhang epekto.

Upang maiwasan ang anumang potensyal na interaction sa gamot, dapat kang gumawa ng listahan ng lahat ng gamot na iyong ginagamit (kabilang ang mga inireresetang gamot, hindi iniresetang gamot, at mga produktong herbal) at ibahagi ito sa iyong doktor at pharmacist.

Mga gamot na kilalang may mga interaction:

• Iba pang mga NSAID (hal. aspirin, naproxen)
• Mga gamot na antihypertensive
• Lithium
• Diuretics
• Methotrexate
• Corticosteroids
• Anticoagulants o blood thinners

Kung nakakaranas ka ng masamang epekto sa gamot, itigil ang pag-inom ng gamot na ito at ipagpatuloy ang pag-inom ng iba mo pang gamot. Ipaalam kaagad sa iyong doktor upang muling suriin ang iyong plano sa paggamot. Kasama ang pagsasaayos ng dose, pagpapalit ng gamot, o pagtatapos ng therapy.

May interaction ba ang pagkain o alkohol sa ibuprofen?

 Ang gamot na ito ay maaaring may interaction sa pagkain o alkohol sa pamamagitan ng pagbabago sa paraan ng paggana ng gamot o pagtaas ng risk para sa malubhang epekto. Mangyaring talakayin sa iyong doktor o pharmacist ang anumang potensyal na epekto sa pagkain o alkohol bago gamitin ang gamot na ito.

Anong mga kondisyon sa kalusugan ang maaaring may interaction sa ibuprofen?

Ang gamot na ito ay maaaring may interaction sa mga may underlying conditions.  Ito ay maaaring magpalala ng iyong kalagayan sa kalusugan o magbago sa paraan ng paggana ng gamot. Mahalagang palaging ipaalam sa iyong doktor at pharmacist ang lahat ng mga kondisyong pangkalusugan na mayroon ka, lalo na:

• Anemia 
• Hika 
• Mga problema sa pagdurugo
• Edema
• Atake sa puso 
• Sakit sa puso
• Mataas na presyon ng dugo 
• Sakit sa bato 
• Sakit sa atay (hal., hepatitis)
• Mga ulcer sa tiyan o bituka o pagdurugo
• Stroke
• Diabetes
• Pag-opera sa puso (hal., operasyon ng coronary artery bypass graft [CABG])

Unawain ang Dosage

Ang impormasyong ibinigay ay hindi kapalit ng anumang medikal na payo. Samakatuwid, dapat kang palaging kumunsulta sa iyong doktor o pharmacist bago gumamit ng anumang gamot.

Ano ang dose para sa adult?

Karaniwang Adult Dose para sa  Dysmenorrhea

200 to 400 mg orally every 4 to 6 hours kung kinakailangan.

Karaniwang Adult Dose para sa Osteoarthritis

Initial dose: 400 to 800 mg orally every 6 to 8 hours.

Karaniwang Adult Dose para sa Rheumatoid Arthritis

Initial dose: 400 to 800 mg orally every 6 to 8 hours.

Karaniwang Adult Dose para sa Headache

Study (n=34) – Prevention of Electroconvulsive therapy (ECT)-induced headache:

600 mg orally 90 minutes prior to the initial ECT session

Karaniwang Adult Dose para sa Pain

Oral: Mild to moderate pain:

200 to 400 mg orally every 4 to 6 hours kung kinakailangan. Ang mga dose na higit sa 400 mg ay hindi napatunayang nagbibigay ng higit na bisa.

IV: (Ang mga pasyente ay dapat na mahusay na hydrated bago IV ibuprofen administration): 

Pain: 400 to 800 mg intravenously over 30 minutes every 6 hours kung kinakailangan. .

Karaniwang Adult Dose para sa Fever

200 to 400 mg orally every 4 to 6 hours kung kinakailangan..

Intravenous: (Ang mga pasyente ay dapat na mahusay na hydrated bago intravenous ibuprofen administration)

Fever: Initial: 400 mg intravenously over 30 minutes

Maintenance: 400 mg every 4 to 6 hours or 100 to 200 mg every 4 hours kung kinakailangan.

Ano ang dose para sa bata?

Karaniwang Pediatric Dose para sa Lagnat

Higit sa 6 na buwan hanggang 12 taon:

5 mg/kg/dose for temperature less than 102.5 degrees F (39.2 degrees C) orally every 6 to 8 hours as needed.

10 mg/kg/dose para sa temperatura na mas mataas sa o katumbas ng 102.5 degrees F (39.2 degrees C) orally every 6 to 8 hours kung kinakailangan.

Karaniwang Pediatric Dose para sa Pananakit

Infants and Children: 4 to 10 mg/kg orally every 6 to 8 hours kung kinakailangan.

Ang inirerekomendang maximum na pang-araw-araw na dose ay 40 mg/kg.

Karaniwang Pediatric Dose para sa Rheumatoid Arthritis

6 months to 12 years:

Usual: 30 to 40 mg/kg/day in 3 to 4 hinati na dose; start at lower end of dosing range and titrate; ang mga pasyente na may banayad na sakit ay maaaring gamutin ng 20 mg/kg/day;

Karaniwang Pediatric Dose para sa Cystic Fibrosis

Oral: Chronic (higit sa 4 na taon) dalawang beses araw-araw na dosing na inaayos upang mapanatili ang serum na konsentrasyon na 50 hanggang 100 mcg/mL ay nauugnay sa pagbagal ng pag-unlad ng sakit sa mga pediatric na pasyente na may mild na sakit sa baga

Karaniwang Pediatric Dose para sa Patent Ductus Arteriosus

Ibuprofen lysine:

Gestational age 32 weeks or less, birth weight: 500 to 1500 g:

Initial dose: 10 mg/kg, followed by two doses of 5 mg/kg after 24 and 48 hours

Paano magagamit ang ibuprofen?

Ang ibuprofen ay makukuha sa mga sumusunod na anyo at lakas ng dose:

Drops, oral: 40 mg.mL

Suspension, Oral: 100 mg/5 mL, 200 mg/5mL

Tablet, oral: 200 mg

Softgel capsule, oral: 200 mg, 400 mg

Ano ang dapat kong gawin kung sakaling magkaroon ng emergency o overdose?

Kung sakaling magkaroon ng emergency o overdose, tawagan ang iyong lokal na mga serbisyong pang-emergency o pumunta sa pinakamalapit na emergency room. 

Ano ang dapat kong gawin kung makaligtaan ko ng isang dose? 

Kung nakalimutan mo ang isang dose, inumin ito sa lalong madaling panahon. Pero, kung malapit na ang oras para sa iyong susunod na dose, laktawan ang napalampas na dose at inumin ang iyong regular na dose ayon sa naka-iskedyul. Huwag mag double dose. Mahalagang malaman kung para saan ang ibuprofen.