Pagkain Na Pampatangkad: Heto Ang Mga Dapat Kainin

Naranasan mo bang tumalon sa bagong taon para sa paniniwalang tatangkad ka?  O kaya maghanap ng mga pagkain na pampatangkad? Marahil nasubukan mo na ang unang katanungan at duda ka sa pangalawang tanong. Hanggang ngayon, maraming magulang ang nag-iisip kung ano ang ipapakain sa mga bata para madagdagan ang kanilang taas. Ngunit ang tanong, mayroon nga bang mga pagkain na makakatulong sa pagpapatangkad ng isang indibidwal?

Pagdating sa taas ng bata, ang mga doktor at mga nutritionists ay isinasaalang-alang ang genetic factors — at hormone levels sa katawan bilang pinakamahalagang contributing factor. Bilang karagdagan sa mga ito, gumaganap ang nutrisyon ng isang mahalagang papel sa pagtulong sa mga bata na tumaas. 

Malamang nag-iisip ka rin kung mayroon bang pagkain na pwede mong ibigay sa’yong anak para sa kanyang paglaki.

Basahin at tuklasin natin ang sagot sa artikulong ito.

Mga Katangian ng Paglaki sa mga Bata

Karaniwang bumabagal ang paglaki ng mga bata pagkatapos ng unang 5 taon ng buhay — at tumataas sa ilang partikular na panahon. Hanggang sa maabot ng mga bata ang teenage years — mabilis na tumataas ang mga batang babae mula sa edad na 8 hanggang 13 taon. Habang ang mga lalaki ay tumataas nang mabilis sa pagitan ng 10 at 15 taong gulang.

Ayon sa mga eksperto, nakasalalay ang taas ng isang tao sa maraming mga kadahilanan. Kabilang ang nutrisyon, physical training, genetics at iba pang mga isyu — gaya ng sakit, at living environment. Dahil sa maraming kapakinabangan ng pagiging matangkad, maaaring gustuhin ng mga magulang na humanap ng paraan. Upang mapataas ang laki ng kanilang mga anak. Sapagkat, walang magagawa ang sinuman tungkol sa genetika. Ngunit, pwedeng pagsamahin ng mga magulang ang nutrisyon at ang makatwirang ehersisyo para dito.

Para matiyak na nakakamit ng kanilang mga anak ang tamang taas at timbang. Kailangang maunawaan ng mga magulang ang taas ng paglaki ng kanilang mga anak. At turuan sila ng healthy living habits sa bawat stages ng pag-unlad. Karaniwan, lumalaki ang bawat bata sa iba’t ibang bilis — at humihinto sa paglaki pagkatapos ng puberty. Ngunit mayroon bang pagkain na pampatangkad?

Nutrisyon Ng Bata: Pagkain Na Pampatangkad

Malaki ang impluwensya ng nutrisyon sa paglaki ng ng mga bata, kasama riyan ang kanilang mga taas o pagtangkad. Hindi rin maitatanggi na nakasalalay sa pag-aalaga ng mga magulang ang pag-unlad ng anak. Samakatuwid, kung gusto mong maging matangkad at malusog ang iyong anak, pwede mong subukan ang diyeta na may 10 uri ng pagkain na maaaring makatulong sa pagtangkad:

1. Gatas

Isa ang gatas sa pinakamabisang pagkain para tumangkad dahil mayaman ito sa calcium, na nagtataguyod ng paglaki, at tumutulong sa mga buto na maging malakas. Ang vitamin A sa gatas ay tumutulong din sa katawan ng bata na mas mahusay na ma-absorb ang calcium. Bilang karagdagan, ang gatas ay mayaman sa protina na tumutulong sa growth ng cells sa katawan. 

Para matiyak na nakukuha ng iyong anak ang tamang dami ng mga sustansyang ito. Dapat mong bigyan ang iyong anak ng 2-3 baso ng gatas bawat araw.

2. Sariwang Prutas at Gulay

Ang pagkain ng maraming sariwang prutas at gulay ay mahalaga din para sa pag-unlad ng bata. Sinasabi na ang prutas tulad ng papaya, carrots, broccoli, spinach ay mga pagkain na mayaman sa fiber, potassium, folate — at lalo na sa vitamin A. Kung saan, makakatulong ang mga ito sa pagdebelop ng mga buto at tissue para sa mga bata. Bilang karagdagan, ang vitamin C sa citrus fruits ay nakakatulong din sa pagtangkad ng mga bata. Kapag nagnanais ka na maghanap ng mga pagkain para tumangkad. Regular na idagdag ang mga prutas at gulay sa sa diyeta ng iyong anak.

3. Cereal

Isang ideal food ang cereals na may masaganang pinagmumulan ng enerhiya, fiber, bitamina, iron, magnesium at selenium. Bilang karagdagan, mayaman din ang cereals sa calories, na may mahalagang papel sa pag-unlad ng mga bata. Karaniwan, ang brown rice, pasta at whole wheat ay pagkain nakakatulong sa pagtangkad. Kung saan, dapat mong idagdag sa diyeta ng iyong anak.

4. Oatmeal

Anong pagkain ang dapat kainin ng iyong anak sa umaga para tumangkad? 

Maaaring makatulong ang oatmeal sa mga bata na magkaroon ng sapat na enerhiya para sa kanilang araw — at epektibong mapataas ang laki. Mataas ang mga oats sa protina at mababa sa taba. Hindi lamang iyon, ang protina sa oats ay mayroon ding kakayahan na pasiglahin ang pagtangkad — at pagtaas ng timbang sa mga bata.

5. Manok

Isang kaakit-akit at exciting na ulam ang manok. Dagdag pa rito, mainam ang karne para sa lumalaking mga bata dahil mayaman ito sa protina. Tinutulungan din ng manok ang mga bata na tumaas nang epektibo — at ginagawang mas malusog ang mga buto. Maaari kang magluto ng manok sa maraming iba’t ibang paraan. Tulad ng pinakuluang, singaw o pinirito, depende sa kagustuhan ng iyong anak.

6. Itlog

Naglalaman ang mga itlog ng protina na may mataas na biological value. Madali itong ma-absorb at naglalaman din ito ng maraming amino acid. Para suportahan ang muscle activity, enzymes, at nutrients na may malaking papel sa pagtangkad ng bata.

Ayon sa mga eksperto, naglalaman ng 10.8g ng protina ang 100g ng itlog. Ang isang karaniwang malaking itlog ay may 2.7g ng protina mula sa pula ng itlog — at 3.6g ng protina mula sa puti. Bilang karagdagan, ang pula ng itlog ay nagbibigay din ng fat, pati na rin ang mga bitamina at mineral na mahalaga para sa pagpapaunlad ng mga bata — gaya ng iron, vitamin A, zinc.

Samakatuwid, depende sa edad ng bata, dapat kang magdagdag ng mga itlog sa kanilang mga pagkain. Gawin ito sa pamamagitan ng pagpapakulo o pagluluto ng mga pagkain — tulad ng egg porridge. Maaaring isang magandang ideya na limitahan ang pagprito dahil masyado itong mamantika. Gayundin, tandaan na ang mga hilaw na itlog ay hindi dapat kainin. Sapagkat, pwede itong maging sanhi ng impeksyon.

7. Dairy

Isa sa kailangang-kailangan na pagkain upang tumangkad ay ang dairy foods, tulad ng keso, yogurt, at yogurt drinks. Dahil mayaman ang mga ito sa pinagmumulan ng bitamina A, B, D, E, protina at calcium para matulungan ang mga bata na tumangkad.

8. Soybeans

Pinakamayaman sa protina ang soybeans sa lahat ng mga pagkain para tumangkad. Kung saan, nagmula ito sa mga halaman. Malaki ang maitutulong nito sa development ng mga buto sa mga bata.

9. Beef

Isang napakagandang pagkain ng beef para tumangkad. Dahil may mataas na nilalaman ito ng protina. Gayunpaman, ang sobrang pagkain ay pwedeng humantong sa cholesterol-related problems.

10. Isda

Pinakamagandang pagkain rin ang isda para sa mga nagnanais tumangkad. Ang salmon at tuna ay dalawang uri ng isda na mayaman sa bitamina D at protina. Sinasabi na ang mga batang kumakain ng maraming tuna ay masisiyahan din sa mga benepisyo ng mga sustansyang ito.

Maaari kang magplano ng mga pagkain na ito para isama sa menu ng pamilya. Bilang karagdagan, dapat mong hikayatin ang iyong anak na gumugol ng oras sa labas. Para matulungan ang kanilang katawan na makagawa ng bitamina D — at ma-absorb ng mabuti ang calcium, upang maabot ng mga bata ang kanilang perpektong taas.

Matuto nang higit pa tungkol sa Development ng Bata dito.