Paano Kumain ng Masustansya? Heto ang mga Tips na Makakatulong

Ang kasabihan na hindi mo matuturuan ang matandang aso ng bagong tricks ay hindi naa-apply dito. Ang pagsasagawa ng maliliit na hakbang sa iyong diet ay nakapagdaragdag ng malaking pagbabago sa matagal na panahon. Sa katunayan, ang diet ng isang tao ay mas malaki ang impact sa kanyang kalusugan kaysa sa exercise. Kaya’t ang pagkain ng masusustansyang pagkain ang maaari mong gawin upang maging fit. Paano kumain ng masustansya? Alamin sa article na ito.

5 Tips kung paano kumain ng masustansya na pagkain

1. Mind over matter

Una sa lahat, iwasan ang pagkategorya ng pagkain bilang “mabuti” o “masama.” Ito ay maaaring bumuo ng mindset na ang pagkain ng ilang tiyak na pagkain, tulad ng patatas o tinapay, ay hindi maaari. Karagdagan, ang tiyak na “masustansyang” pagkain ay maaaring hindi ganun kasustansya tulad ng inaakala.

Sa pag-iwas ng black at white na pag-iisip, maaari mong ma-minimize ang pakiramdam ng guilt matapos kumain ng pagkain na nakasisiya.

Marami ang mga tao ay may emotional triggers na nakaaapekto sa kanilang pag-uugali, at ang guilt ay maaaring maging sanhi na kumain nang sobra o kumain nang kaunti. Karagdagan, maaari kang kumain nang sobrang masustansyang pagkain at hatakin pabalik ang iyong progreso.

Sa realidad, ang pagda-diet ay tungkol sa moderasyon. Siguraduhin na mayroong kumpletong nutrisyon sa pagbibilang ng macronutrients. Kausapin ang iyong doktor o registered dietitian para sa mas marami pang impormasyon tungkol sa tamang diet at ang iyong layunin sa pagiging fit.

2. See no evil

Pangalawa, mahalaga na alalahanin na ang mga tao ay tumutugon sa visual cues. Kadalasan ang media ay ipinapakita ang mga kalidad na ito sa pamamagitan ng print ads at commercials. Ilang segundo lamang, maaari kang mapag-isip sa buong araw ng epektibong patalastas tungkol sa produkto.

Gayundin, ang pagtingin at pag-iisip tungkol sa pagkain ang unang hakbang sa pagtunaw. Kung ang ating isip ay alam na paparating na ang pagkain, nagsisimula nang maghanda ang digestive system. Dahil dito, subukan na iwasan ang mga bagay na makapagpapaalala sa iyo ng tiyak na pagkain o makapagti-trigger ng craving. Kabilang dito ang pagdaan sa mga fast food restaurants at billboards.

Kaya’t upang mabawasan ang cravings at pag-iisip tungkol sa mga pagkain na nais iwasan, mainam na wala ito sa paningin at isipan. Subukan na manood o magbasa ng health at lifestyle blogs at videos na makikita online. Ang pagtingin sa iba na kumakain at nagluluto ng masustansyang pagkain ay maaari kang matulungan na mapanatili ang iyong motibasyon at magbigay ng inspirasyon kung paano kumain ng masustansya.

3. Size matters

Gaya ng nabanggit kanina, ang mga tao ay tumutugon sa visual cues. Madalas na dinadamihan natin ang pagpili at tinitimbang ang options base sa itsura bago magdesisyon. Kaugnay ng pagdi-diet, ang marami ay maaaring hindi mas mainam – kung ang pag-uusapan ay sa laki ng plato.

Sa panahon ngayon, may kilalang diet hack na gumamit ng mas maliliit na plates at bowls para sa mas mainam na portion control. Karagdagan, ang ilusyon ng pagkakaroon ng punong plato ay mas maiisip mong kumakain ka nang marami. Ang diet hack na ito ay base sa Delboeuf illusion, kung saan ang object ay mas maliit o malaki depende sa kung anong malapit.

Gayunpaman, ang paggamit ng sobrang liit na plato ay maaaring hindi mabuti. Ang pagkain ay mas appetizing kung marami ito, na ginagamit ng advertisement upang manghikayat ng customers. Karagdagan, ang larawan ng punong plato sa harapan ng package ay maaaring higit pa sa isang serving. Bilang resulta, maaaring hindi mo intensyon na kumain nang mas marami sa inaasahan.

Upang maiwasan ito, subukan na sukatin ang pagkain sa pamamagitan ng food scale, measuring cups, o kahit na ang kamay. Ito ay nakapagbibigay ng mas consistent na visual cues, na makatutulong kung bibilli ng pagkain o magluluto sa bahay.

4. Stock knowledge

Ito ay kadalasan na tinatawag na Achilles heels para sa marami sa atin: huwag bumili ng hindi mo kailangan. Sa unang mga araw at linggo ng bagong diet ay maaaring nakadidismaya dahil ang temptasyon ay naroon pa rin. Gayunpaman, kung hindi ka mag-iimbak ng pagkain na iniiwasan mo, hindi ka magkakaroon nito kung ikaw ay biglang magke-crave.

Sa kasamaang palad, ang mga food delivery services at convenience stores ay mas nagpapadali na pagbigyan ang cravings at maupo sa bahay. Upang labanan ito, subukan na mag-imbak sa iyong fridge at cabinets ng mga masusustansyang pagkain sa lahat ng pagkakataon. Kung napansin mo na marami ka nang pagkain, mas hindi ka mag o-order at pipili na lamang sa mga mayroon ka.

Huwag gutumin ang sarili. Laging mag-imbak ng stocks na nais mo.

5. Fake it ‘til you make it

Sa huli kung nahihirapan ka talagang iwasan ang fast food o ang iyong paboritong comfort food, subukan na gumawa ng “dupe” (duplicate). Sa internet, maaari kang makahanap ng iba’t ibang sangkap na ginawa upang mareplika o mas mapabuti ang mga paboritong pagkain sa restaurant. Ipalit ito sa mga hindi masustansyang sangkap at gumamit ng maraming spices upang bumuo ng mas masustansyang bersyon ng kahit na anong pagkain. Ngayon, ang mga guilty pleasures ay hindi na mag-iiwan ng guilty na pakiramdam.

Ilang mga halimbawa ay:

• Whole, baked cinnamon apples sa halip na slice of apple pie
• Vegan o vegetarian lasagna sa halip na tradisyunal na lasagna
• Taco salad sa halip na burrito
• Air-fried potato slices sa halip na fast food at french fries
• Keto pandesal o tinapay sa halip na tradisyonal na puting tinapay
• Imitation meat o bean burger sa halip na loaded fast food burger

Sa paglipas ng panahon, ang mga maliliit na pagbabagong ito ay mas magiging maayos na gawi. Makakatulong ito sa mga taong naghahanap kung paano kumain ng masustansya.

Gayundin, huwag matakot na mag-eksperimento sa kakainin. Ang pagsasagawa ng iyong sariling recipes ay rewarding at masaya.

Mahalagang Tandaan

Ang pagnanais na matutuhan kung paano kumain ng masustansya ay kailangan na dahan-dahan lamang at sa mahabang panahon. Tulad ng lahat ng kakayahan at karunungan, ang pagsasagawa ng mga bagay na paulit-ulit ay makatutulong upang tuluyang matuto.

Karagdagan, huwag mawalan ng motibasyon kung bumigay sa cravings paminsan-minsan, dahil ito ay parte ng proseso ng pagkatuto kung paano kumain ng masustansya. Bilang reminder, laging kausapin muna ang iyong doktor bago magdesisyon sa pagbabago ng iyong diet.

Matuto pa tungkol sa Masustansyang Pagkain dito.