Marami sa atin ang coffee lover at mahilig sa pag-inom ng kape bilang bahagi ng kanilang pampagana sa buhay. Maituturing ang kape bilang isa sa pinaka-popular na inumin sa buong mundo, at milyon-milyong mga tao ang nangangailangan ng kape upang gawing mas masigla ang kanilang araw. Bagamat maraming benepisyo sa kalusugan ang pag-inom ng kape, hindi pa rin maitatanggi na maraming tao ang hindi aware sa kung paano pwedeng makasama sa isang tao ang sobra-sobrang pag-inom ng coffee. Kaya naman para sa tanong na “Masama ba ang kape sa puso at kalusugan?” ang sagot dito ay “Oo.” Maaaring makasama ito sa kalusugan kapag naging sobra-sobra ang pagkonsumo ng kape ng isang tao at wala sa moderasyon ang pag-inom nito.
Napakahalagang maunawaan mo ang sagot sa tanong na “Masama ba ang kape sa puso?” upang maiwasan ang confusion tungkol sa pag-inom nito. Maganda kung magiging maalam ka tungkol sa mga masamang epekto ng kape sa ating kalusugan. Isa itong mahusay na hakbang para mapangalagaan ang ating sarili. Maganda rin na magkaroon tayo ng disiplina sa dami ng kape na dapat lamang natin inumin para maiwasan ang anumang problemang medikal. Sa oras rin na may alalahanin ka sa dami ng kape na iniinom mo sa isang araw, maaari kang magpakonsulta sa doktor para sa angkop na medikal na payo. Pwede mo ring bawasan ang dalas at dami ng pagkonsumo mo ng kape, lalo na kung nakikita mo sa iyong sarili na hindi na tama ang paraan ng iyong pag-inom.
Huwag mo ring kakalimutan na kapag uminom ka ng kape sa moderate na paraan, pwede mong makuha ang mga magagandang benepisyo nito sa kalusugan tulad ng pagpapababa ng risk ng sakit sa puso, diabetes, Alzheimer’s, at Parkinson’s disease.
