Ang pag-ihi ng bata sa kama ay karaniwang kondisyon dahil ang karamihan ay nasa gitna ng toilet/potty training. Gayunpaman, kahit na ang iyong anak ay mahusay na sa pagsasanay na magbanyo sa araw, maaaring mayroon pa ring problema tuwing pagtulog.
Narebyung medikal ni John Paul Abrina, MD · Oncology · Davao Doctors Hospital
Ang pag-ihi ng bata sa kama ay karaniwang kondisyon dahil ang karamihan ay nasa gitna ng toilet/potty training. Gayunpaman, kahit na ang iyong anak ay mahusay na sa pagsasanay na magbanyo sa araw, maaaring mayroon pa ring problema tuwing pagtulog.
Bedwetting, o nocturnal enuresis, ito ay isang unconscious na pag-ihi habang natutulog. Madalas na nakararanas ng bedwetting ang mga preschoolers na mas bata pa sa 6 na taong gulang.
Ang pag-ihi sa kama ay normal dahil ang mga maliliit na bata ay nag-aadjust pa lang sa pagbabago na dulot ng pagsasanay sa pagbanyo. Ang mga preschoolers ay nahihirapan pa sa paggising sa gitna ng gabi upang umihi, na nagreresulta sa pag-ihi sa kama. Sa kabutihang-palad, ang mga bata na edad 5 hanggang 7 ay kinalakihan na ang problemang ito.
Ang mga batang madalas na umiihi sa kama ay nakararamdam ng pagiging balisa at hiya. Kaya’t kailangan na maipaliwanag ng mga magulang at hayaan na maunawaan ng mga bata na ang pag-ihi sa kama ay parte ng kanilang paglaki.
Ang pag-ihi sa kama ay dulot ng maraming rason:
Ang ilang mga bata ay may overactive na pantog, na nagiging sanhi ng palagian at hindi sinasadyang pag-ihi sa araw maging sa gabi.
Kung ang iyong anak ay tulog, ang kanilang mga kidneys (bato) ay maaaring nagtatrabaho at nagpo-produce nang sobrang ihi, na nagpapapuno sa pantog. Sa oras na mapuno ang pantog, magsisi-signal ang utak na ilabas ang ihi kahit na ang bata ay natutulog.
Ang pinaka-karaniwang dahilan ng pag-ihi sa kama ng mga bata ay ang lalim ng tulog. Malaki ang posibilidad na ang iyong anak ay iihi sa kama kung siya ay may malalim na tulog. Ang hindi pag gising kahit na dapat na umihi ang nagiging dahilan ng pag-ihi sa kama.
Ang namuong stool sa rectum ay nagtutulak sa pantog at nawawala ang kakayahan niya na pigilan ang ihi, na nagiging dahilan ng pag-ihi sa kama.
Maaaring namana ng bata ang genes mula sa mga magulang na nagiging sanhi ng pag-ihi sa kama. Kung ang parehong mga magulang o isa lamang ay umiihi sa kama noon, mataas ang tsansa na ang kanilang anak ay mamana ang ugaling ito. Sa kabilang banda, kung ang dalawang magulang ay hindi umiihi sa kama noon, maliit ang tsansa na ang kanilang anak ay iihi rin sa kama.
Patuloy na pag-aaral ang isinasagawa upang mapatunayan at mabigyan ng siyentipikong ebidensya ang koneksyon sa pagitan ng genes sa pag-ihi sa kama.
Ang stress dulot ng pagbabago sa kapaligiran at iba pang nakasasakit na damdamin na pangyayari ay maaaring maging sanhi ng pag-ihi sa kama ng mga bata.
Ang vasopressin o antidiuretic hormone (ADH) ay responsable para sa pagbawas ng ihi na napro-produce ng bato upang mapabagal ang paglalagay sa pantog. Sa normal na aspekto, ang lebel ng ADH ay tumataas sa gabi, na nagpipigil sa pantog na mapuno nang mabilis habang natutulog.
Gayunpaman, mayroong mga kaso na ang ADH ay hindi tumataas tuwing gabi, na nagbibigay sa mga bato ng pagkakataon na mag-produce ng dami ng ihi na napro-produce sa araw. Ang pag-ihi sa kama ay nangyayari kung ang lebel ng ADH ay mababa.
Mayroong mga medikal na kondisyon na maaaring sanhi ng pag-ihi sa kama tulad ng diabetes, sleep apnea, urinary tract infection (UTI), neurological problems maging ang abnormalities sa mga bato o sa pantog.
Narito ang ilang tips paano i-manage ang pag-ihi sa kama ng mga bata:
Pag minsan, ang pag-ihi sa kama ng mga bata ay senyales ng mas seryosong medikal na kondisyon. Huwag balewalain ito, lalo na kung ito ay nagsimula nang biglaan o bumalik matapos ang ilang mga buwan. Ang mga kondisyon tulad ng urinary tract infection, diabetes, o problema sa mga bato o pantog ay maaaring dahilan bakit naiihi sa kama ang iyong anak.
Tawagan ang iyong doktor kung:
Laging kumonsulta sa iyong doktor tungkol sa lunas at gamot na makatutulong sa iyong anak sa pag-ihi sa kama. Makipag-ugnayan sa iyong medical provider tungkol sa sitwasyong ito. Makatutulong ito na iwasan ang ibang problemang medikal.
Maaaring nakaka-stress sa mga magulang ang pag-ihi ng mga bata sa kama. Gayunpaman, kailangan nating maunawaan na ang mga bata ay dumaraan lamang sa yugto ng kanilang pagkabata.
Maging mas mapagpasensya, maalaga, supportive, at mapagmahal sa mga bata sa mga panahong ito. Makatutulong ito sa kanila na malagpasan ang pag-ihi sa kama.
Matuto pa tungkol sa Pagiging Magulang dito.
Disclaimer
Ang Hello Health Group ay hindi nagbibigay ng medikal na payo, diagnosis o paggamot.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap