backup og meta
Matuklasan
Mga Health Tool
Magtanong sa Doktor
I-save

Hugis ng Pepe: Ano ba ang Talagang Itsura ng Vagina?

Narebyung medikal ni Jezreel Esguerra, MD · General Practitioner


Isinulat ni Jerra Mae Dacara · a

    Hugis ng Pepe: Ano ba ang Talagang Itsura ng Vagina?

    Madalas na pinag-iisipang mabuti ng mga babae ang maraming bagay tulad ng kung paano siya manamit, kung masarap ba siya magluto, kung gaano siya ka-fit, at marami pang iba. Kahit na ang intimate area ng babae ay hindi ligtas sa mga komento at kritisismo. Maraming babae sa kasalukuyan ay nag-aalalang magkaroon ng “lopsided na pepe.” Ngunit, may ganun ba talagang bagay? Pag-usapan natin ang tungkol sa itsura ng hugis ng pepe.

    Maaari Bang Magkaroon Ng Lopsided Na Vagina Ang Mga Babae?

    Walang parte sa ating katawan na perpektong symmetrical. Ito ay totoo para sa ating mga mata, suso, at kahit na ang ari. Sa kasalukuyan, madali na lamang na makakita ng mga hubad na larawan at maraming mga tao ang komportable na pag-usapan ang tungkol sa kanilang private areas. Dahil dito, ang mga lalaki at babae ay mas nakararamdam ng pressure o insecurity tungkol sa kanilang katawan. Gaano kalaki? Anong kulay? Bakit ito naiiba?

    Bagaman ang pagiging malay tungkol sa katawan ay magandang bagay, isa sa mga hindi magandang bagay ay ang pagkukumpara. Kung ang pag-uusapan ay ang kahit na anong parte ng katawan, lahat tayo ay unique. Kahit na ang identical na kambal ay may magkaibang features sa ibang parte ng kanilang katawan.

    Mula roon, ang pepe ng babae ay iba-iba rin ng hugis, kulay, at laki. Ang pagkakaroon ng “lopsided vagina” ay subhetibo. Alalahanin natin ang ibig sabihin ng kakaiba ay normal pa rin.

    Ano Ang Normal?

    Kung ginamit ang terminong lopsided vagina, karamihan na tinutukoy ay vulva. Ang vulva ay kolektibong termino para sa labas na bahagi ng parte ng pepe. Sa ibang banda, ang pepe ay ang opening at canal na nakakonekta sa uterus sa loob ng katawan ng babae.

    Bakit Mayroon Akong “Matambok” Na Pepe?

    Kabilang sa vulva ang mons pubis (o “mound”), labia majora at minora (ang labas na parte at loob ng “labi”), clitoris, at ilang mga estraktura. 

    Ang mons pubis ay parte sa pepe na makikita mula sa harapan. Ito ay ang fatty pad na nagtatakip at pumoprotekta sa pelvic bone. Ito ay tipikal na tinatakpan ng buhok, bagaman ang ilang mga babae ay gusto na gupitin ito, ahitin, o i-wax.

    Ang dami ng fatty tissue at balat ay nakaaapekto sa hugis ng pepe. Ang ilan ay ikinokonsidera itong “matambok” habang ang iba ay mas kaunti ang fat, na mas nakikita ang slit.

    hugis ng pepe

    Bakit Maitim Ang Aking Labia?

    Ang labia o labi ng pepe ay isa pang bahagi ng mga babae na madalas ay inaalala. Gaya ng nabanggit kanina, ang “lopsided na pepe” ay tipikal na tumutukoy sa labia. Tulad ng mons pubis, ang labas na labia ay may buhok at fatty tissue. Pinamamahayan din ito ng pawis at oil glands sa balat. Sa maraming mga kaso, ang kulay ng balat ng labia ay iba mula sa ibang parte ng katawan. Ang pangingitim nito ay normal sa mga tao o sa kahit na anong lahi o skin tone.

    Sa kabilang banda, ang loob na labia ay walang buhok at mas maliit. Ang kulay ay nasa pink hanggang pula papuntang brownish na shade, lahat ng ito ay normal at maaaring magbago depende sa arousal dahil sa pagtaas ng daloy ng dugo. May mas makakapal na labia majora ang ilang mga babae na ganap na natatakpan ang labia minora, habang ang iba ay may manipis na labas na bahagi ng labia o wider inner labia na maaaring maging dahilan bakit mas exposed. Muli, ang lahat ng ito ay normal na baryasyon at maaaring magbago habang ang tao ay tumatanda.

    Kailan Ako Mababahala?

    Ang ilang mga tao ay nahihiya o nape-pressure na baguhin ang kanilang katawan, maging ang pagsasagawa ng reconstructive surgery. Bagaman ang mga ito ay option, ang pag-unawa na walang “perpekto” o “normal” na pepe o vulva ay mas nakapagpapalakas ng loob.

    Infection o Injury?

    Ito ay kinokonsiderang problema kung ang infection, injury, o deformation ng iyong pepe ay nakasasagabal sa iyong normal na functions.

    Dry o Wet?

    Ang normal na pepe ay nagpapakita ng kanyang reproductive at normal na kalusugan. Normal lamang ang pagkakaroon ng dry o wet sa cycle ng pagreregla at maaaring indikasyon na ikaw ay fertile o hindi.

    Hindi Karaniwang Discharge

    Normal lamang ang discharge sa buong araw. Gayunpaman, ang consistency, kulay, at amoy ay maaaring may kahulugan. Ang infection ay hindi normal kahit kailan at kailangan na magpagamot sa doktor.

    Tingnan kung may spotting o pagdurugo kung hindi mo inaasahan ang iyong regla, green o yellow na discharge, at sakit mula rito. Ang mga ito ay maaaring senyales ng karamdaman.

    Key Takeaways

    Bilang buod, walang mali sa pagiging iba-iba lalo na kung ang pag-uusapan ay pribadong parte ng katawan. Ang pagkakaroon ng lopsided vagina ay hindi tiyak na termino na walang medical bearing. Iwasan ang exposure sa midya na nagsasabi na may “ideal” na tipo ng katawan o ang iyong katawan ay dapat na magmukhang ng kung sino.
    Ang mahalaga ay pagpapanatili ng iyong kalusugan at pagsasagawa ng good hygiene.
    Kausapin ang iyong doktor o gynecologist kung ikaw ay may mga tanong tungkol sa iyong intimate area o ibang mga inaalala sa kalusugan.

    Matuto pa tungkol sa Kalusugan ng Babae rito.

    Disclaimer

    Ang Hello Health Group ay hindi nagbibigay ng medikal na payo, diagnosis o paggamot.

    Narebyung medikal ni

    Jezreel Esguerra, MD

    General Practitioner


    Isinulat ni Jerra Mae Dacara · a

    advertisement iconadvertisement

    Nakatulong ba ang artikulong ito?

    advertisement iconadvertisement
    advertisement iconadvertisement