Benepisyo ng Rosehip Oil sa Balat, Anu-ano nga ba?

Alam mo ba na ang paborito mong essential oil ay hindi lang mabuting aromatherapy ngunit ito rin ay mainam sa iyong balat? Ang artikulong ito ay ibabahagi ang tungkol sa benepisyo ng rosehip oil. At paano mo ito maidaragdag sa iyong skincare routine.

Ano ang Rosehip?

Bago pa nalaman ng mundo ang tungkol sa benepisyo ng rosehip sa balat, ito ay unang nakilala na halamang gamot na may tradisyonal na pharmacological applications.

Ang rosehip oils ay ine-extract mula sa mga prutas na mula sa Rosaceae family, na mayaman sa nutrisyon tulad ng bitamina C. Karagdagan dito, mayroon din itong ilang mga powerful properties na makikita mula sa halaman, tulad ng antioxidants, anti-inflammatory, at antimicrobial properties. Kaya’t ang mga ito ay mainam na sangkap bilang herbal teas, vitamin supplements, at ibang mga produkto ng pagkain.

Maliban sa mga nutrisyonal na benepisyo, ito rin ay lunas sa rheumatoid arthritis at osteoarthritis. Ang ibang mga natural na kemikal na mayroon sa rosehip ay may benepisyo rin sa ibang mga kondisyon sa kalusugan.

Ang rosehip oil ay isang complex blend ng alcohols, aldehydes, ketones, terpenoids, at esters.

Ano ang Ilang mga Benepisyo ng Rosehip Oil sa Balat?

Naglalaman ang rosehip oil ng high essential fatty acids (EFAs), isang karaniwang sangkap ng herbal cosmetics at skincare na produkto. Narito ang ilang mga benepisyo ng rosehip oil na may basehan ng pananaliksik na maaari mong ikonsidera.

1. Nakatutulong na Mag-moisturize ng Balat

Mawawalan ng saysay ang paggamit ng mga skincare na produkto kung hindi mo imo-moisturize ang iyong balat. Sa kabutihang palad, isa sa pinaka kilalang benepisyo ng rosehip oil ay ang abilidad nito na magdagdag ng layer ng proteksyon sa pamamagitan ng moisturization.

Ang rosehip oil ay isang sangkap na may antioxidant at anti-inflammatory properties na nagtatrabaho upang maiayos ang barrier ng balat.

Maaari kang gumamit ng pang-araw-araw na moisturizer sa pamamagitan ng paglalagay ng ilang patak nito sa iyong balat. Ang pagmamasahe nito nang mabuti matapos ang paglalagay ay nagpapa-absorb nito sa balat.

2. Ito ay Naglalaman ng Bitamina na Nagpapakintab ng Balat

Ang rosehip oil ay mayaman sa bitamina A, C, at E na may antioxidant na properties na nagtatrabaho upang maging makintab ang iyong balat. Ito ay sa kadahilanan na ang bitamina A (retinol) ay nagsusulong ng skin cell turnover. At ang bitamina C ay nagsusulong ng regeneration ng balat. Ang vitamin E naman ay mayroong antioxidant at anti-inflammatory properties na nakatutulong mabawasan ang pamamaga at pamumula ng balat lalo na dahil sa UV damage. Kaya’t ito ay nagpapabuti ng pangkalahatang itsura ng balat at nag-iiwan ng maliwanag na itsura.

3. Maaari Itong Gumamot sa Fine Lines, Hyperpigmentation, at Peklat

Makatutulong ang presensya ng bitamina A sa pagtanggal ng nakikitang fine lines at wrinkles, hyperpigmentation, at maging ang ilang peklat ng tigyawat.

Sa isang pananaliksik na isinagawa noong 2015, ang paggamit ng rosehip oil ay nagpapakita ng pagpapabuti ng discoloration ng balat mula sa peklat. Ayon sa American Academy of Dermatology, ang moisture ay maaaring magsulong ng paggaling ng sugat na maaaring magtanggal ng peklat.

4. Nagsusulong Ito ng Produksyon ng Collagen

Maraming mga skincare na produkto na naglalaman ng collagen dahil ang protina na ito ay nagreresulta sa pagiging firm ng balat at nagpapabuti ng elasticity, na nakatutulong na magtanggal ng ilang senyales ng skin-aging.

Ang maraming bitamina A at C sa rosehip oil ay nakatutulong sa produksyon ng collagen. Isiniwalat ng isang pag-aaral na ang mga kalahok na ininom ang rosehip powder ay naobserbahan ang pagpapabuti ng elasticity sa balat. Karagdagan, nagkaroon din ng indikasyon sa produksyon ng MMP-1, isang enzyme na hinahayaan ang breakdown ng collagen.

Matuto pa tungkol sa Pangangalaga sa Balat at Paglilinis dito.