Mga Benepisyo Ng Argan Oil Para Sa Balat

Kakaiba para sa ilang mga tao ang pagpapahid ng oil sa mukha, lalo sa mga taong may oily na uri ng balat. Ngunit, alam mo bang maraming dahilan kung bakit dapat mong subukan ang pagpapahid ng oil sa iyong mukha? Alamin sa artikulong ito ang mga benepisyo ng pagpapahid ng argan oil para sa balat at kung paano ito gamitin nang husto.

Ano Ang Argan Oil?

Ang argan oil ay nagmula sa mga buto ng puno ng argan na tumutubo sa Morocco (Argania spinosa (L.) Skeels). Karaniwang ginagamit ito sa puro nitong anyo na alinman sa mga sumusunod:

• Direktang paglalagay ng argan oil sa balat (topical na paraan)
• Paggamit nito bilang oil sa paghahanda ng pagkain

May mga benepisyo sa mga tao ang paggamit ng argan oil dahil ito ay naglalaman ng fatty acids, carotenes, at marami pang mga phenolic na sangkap.

Ang linoleic acid, o omega 6, ay nagtataglay ng 29-36% ng fatty acid, kung saan 43-49% nito ay oleic acid. Ang komposisyon nito sa olive oil ay nakapagpapababa sa lebel ng blood pressure.

Mayaman din ang argan oil sa bitamina E, isang kilalang antioxidant vitamin na mahalaga para sa malusog na balat, buhok, at mata.

Itinuturing ito ng ilan bilang pinakamahal na uri ng oil.

Anu-Ano Ang Ilan Sa Mga Benepisyo Ng Argan Oil?

Isa ang argan oil sa mga karaniwang sangkap ng mga produkto para sa pangangalaga ng balat. Ito ay dahil sa mga sangkap nitong sama-samang kumikilos upang makabuo ng mabisang kombinasyon na nakatutulong upang mapabuti ang kalusugan ng balat.

Mayroon Itong Mga Sangkap Na Antioxidant At Anti-Inflammatory

Ang phenolic compounds na matatagpuan sa argan oil na ay ang bumubuo sa mga sangkap nitong antioxidant at anti-inflammatory.

Naglalaman din ito ng bitamina E o tocopherol. Ito ay isang fat-soluble na bitamina na mabisang antioxidant na lumalaban sa mga masamang epekto ng free radicals. Ang iba pang compounds nito na nakatutulong sa mayamang mapagkukunan ng sangkap na antioxidant ay ang mga sumusunod:

• CoQ10
• Melatonin
• Plant sterols

Iminungkahi rin ng maraming mga pag-aaral na ang topical na paggamit ng argan oil sa balat ay nakatutulong upang maibasan ang pamamaga mula sa mga impeksyon o iba pang mga kondisyon sa balat 

Isa sa mga pinakakaraniwang benepisyo ng argan oil ang kakayahan nitong mapagaling ang tigyawat.

Nakatutulong Ito Sa Pagpapanatili Ng Moisture Sa Balat

Karaniwang sangkap ang argan oil sa lotion, creams, at maging sa mga conditioner sa buhok. Ang kakayahan ng oil na ito na panatilihin ang moisture ay dahil sa taglay nitong bitamina E, na nagpapanatili sa tubig ng balat.

Hindi tulad ng popular na paniniwala, nakatutulong ang argan oil sa pagkontrol ng produksyon ng sebum. Kung kaya, napananatili nitong hydrated ng balat at napipigilan ang labis na produksyon ng sebum. Isa ito sa mga benepisyo ng argan oil na maaaring isaalang-alang ng mga taong may oily na uri ng balat. Maaari din itong magkaroon ng benepisyo sa mga postmenopausal na kababaihan ang moisturizing na epekto ng argan oil.

Nakakatulong Itong Mabawasan Ang Mga Senyales Ng Pagtanda

Nakilala ang argan oil sa industriya ng pangangalaga sa balat dahil sa anti-aging na epekto nito.

Natuklasan sa pag-aaral na ang paggamit ng argan oil supplements ay nakapagpapababa ng pamamaga at oxidative stress. Kung kaya napababagal nito ang proseso ng pagtanda. Bukod pa rito, ang topical na pagpapahid nito ay nakatutulong sa pagsasaayos ng malusog na balat, na nakapagpapabawas din ng mga nakikitang senyales ng pagtanda.

Dagdag pa, natuklasan din ng mga mananaliksik na ang kombinasyon ng iniinom at cosmetic na argan oil ay nagreresulta sa lubhang pagtaas ng elastisidad ng balat.

Matuto pa tungkol sa Pangangalaga at Paglilinis ng Balat dito.