Ang mga karaniwang lokasyon ng mga cyst ay sa balat na nasa anit, likod ng leeg, o itaas na likod. Ang mga cyst sa balat ay karaniwang mukhang makinis at kakulay ng laman o maputi-dilaw.
Pulso
Ang isang cyst o bukol sa pulso ay maaaring biglang lumaki at maaari pang maging sanhi ng paghina ng paghawak (grip) ng pasyente.
Tuhod
Kapag tinupi mo ang iyong tuhod ay nararamdaman ang isang cyst na parang pinakuluang itlog, Tinatawag ng mga doktor ito bilang Baker’s cyst. Dahil sa mga cyst sa tuhod, ang iyong mga kasukasuan ay maaaring makaramdam ng pamamaga o pagiging masikip.
Suso
Bagama’t hindi ka makakita ng cyst sa iyong suso, maaari mong maramdaman o masuri ito kapag nagsasagawa ka ng breast self-exam. Ang isang cyst o bukol sa dibdib ay kadalasang nararamdaman na malambot at maaaring magbago sa laki at may sensitibidad ito, depende sa yugto ng menstrual cycle. TANDAAN Kung nakakaramdam ka ng bukol sa iyong suso, kumonsulta kaagad sa iyong doktor para sa pagsusuri.
Obaryo
Hindi mo mararamdaman ang isang cyst o bukol sa obaryo, ngunit malamang na magkakaroon ka ng mga sintomas tulad ng hindi regular na regla at mild na spotting. Higit pa rito, kung pumutok ang cyst, maaari kang makaramdam ng biglaan, matinding pananakit sa ibabang bahagi ng tiyan. Kung naranasan mo ito, humingi kaagad ng tulong medikal.
Kailan Magpatingin sa Doktor
Ayon sa mga ulat, maraming uri ng mga cyst na tumutubo sa pulso at obaryo ang kusang nawawala. Ang iba, sa kabilang banda, ay kailangang ma-drain o gamutin, lalo na kung sila ay nagdudulot ng mga sintomas.
Ang pangkalahatang tuntunin ay kung nakakaramdam ka ng kakaibang pamamaga o bukol sa iyong katawan, dapat kang kumonsulta sa doktor at ipasuri ang mga ito. Sa pagsusuri at nakita ng mga doktor na solid ang cyst, maaaring kailanganin mo ng karagdagang pagsusuri dahil maaaring tumor ito, hindi tulad ng mga cyst na puno ng likido, ang mga tumor ay matigas na masses, ibig sabihin ay matatag at solid ang mga ito. Bukod pa rito, hindi mo madaling ilipat ang mga tumor gaya ng magagawa mo sa mga cyst.
Magagawang sabihin ng mga doktor kung ang tumor ay benign o malignant sa pamamagitan ng biopsy. Ang ideya ay ang pagkuha ng sample ng tissue mula sa bukol o cyst at susuriin kung ito ay kanser.
Pangunahing Konklusyon
Kapag nagkakaroon ng mga kulani o bukol kahit saang parte ng katawan, normal na mag-alala. Ang pinakamainam na gawin ay makipagkita sa isang doktor. Kung ito ay kulani lamang o namamaga (swollen) lymph nodes, dahil mainam na malaman kung ano ang sanhi ng kondisyong ito. Kung cyst, ang iyong doktor ay magsasabi sa iyo kung kailangan mo o hindi ang karagdagang medikal na paggamot.
Matuto nang higit pa tungkol sa kalusugan ng balat dito.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap