Sa halip na maglaro ng mga pisikal na aktibidad, tulad ng football, jumping rope o basketball. Kadalasang pinipili na lamang ng isang left-out child ang mga hindi aktibong libangan. Mas malamang na gumuguhit sila, nagbabasa ng mga libro, naglalaro ng crossword puzzles, nanonood ng cartoon, o naglalaro ng computer game.
Gayunpaman, ang paglulubos sa sarili sa mga di-pisikal na aktibidad ay pwedeng humantong sa obesity. Maaari rin maging dahilan ito ng iba’t ibang problema sa kalusugan ng isang left-out child. Sa mahabang panahon, ang takot na maiwan ay pwede ring makaapekto sa emosyonal na lakas at katatagan ng bata. Ito ay maaaring magresulta sa kawalan ng kumpiyansa, pagdududa sa sarili o kahirapan na magkaroon ng mga bagong kaibigan. Habang sila ay lumalaki at nagkaka-edad.
Malungkot na Bata: Mga Paraan para Makatulong
Responsibilidad ng mga magulang na tulungan ang kanilang mga anak na ma-overcome ang ostracism o bullying. Ang mga magulang mismo ay dapat lumahok sa mga pisikal na aktibidad at laro. Kasama ang kanilang mga anak, para hindi nila makaramdam na ganap silang na-left out o naiwan. Kailangan mong magkaroon ng kamalayan sa sikolohiya ng kalungkutan ng isang bata, at gumawa ng hakbang para matulungan silang harapin ito. Nasa ibaba ang ilang simpleng pamamaraan na pwede mong gamitin para sa’yong anak.
Makinig sa Kung Ano ang Sasabihin ng Iyong Anak
Kung ang iyong anak ay nagreklamo tungkol sa pag-iwan. Makinig sa kanya nang mabuti nang hindi agad nagre-react. Makipag-usap sa ibang tao – mga kaibigan ng iyong anak, kanilang mga magulang o mga kapatid ng iyong anak. Para maunawaan kung ano ang eksaktong problema. Ang pakikialam mo nang hindi malupit o harsh ay pwedeng magligtas sa’yong anak, sa pagharap ng ostracism mula sa kanyang social circles.
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap