Lumalabas sa mga pag-aaral na ang pagbuo ng safety plan o crisis response plan na may specific instructions kung paano makakukuha ng tulong sa panahon na nakapag-iisip tungkol sa suicide ay makatutulong sa pagbabawas ng risk ng suicide attempts. Dagdag pa rito ang collaborative assessment at management suicidality ay makatutulong rin sa pag-reduce ng suicidal thoughts.
Ano ang maaaring itulong ng magulang?
Ang pamilya at mga kaibigan ang madalas na unang nakare-recognize ng mga warning signs ng suicide ng isang teenager. Bukod sa mga treatment option at therapies, ang mga sumusunod ay maaaring gawin ng mga magulang para matulungan ang mga suicidal na anak at hindi mag-lead pa sa suicide.
Panoorin at Pakinggan
Bantayan ang mga teen na depressed at ang pag-unawa sa kanilang depresyon ay napakahalaga, dahil maaaring iba ang pagtingin ng ibang mga tao tungkol sa depresyon. Pwedeng ang mabigat sa iba ay maaaring hindi mabigat sa’yo.
Subukan mo na magkaroon ng komunikasyon at mai-express ang concern, pagmamahal at suporta sa kanila, at kung hindi ka man paniwalaan ng anak mo, ipakita mo na seryoso ka sa pagdamay sa kanya. Huwag mo ring maliitin o isawalang-bahala ang pinagdadaanan ng kabataan dahil maaari itong makapagpataas ng risk ng pagkakaroon ng sense of hopelessness nila.
Magtanong nang magtanong
Maraming mga magulang ang magdadalawang-isip na magtanong sa kanilang anak, kung iniisip ba nila ang tungkol sa suicide o ang pananakit sa sarili. Magandang ideya ang magtanong kahit mahirap, dahil maaari itong makatulong para mabawasan ang burden na dala ng anak.
Paghingi ng tulong
Kapag nalaman mo na ang iyong anak ay nag-iisip na magpakamatay, humingi agad ng tulong! Ang iyong doctor ang maaaring mag-refer ng psychologist o psychiatrist. Maaari ka ring bigyan ng inyong lokal na ospital ng list ng doktor sa inyong area sa department of psychiatry, at kung dumating ka na rin sa crisis situation ang inyong local emergency room ay maaaring magsagawa ng psychiatric evaluation, at magre-refer sa’yo ng right resources na gagamitin.
Kung ‘di ka sigurado kung dapat dalhin ang inyong anak sa emergency room, tawagan ang inyong doktor! Kung ayaw pumunta ng inyong anak sa iskedyul sa mental health professional kung mayroon man, pumunta pa rin kayo sa appointment. Tandaan na ang suicidal thoughts ay maaaring mawala at bumalik. Kinakailangan ng iyong anak na magdevelop ng kakayahan na kontrolin ang suicidal thoughts at pag-uugali sa panahon ng krisis.
Laging tandaan na ang pag-aaway sa pagitan ng magulang at anak ay maaaring makapagpalala ng sitwasyon para sa mga teenager na pakiramdam na nami-misunderstood sila at nakadarama ng pagiging isolated . Humingi ka ng tulong sa mga mapagkakatiwalaang tao, sa mga health care professionals, upang maresolba ang problema sa mabuting paraan.
Key Takeaways
Ang suicide ay hindi isang birong usapin at maraming bagay ang maaaring gawin para maiwasan ito. Madalas ang mga kabataang may suicidal thoughts ay nangangailangan lamang ng pagkalinga at angkop na atensyon at treatment. Kung mapapansin mo ang iyong anak ay may mga warning signs, huwag na mag-atubuli na tulungan ang iyong anak o kumonsulta sa inyong doktor para sa agarang aksyon bago mahuli ang lahat!
Mga komento
Ibahagi ang iyong mga iniisip
Maging una sa pagpapaalam sa Hello Doctor ng iyong iniisip!
Sumali sa amin o Mag-log in para makasali sa pag-uusap